Ekesote 7:14 - Tosi Tapu

¹⁴ Na pati loa le Eteleno kia Moisese : E fakafefeka loa e Falaone lona loto ; e leaise tali loa e ia ke tuku le kakai ke ano.

Ekesote 7:14 Iomraidhean Croise

Ekesote 10:1

Na pati loa le Eteleno kia Moisese : Ano kia Falaone, talie kua kau fakafefeka ia lona loto mo le loto o ana tagata fakasausau, o tupu ke fakasa ai aku fakamailoga i loto malie o latou.

Ekesote 10:20

Na fakafefeka loa e le Eteleno le loto o Falaone, ti na leaise tuku loa e Falaone a fanau a Iselaele ke ano.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 10:4

Kapau e leaise ke tuku loa loku kakai ke ano, ko leinei e kau kakau mai loa i le aso apogipogi ni seseivaka ki le kele katoa o lou fenua.

Ekesote 3:19

E kau iloa e leaise tuku loa koutou e le sau o Esipito ke ano, mo kapau e leaise fafa loa se lima makeke kiate ia.

Ekesote 4:23

E kau pati atu kiate koe : Tuku loku vosa ke ano, o tupu ke tausi a ia kiate au ; kapau e ke fakafiti ke tuku a ia ke ano, ti e kau tamate loa lou vosa uluaki.

Ekesote 7:13

Na fakafefeka loa e Falaone lona loto, ti na leaise fakalogo loa a ia kia Moisese mo Alone o mulimuli ki le nea leia na pati ki ai le Eteleno.

Ekesote 7:15

Ke ke ano loa kia Falaone koi usu ; e ulu mai loa a ia o ano ki le vaitafe ; ti e ke ano loa ki ona mua i le laugutu o le vaitafe. E ke too loa i lou lima le tokotoko leia na liliu o gata,

Ekesote 8:11

I le tio a Falaone kua maua se fimalie, na toe fakafefeka loa e ia lona loto, ti na leaise fakalogo loa a ia kia Moisese mo Alone, o fai ki le nea leia na pati ki ai le Eteleno.

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:2

Na siki loa e Alone lona lima ki vai o Esipito ; ti na pale loa mei ai a kelenui, o mafolafola i le fenua katoa o Esipito.

Ekesote 9:2

Kapau e leaise ke tuku loa le kakai ke ano, ti kapau e ke toe taofi loa a ia,

Ekesote 9:34

I le tio a Falaone kua gato le ua, mo le ua fatu, ti mo le mana, na toe soko atu loa e ia lana agasala, o toe fakafefeka lona loto, o ona mo ana tagata fakasausau.

Ekesote 9:7

Na afaafa loa e Falaone le nea leia na soko ; ti ko leinei na leaise mate fua se manu e tasi i kau manu a Iselaele. Kae na fakafefeka loa e Falaone lona loto, ti na leaise tuku loa e ia le kakai ke ano.

Esaia 1:20

Kae kapau e kotou patigataa ti kapau e kotou agatuu, E tafi loa koutou e le seleta, Talie kua folafola le gutu o le Eteleno.

Selemia 8:5

Ti kolea e sese tuumau ai le kakai leinei o Selusalemi ? E lotou tuu makeke i le kaka, E lotou fakafiti ke tafoki.

Selemia 9:6

E tuu lou nofoaga i loto malie o le kaka ; E leaise lotou fia iloa au, o tupu ko le fai kaka, E pati le Eteleno.

Sakalia 7:12

Na lotou fakafefeka olatou loto ofaipe se fa taimane, ke aua na lotou fakalogo ki le lao mo folafola ala na fakasa kia latou e le Eteleno o kau tau i lona Laumalie i ana kau polofeta mua. Koia na ula ai le sausau lasi o le Eteleno.

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Epelo 12:25

Kotou tokaga ke aua na kotou fakafiti ki leia e masau atu kia koutou ; talie kapau na leaise sao latou ala na fakafiti loa ke logo ki leia na fakasa ia ni folafola i le malama nei, e feaki ake loa ke tou sao mo kapau e tou titua ki leia e masau mei le lagi,

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?