Ekesote 7:1 - Tosi Tapu

¹ Na pati loa le Eteleno kia Moisese : Tio, e kau fakaliliu a koe ko le Atua kia Falaone ; ti ko Alone, lou taokete, e liliu loa ko lau polofeta.

Ekesote 7:1 Iomraidhean Croise

Senesi 19:21

Ti na pati loa le aselo kia Lote : Ko leinei, e kau toe tuku atu kiate koe le kalasia lena, e leaise kau maumaui loa le kolo lena e ke masau ki ai.

Uluaki tosi o Sau 17:23

Na too loa e Elia le fanau, o fakaifo a ia mei lau fata ki le fale, ti na soli loa e ia a ia ki lona tinana. Ti na pati loa Elia : Tio, kua mauli lou tama.

Lua tosi o Sau 6:32

Kae na tonatona Eliseo i lona fale, ti na tonatona le kau matua i ona tafa. Na kakau loa e le sau se tasi kia Eliseo ; kae i mua o le kaku ake a le tagata avelogo, na pati loa Eliseo ki le kau matua : Kotou tio mua, kua kakau mai e le nea tukipo lena se tasi ke au o tamate au. Kotou fakalogo mai ! ka kaku mai loa le tagata avelogo, kotou tapono le matapa kiate ia ke aua na ulu mai ki loto : pe leaise kotou logo loa ki le saele mai o lona pule i ona muli ?

Pesalemo 78:12

I mua olatou tamana na fai e ia ni nea fakatalatupua I le fenua o Esipito, i toafa o Tesoane.

Pesalemo 82:6

Na kau pati : ko koutou ko ni atua, Ko koutou ko vosa fuli o le Taualuga.

Ekesote 16:29

Ke kotou iloa na kau tuku atu kia koutou le sapato ke kotou malolo ai, koia leia na kau tuku ai kia koutou i le ono o aso, le nea kai ki aso e lua. I le fitu o aso ke tasi nofo le tagata i lona falela, ti ke aua na toe mavae se tasi mei le ganea leia e nofo ai.

Ekelesiasi 1:10

Kapau e i ai se nea leia e pati ki ai : Tio ki le nea leinei, ko se nea foou ! Na maua le nea lena i sekulo ala na muamua ia tatou.

Selemia 1:10

Tio, kua kau tuku kiate koe i le aso nei se makeke ki atu kakai mo atu puleaga, o tupu ke ke taaki mo veteki, ke ke maumaui mo soloi, ke ke lagai ake mo to.

Gaoi 7:7

Ti na pati loa le Atua : ko le puleaga leia ka lotou popula loa ki ai, ko au leia e tautea ia loa a ia. I le oki o le nea lena, e lotou mavae loa mei ai, o atolasio kiate au i le ganea leinei.