Ekesote 7:16 - Tosi Tapu

¹⁶ E ke pati loa kia Falaone : Ko le Eteleno, le Atua o le kau Epeleo, na kakau ia mai au kiate koe, ke pati atu kiate koe : tuku loku kakai ke ano, o tupu ke lotou tausi kiate au i le toafa. Ti ko leinei, o kaku mai ki le aso nei, na leaise ke fakalogo fua.

Ekesote 7:16 Iomraidhean Croise

Ekesote 10:3

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o le kau Epeleo : E kaku loa kiafea lau fakafiti ke ke fakataulalo i oku mua ? Tuku loku kakai ke ano, o tupu ke tausi a ia kiate au.

Ekesote 13:15

kae, i le fakafefeka e Falaone o lona loto, o leaise tuku e ia matou ke ano, na tamate loa e le Eteleno a uluaki fuli i le fenua o Esipito, mei uluaki o tagata o kaku ki uluaki o manu. Ko lena le tupuaga o laku momoli ki le Eteleno le sakilifisio ki manu tagata uluaki fuli, ti mo laku totogi ai a uluaki fuli o oku vosa.

Ekesote 14:5

Na fakasa loa ki le sau o Esipito kua sola le kakai o Iselaele. Ti na fetogi loa le loto o Falaone mo le loto o ana tagata fakasausau, ki le kakai o Iselaele. Na lotou pati loa : Kolea kua tou fai ai le nea lena, ke tou tuku ai Iselaele ke ano, kae e leaise tou toe maua ia loa alatou gaoi malilie ?

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 3:13

Na pati loa Moisese ki le Atua : E kau ano loa ki fanau a Iselaele, ti e kau pati loa kia latou : Ko le Atua o okoutou tamana e kakau ia mai au kia koutou. Kae, kapau e lotou vesili mai loa kiate au pe ko ai lona igoa, kolea loa laku tali kia latou ?

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Ekesote 4:22

E ke pati loa kia Falaone : E masau le Eteleno, o pati : Ko loku vosa Iselaele, loku uluaki.

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Ekesote 7:4

E leaise fakalogo loa Falaone kia koulua. E fafa loa loku lima ki Esipito, ti e kau fakamavae loa mei le fenua o Esipito aku kau tau, loku kakai, a fanau a Iselaele, ki ni tautea lalasi.

Ekesote 8:1

Na pati loa le Eteleno kia Moisese : Pati kia Alone : Siki lou lima mo lou tokotoko ki liua lalasi, mo liua liliki, mo vaivailiua, mo vai tanaki, ti ke fakapale mei ai a kelenui ki le fenua o Esipito.

Ekesote 8:20

Na fai fenaaki loa e le Eteleno. Na ulu loa se kau lago utiuti ki le fale o Falaone mo ana tagata fakasausau, ti na maumaui loa e lago le fenua katoa o Esipito.

Ekesote 9:1

Na pati loa le Eteleno kia Moisese : Ano kia Falaone, ti ke pati loa kiate ia : Ko leinei le folafola a le Eteleno, le Atua o le kau Epeleo : tuku loku kakai ke ano, ke lotou tausi kiate au.

Ekesote 9:13

Na pati loa le Eteleno kia Moisese : Tuu koi usu, ti ke ano ki mua o Falaone. E ke pati loa kiate ia : Ko leinei le folafola a le Eteleno, ko le Atua o le kau Epeleo : tuku loku kakai ke ano, o tupu ke tausi a ia kiate au.

Esaia 45:13

Ko au leia na lagai ia Silusi ke fakasoko ia laku faitotonu, Ti e kau fakafaigaofie ia loa ona ala fuli. E toe laga loa e ia loku kolo, ti e fakalauatea loa e ia laku kau popula, Sala totogi, sala se nea alofa, E pati le Eteleno o kau tau.

Selemia 50:33

Koia e folafola ai le Eteleno o kau tau, o pati : E taomia fakatasi fanau o Iselaele mo fanau o Suta ; Ti ko latou fuli ala na ave ia latou ki le popula e taofi ia latou, Ti e leaise lotou loto ke toe tuku ake latou.