Ekesote 7:2 - Tosi Tapu

² Ko koe, e ke fakasa loa a nea fuli ala e kau fakatotonu atu kiate koe, ti ko Alone lou taokete, e masau loa kia Falaone, ke tuku fanau a Iselaele ke mavae mei lona fenua.

Ekesote 7:2 Iomraidhean Croise

Uluaki tosi o Sau 22:14

Na tali loa Mikea : E mauli le Eteleno ! E kau fakasa loa le nea leia e tuku mai e le Eteleno kiate au.

Ekesote 4:15

E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Ekesote 4:16

E fakasoko loa e ia au masau ki le kakai ; ti e liliu loa a ia kiate koe ko lou gutu, ti e ke liliu loa kiate ia ko le fakafofoga o le Atua.

Ekesote 5:1

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o Iselaele : Tuku ke ano loku kakai, ke fai e ia se aso fakafiafia kiate au.

Ekesote 6:29

Na pati loa le Eteleno kia Moisese : Ko au ko le Eteleno. Fakasa kia Falaone, ko le sau o Esipito, a nea fuli ala e kau pati atu ki ai.

Ekesote 7:6

Na fai loa e Moisese mo Alone le nea leia na fakatotonu e le Eteleno kia laua : Na la fai loa ki ai.

Selemia 1:17

Ti ko koe, toi lou kilipipi, ti ke tuu ki aluga, ti ke fakasa kia latou a nea fuli ala e kau fakatotonu atu loa kiate koe. Aua na ke lulu i olatou mua, ke aua na kau fakalulu loa a koe i olatou mua.

Selemia 1:7

Ti na pati mai loa le Eteleno kiate au : Aua na ke pati : Ko se ga toe au. Talie e ke ano loa kia latou fuli ala e kau kakau loa a koe ki ai, ti e ke fakasa loa a nea fuli ala e kau fakatotonu atu loa kiate koe.

Esekiele 3:10

Na pati mai a ia kiate au : Vosa o le tagata, ke ke tali i lou loto ti mo fakalogo mai ou taliga ki folafola fuli ala e kau fakasa atu loa kiate koe !

Esekiele 3:17

Vosa o le tagata, e kau fakanofo loa a koe ko le tagata leo ki le fale o Iselaele. E ke fakalogo loa ki le folafola leia e vilo atu loa i loku gutu, ti e ke fakasa loa kia latou aku valoki.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Gaoi 20:27

talie kua kau fakasa kia koutou le finegalo katoa o le Atua, o leaise kau toe fufu fua se nea e tasi.

Tetelonome 4:2

E leaise kotou fakalasi loa se nea ki le nea leia kua kau fakatotonu kia koutou, ti e leaise kotou fakaikiiki loa se nea ; kae e kotou tausi loa a folafola a le Eteleno, lokoutou Atua, ofaipe laku tuku atu latou kia koutou.