Ekesote 6:2 - Tosi Tapu

² Ti na toe masau loa le Atua kia Moisese : Ko au ko le Eteleno.

Ekesote 6:2 Iomraidhean Croise

Senesi 15:7

Na toe pati loa le Eteleno kiate ia : Ko au ko le Eteleno, leia na fakamavae ia a koe mei Ulu i Kaletea, ke soli kiate koe le fenua leinei mo ou.

Ekesote 12:12

I le po lena, e kau fakalaka loa i le fenua o Esipito, ti e kau tamate loa a fanau uluaki fuli o le fenua o Esipito, mei le tagata o kaku ki le manu, ti e kau fakasoko loa aku tautea ki atua fuli o Esipito. Ko au ko le Eteleno.

Ekesote 14:18

Ti e iloa loa e le kau Esipito ko au ko le Eteleno, mo ka fakasa loa loku kololia e Falaone, mo ana saliote, ti mo lana kau ekeosi.

Ekesote 15:3

Ko le Eteleno ko se tagata tau toa a ia ; Ko Eteleno ko lona igoa a ia.

Ekesote 17:1

Na mavae loa le fakatasiga katoa o fanau a Iselaele i le toafa o Sini, o mulimuli ki le fakatuutuu leia na tuku e le Eteleno kia latou o uiga mo le fanoga ; ti na lotou nonofo loa i Lefitimi, ti na leaise maua loa e le kakai se vai ke inu i le ganea lena.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 3:14

Na pati loa le Atua kia Moisese : Ko au ko leia e agai. Ti na toe soko atu a ia : E feneeki loa lau tali ki fanau a Iselaele : Ko leia e igoa " Ko au " na kakau ia mai au kia koutou.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 6:29

Na pati loa le Eteleno kia Moisese : Ko au ko le Eteleno. Fakasa kia Falaone, ko le sau o Esipito, a nea fuli ala e kau pati atu ki ai.

Ekesote 6:6

Koia ke ke pati ki fanau a Iselaele : Ko au ko le Eteleno, e kau fakalauatea loa koutou mei gaoi ala e kotou taomia ai i le kau Esipito, ti e kau saofaki loa koutou mei lalatou popula, ti e kau saofaki loa koutou ki se lima makeke, mo ni tautea lalasi.

Ekesote 6:8

E kau fakaulu loa koutou ki le fenua leia na kau fakapapau ke soli kia Apalaamo, mo Isaake, mo Sakopo ; ti e kau soli loa a ia kia koutou, ko lokoutou fenua, ko au ko le Eteleno.

Esaia 42:8

Ko au ko le Eteleno, ko loku igoa a ia ; Ti e leaise kau soli loa loku kololia ki se tasi, Pe ko loku mauiga ki taulaatua.

Esaia 43:11

Ko au, ko au leia ko le Eteleno, Ti e sala mo au, e leai se fakamauli.

Esaia 43:15

Ko au ko le Eteleno, lokoutou Sagato, Le tupuaga o Iselaele, lokoutou sau.

Esaia 44:6

Ko leinei le folafola a le Eteleno, le sau o Iselaele ko lona fakamauli, Le Eteleno o kau tau : Ko au ko le uluaki ti ko au ko le fakamulimuli, Ti e leaise tasi ake Atua iate au.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Esekiele 20:5

E ke pati loa kia latou : E folafola le Aliki, le Eteleno, o pati : I le aso leia na kau filifili ai Iselaele, na kau siki loku lima ki le sakoga o le fale o Sakopo, ti na kau sa kia latou i le fenua o Esipito ; ti na kau siki loku lima kia latou, o pati : Ko au ko le Eteleno, lokoutou Atua.

Malakia 3:6

Talie ko au ko le Eteleno, e leaise kau fetogi. Ti ko koutou, fanau a Sakopo, na leaise kotou fetogi foki.