Ekesote 7:23 - Tosi Tapu

²³ Na toe liliu loa Falaone ki lona fale ; ti na leaise tokaga loa a ia ki nea ana.

Ekesote 7:23 Iomraidhean Croise

Sopo 7:17

Kolea le tagata, ke ke fakamauiga a ia, ke ke tokaga kiate ia,

Pesalemo 62:10

Io, e vaiga a vosa o le tagata ! E loi a vosa o le tagata ! Ka teki latou fuli ki se fua, e lotou maamaa ake i se tukumanava.

Ekesote 7:22

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 7:24

Na kenu loa e le kau Esipito katoa ni popoko i tafatafa o le vaitafe, ke maua se vai ke inu ; talie na leaise mafai ke inu le vai o le vaitafe.

Ekesote 9:20

Ko latou ala i tagata fakasausau a Falaone na i loa ki le folafola a le Eteleno, na fakaulu ia loa ki olatou fale alatou tagata fakasausau mo alatou kau manu.

Ekesote 9:21

Kae ko latou ala na leaise too fakamalotoloto ia le folafola a le Eteleno, na tuku ia loa alatou tagata fakasausau mo alatou kau manu i faisaga.

Taagapati 22:17

Tuku mai lou taliga, fakalogo mai ki masau a le kau poto ; Tokaga mai lou loto ki nea ala e kau iloa.

Taagapati 24:32

Na kau tio fakamalielie, Ti na kau ako mei ai le nea leinei :

Taagapati 28:14

Manuia le tagata leia e i tuumau ki le Eteleno ! Kae ko leia e fakafefeka ia lona loto e vilo ki le malaia.

Taagapati 29:1

Ko se tagata leia kua tua lasi lona valoki, kae e fakafefeka lona ua, E fatii fakapunamauli loa a ia, ti e leaise toe maua loa sona faitoo.

Esaia 26:11

Eteleno, e mafimafi lou lima : Kae e leaise lotou tio ki ai. E lotou tio loa ki lou alofa ki le kakai, ti e lotou luma loa ; E tutu loa e le afi ou fili.

Esaia 47:7

Na ke pati : E kau fafine aliki loa o lee gato ! Na leaise ke tuku fua ki lou loto, Na leaise ke manatu fua e oki loa le nea a ia i se aso.

Selemia 36:24

Na leaise i loa le sau mo ana tagata fakasausau fuli ala na logo ki folafola fuli ana, ti na leaise lotou sae loa olatou kofu.

Selemia 5:3

Eteleno, pe leaise tio ou mata ki le maoki ? E ke taai latou, kae e leaise lotou logoi fua se mamae ; E ke tutu latou ke okioki, kae e leaise lotou tokaga fua ki se akonaki : E lotou asili fakafefeka ake olotou mata i le fatu ; E leaise lotou fia tafoki kiate koe.

Esekiele 40:4

Ti na pati mai loa le tagata lena kiate au : Vosa o le tagata, tio ou mata, ti fakalogo ou taliga, ti tokaga fakamalielie lou loto ki nea fuli ala e kau fakasa loa kiate koe, talie na aumai a koe ki leinei o tupu ke kau fakasa kiate koe a nea anei. E ke fakasa loa ki le fale o Iselaele a nea fuli ala ka ke tio loa ki ai.

Apakuki 1:5

Kotou tagaki okoutou mata ki atu puleaga, ti kotou tio, Ti kotou punamauli, ti kotou i ! Talie e kau fai loa se gaoi i lokoutou temi, Leia e leaise kotou tui loa ki ai mo ka fakamatala a ia.

Malakia 2:2

Kapau e leaise kotou fakalogo, kapau e leaise kotou tokaga i lokoutou loto katoa O tuku le kololia ki loku suafa, e pati le Eteleno o kau tau, E kau kakau loa kia koutou le malaia, Ti e kau fakaliliu loa a tapuakina ala na kau fakapapau atu kia koutou ko ni malaia ; Io, e kau fakaliliu loa latou ko ni malaia, talie e leaise kotou tokaga ki ai i lokoutou loto katoa.

Tetelonome 32:46

Na pati loa a ia kia latou : ke kotou too fakamalotoloto a folafola fuli anei e kau fakapapau atu kia koutou i le aso nei, ti ke kotou fakatotonu latou ki okoutou fanau, o tupu ke lotou tausi latou mo fai latou.

Uluaki tosi a Samuele 4:20

I mua o lona mate, na pati loa a fafine ala na nonofo i ona tafa kiate ia : Aua na ke i, talie kua ke fanaui se tama ! Kae na leaise tali ake loa a ia, ti na leaise tokaga ake loa a ia.