Ekesote 7:3 - Tosi Tapu

³ Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Ekesote 7:3 Iomraidhean Croise

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Pesalemo 135:9

Na kakau loa e ia ni fakamailoga mo ni milakulo kiate koe, Esipito ! Kia Falaone mo ana tagata fakasausau fuli.

Pesalemo 78:12

I mua olatou tamana na fai e ia ni nea fakatalatupua I le fenua o Esipito, i toafa o Tesoane.

Ekesote 11:10

Na fai loa e Moisese mo Alone a milakulo fuli ana i mua o Falaone, ti na fakafefeka loa e le Eteleno le loto o Falaone leia na leaise tuku ia loa fanau a Iselaele ke mavae i lona fenua.

Ekesote 11:9

Na pati loa le Eteleno kia Moisese : E leaise fakalogo loa Falaone kia koulua, o tupu ke liuliuga aku milakulo i le fenua o Esipito.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 4:29

Na soko atu loa le fanoga o Moisese mo Alone, ti na la fakatasii loa le kau matua fuli o fanau a Iselaele.

Ekesote 4:7

Na pati loa le Eteleno : Toe teki lou lima ki lou fatafata. Ti na toe teki loa e ia lona lima ki lona fatafata ; ti na too ake loa e ia lona lima mei lona fatafata, ti ko leinei, kua toe liliu a ia o tatau mo lona kanofi.

Ekesote 7:13

Na fakafefeka loa e Falaone lona loto, ti na leaise fakalogo loa a ia kia Moisese mo Alone o mulimuli ki le nea leia na pati ki ai le Eteleno.

Ekesote 9:16

Kae na kau fakamauli a koe, o tupu ke fakasa iate koe loku makeke, ti ke fakamafola loku suafa i le malama nei katoa.

Taagapati 21:1

Ko le loto o le sau ko se vaitafe i le lima o le Eteleno ; E fulusi e ia a ia ki ganea fuli e loto a ia ki ai.

Esaia 51:9

Ke ke alaala, ke ke alaala, ke ke kofu ki lou makeke, a koe ko le lima o le Eteleno ! Ke ke alaala ofaipe aso i mua, I tautupu afea ! Pe na leaise ko koe leia na tamate ia Esipito, Na sokai ia le talakone ?

Mikea 7:15

Ofaipe le aso leia na ke mavae ai i le fenua o Esipito, E kau fakatio loa a koe ki ni nea fakamanamana !

Soane 4:48

Na pati loa Sesu kiate ia : Kapau e leaise kotou tio ki ni milakulo mo ni gaoi fakatalatupua e leaise kotou tui fua.

Gaoi 2:22

Tagata Iselaele, kotou fakalogo mai ki folafola anei ! Ko Sesu mei Nasaleti, le tagata lena kua fakamaoki ki ai le Atua i okoutou mua ki ni milakulo, mo ni nea fakaofolele, ti mo ni fakamailoga ala na fai e le Atua iate ia i lotolotoga o koutou, ofaipe lakotou iloa, e koutou totonu ;

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Loma 15:19

ki le makeke o milakulo mo nea fakamanamana, ki le makeke o le Laumalie o le Atua ; koia na kau fakamafola o lasi ai le Evaselio a Kilisito, o fai mei Selusalemi, o takatakai i fenua fuli o kaku ki Ililia.

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?

Tetelonome 7:19

a asiasi lalasi ala na tio ki ai ou mata, mo milakulo, mo nea fakaofolele, mo le lima makeke mo le lima falo, i le aso leia na fakamavae ai a koe e le Eteleno, lou Atua. Ko lena le nea leia e fai loa e le Eteleno, lou Atua, ki kakai fuli ala e ke i ki ai.