Ekesote 7:13 - Tosi Tapu

¹³ Na fakafefeka loa e Falaone lona loto, ti na leaise fakalogo loa a ia kia Moisese mo Alone o mulimuli ki le nea leia na pati ki ai le Eteleno.

Ekesote 7:13 Iomraidhean Croise

Lua tosi o Koloniko 36:13

Na agatuu foki a ia ki le sau ko Nepukatenesale, leia na fakamaua ia a ia ke fakapapau i le suafa o le Atua ; ti na fakafefeka loa e ia lona ua mo lona loto, o leaise toe liliu a ia ki le Eteleno, le Atua o Iselaele.

Ekesote 10:1

Na pati loa le Eteleno kia Moisese : Ano kia Falaone, talie kua kau fakafefeka ia lona loto mo le loto o ana tagata fakasausau, o tupu ke fakasa ai aku fakamailoga i loto malie o latou.

Ekesote 10:20

Na fakafefeka loa e le Eteleno le loto o Falaone, ti na leaise tuku loa e Falaone a fanau a Iselaele ke ano.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Ekesote 4:21

Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 7:12

Na lotou ti loa ki le kele olatou tokotoko fuli, ti na lotou liliu loa ko ni gata. Kae na folo loa e le tokotoko o Alone alatou tokotoko.

Ekesote 7:14

Na pati loa le Eteleno kia Moisese : E fakafefeka loa e Falaone lona loto ; e leaise tali loa e ia ke tuku le kakai ke ano.

Ekesote 7:22

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:11

I le tio a Falaone kua maua se fimalie, na toe fakafefeka loa e ia lona loto, ti na leaise fakalogo loa a ia kia Moisese mo Alone, o fai ki le nea leia na pati ki ai le Eteleno.

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:19

E kau fai loa se fakamailoga i loku kakai mo lou kakai. Ti e soko loa le fakamailoga lena i apogipogi.

Ekesote 8:28

Kae na toe fakafefeka loa e Falaone lona loto, i le faiaga foki lena, ti na leaise tuku loa e ia ke ano le kakai.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Ekesote 9:35

Na fakafefeka loa le loto o Falaone, ti na leaise tuku loa e ia fanau a Iselaele ke ano, o mulimuli ki le nea leia na fakasa e le Eteleno kia Moisese.

Ekesote 9:7

Na afaafa loa e Falaone le nea leia na soko ; ti ko leinei na leaise mate fua se manu e tasi i kau manu a Iselaele. Kae na fakafefeka loa e Falaone lona loto, ti na leaise tuku loa e ia le kakai ke ano.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 2:5

Kae, i lau fakafefeka ti mo lou loto lee fakasemala, e ke tanaki ai kiate koe se koloa o le sausau ki le aso o le sausau ti mo le fakasa o le fakamaau totonu a le Atua,

Tetelonome 2:30

Kae na leaise tali loa e Sioni, sau o Eseponi, ke motou fakalaka i lona fenua ; talie na fakafefeka loa e le Eteleno, lou Atua, lona ulu mo lona loto, o tupu ke tuku a ia ki lou lima, ofaipe lau tio ki ai i le aso nei.

Epelo 3:13

Kae kotou feakonakiaki ia koutou i aso taki tasi, i le temi katoa koi mafai ai ke pati : I le aso nei ! talie ke aua na fakafefeka se tasi o koutou e le kaka o le agasala.

Uluaki tosi a Samuele 6:6

Kolea ka kotou fakafefeka ai loa okoutou loto ofaipe le fakafefeka o loto o Falaone mo le kau Esipito ? Pe na leaise fakavilo loa e le Atua ana tautea kia latou, pe na leaise lotou tuku loa ke ano a fanau a Iselaele ?