Ekesote 7:11 - Tosi Tapu

¹¹ Kae na kalagai loa e Falaone ni tagata poto mo ni tagata faikikite, ala ko tagata fai nea fakatalatupua o Esipito, ti na lotou toe fai loa le nea lena ki alatou nea fakatemonio.

Ekesote 7:11 Iomraidhean Croise

Senesi 41:8

I le usu, na mamae loa le laumalie o Falaone, ti na kalagai loa e ia a tagata fainea fakatalatupua fuli mo le kau poto fuli o Esipito. Ti na fakamatala loa e ia kia latou ana moe miti. Kae na leaise mafai ke fakamatala e se tasi a moe miti kia Falaone.

Ekesote 7:12

Na lotou ti loa ki le kele olatou tokotoko fuli, ti na lotou liliu loa ko ni gata. Kae na folo loa e le tokotoko o Alone alatou tokotoko.

Ekesote 7:22

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 8:18

Kae, i le aso lena, e kau fakamailoga kese loa le fenua o Koseni leia e nofo ai loku kakai ; e leaise maua loa i ai se fa lago, o tupu ke ke iloa ko au ko le Eteleno, e kau nofo i loto o le fenua lena.

Ekesote 8:3

Kae na toe fai foki e le kau fai nea fakatalatupua o Esipito le nea lena ki alatou nea fakatemonio. Na lotou fakapale foki a kelenui ki le fenua o Esipito.

Ekesote 8:7

E fakamamao loa a kelenui meiate koe mo ou fale, mei au tagata fakasausau mo lou kakai ; e toe loa fua ki kelenui o le vaitafe.

Taniela 2:2

Koia na kalagai ai loa e le sau le kau fai nea fakatalatupua, mo latou ala e sivi ia le anoaga o le temi, mo latou ala e fai nea fakatemonio, ti mo le kau Kaletea, ke lotou fakasa ake kiate ia ana moe miti. Na lotou au loa, o tuu i mua o le sau.

Taniela 2:27

Na tali loa Taniela i mua o le sau, o pati : Ko le nea leia e kole e le sau ko se nea fakafufu, ti e leaise mafai e le kau poto, mo le kau sivi fetuu, mo le kau masi, mo le kau kikite, ke fakamatala ia ki le sau.

Taniela 4:6

Na kau fakatotonu loa ke aumai ki oku mua le kau poto fuli o Papilone, ke fakamatala mai kiate au le uiga o le moe miti.

Taniela 5:11

E maua se tagata i lou puleaga leia e nofo ai le laumalie o atua maokioki ; i le temi o lou tamana, na maua i le tagata lena le tio malama, mo se atamai, ti mo se poto, leia e tatau mo le poto o atua. Ti ko le sau ko Nepukatenesale, lou tamana, ei sau, na fakanofo ia a ia ko le pule o le kau fai nea fakatalatupua, mo le kau sivi fetuu, mo le kau Kaletea, ti mo le kau faikikite,

Taniela 5:7

Ti na kalaga loa le sau, o leo lasi, ke aumai latou ala e sivi ia a temi, mo le kau Kaletea, ti mo kau faikikite ; ti na pati loa le sau ki le kau poto o Papilone : Ko leia e lau ia loa le faitosi leinei ti mo fakamatala ia mai loa lona mauiga kiate au e fakakofu loa a ia ki le kofu kula, ti e fakatau loa se kasoa aulo ki lona ua, ti e maua loa e ia le tolu tuulaga o le puleaga.

Mateo 24:24

Talie e mafuta loa ni kilisito loi mo ni polofeta loi ; ti e lotou fai loa ni nea fakamanamana lalasi mo ni milakulo ke fakasesei ai, mo ka na feala, latou foki ala kua filifili.

Kalate 3:1

Ei kau Kalate valelea ! Ko ai lena kua fakauluvalea ia koutou, ke aua na koutou fakalogo ki le maoki, koutou ala na fakasa tautonu ki okoutou mata a Sesu-Kilisito leia na tutuki i le koluse ?

Efeso 4:14

Talie ke aua na tou toe fai loa pe ni toe liliki, ala e fetaaki mo feaveaki e matagi o akonaki fuli ala e fakamafola e ni tagata kaka ke fakasese ai ni iki ki alatou puleaki kaka.

Lua tosi ki le kau Tesalonika 2:9

E fai loa le sa o le tagata agatuu lena i le makeke o Satana, i ni milakulo kesekese, mo ni fakamailoga, ti mo ni nea fakamanamana loi,

Lua tosi kia Timoteo 3:8

O tatau mo Sanese mo Sapelese ala na fakafesagai kia Moisese, e fakafesagai foki a tagata ana ki le maoki. Kua fakapouli olatou atamai, ti e leaise aoga lalatou tui.

Lua tosi kia Timoteo 3:9

Kae e leaise lotou tuputupua loa i le tui, talie e sa loa lolatou valea ki tagata fuli, ofai foki pe le valea o le sa tagata lena.

Apokalipisi 19:20

Ti na fakapilisoni loa le manu fekai, mo le polofeta loi, leia na fai ia i mua o le manu a nea fakaofolele ala na sese ai latou ala na maua ia le fakamailoga o le manu fekai ti na su ki lona fakatata. Ti na ti mauli loa laua toka lua ki le moana kaka o le afi mo le sulifa.

Uluaki tosi a Samuele 6:2

Na kakau loa e le kau Filisitini ke au le kau pelepitelo mo le kau kikite, ti na lotou pati loa : Kolea ke motou fai loa ki le aleka o le Eteleno ? Kotou fakasasa mai kia matou pe feaki lona toe fakaliliu ki lona nofoaga.