Ekesote 6:12 - Tosi Tapu

¹² Na tali loa Moisese ki le Eteleno : Ko leinei foki, na leaise fakalogo fua fanau totonu o Iselaele kiate au : Pe feaki loa ke fakalogo Falaone kiate au, leia e leaise masau malie ?

Ekesote 6:12 Iomraidhean Croise

Ekesote 3:11

Na pati loa Moisese ki le Atua : Ko ai au, ke kau ano kia Falaone, ti ke kau fakamavae mei Esipito a fanau a Iselaele ?

Ekesote 3:13

Na pati loa Moisese ki le Atua : E kau ano loa ki fanau a Iselaele, ti e kau pati loa kia latou : Ko le Atua o okoutou tamana e kakau ia mai au kia koutou. Kae, kapau e lotou vesili mai loa kiate au pe ko ai lona igoa, kolea loa laku tali kia latou ?

Ekesote 4:1

Ti na tali loa Moisese : Ko leinei, e leaise lotou tui loa kiate au, ti e leaise lotou fakalogo loa ki loku leo. Kae e lotou pati loa : Na leaise sa le Eteleno kiate koe.

Ekesote 4:10

Na pati loa Moisese ki le Eteleno : Ei loku Aliki, e leaise ko se tagata au leia e masau faigaofie, ti e leaise ko se nea fua mei nanafi, pe ko leia atu a aso, pe ko le aso leia na ke kamata masau ai ki lau tagata fakasausau ; talie e valea loku gutu mo loku alelo.

Ekesote 6:13

Na folafola loa le Eteleno kia Moisese mo Alone, o tuku kia laua ni fakatotonu ki fanau a Iselaele mo Falaone sau o Esipito, ke fakamavae a fanau a Iselaele mei le fenua o Esipito.

Ekesote 6:30

Ti na tali loa Moisese i mua o le Eteleno : Ko leinei, e leaise kau masau malie ; e feaki loa ke fakalogo mai Falaone kiate au ?

Ekesote 6:9

Ti na masau fenaaki loa Moisese ki fanau a Iselaele. Kae o tupu ko le mamae mo le mamafa o le popula, na leaise mafai loa ke lotou fakalogo kia Moisese.

Esaia 6:5

Ti na kau pati loa : Malaia kiate au ! Kua kau puli noa, talie ko au ko se tagata leia e kelekele oku laugutu, ti e kau nofo i loto malie o se kakai leia e kelekele ona laugutu, kae kua tio oku mata ki le Sau, le Eteleno o kau tau.

Selemia 1:6

Na kau tali loa : Ei Aliki Eteleno ! Ko leinei, e leaise kau poto fua i le masau, talie ko se ga toe au.

Selemia 6:10

Ko ai leia e tonu ke kau masau ki ai, ti ko ai leia e tonu ke too ko se tagata fakamaoki ke lotou fakalogo mai ai kiate au ? Ko leinei, kua tulituli lolatou taliga, Ti e leaise mafai fua ke lotou tokaga ; Ko leinei, e fai le folafola a le Eteleno kia latou pe se lumaaga, E leaise lotou maua i ai se fiafia fua e tasi.

Selemia 9:26

Esipito, Suta, Etome, fanau o Amone, Moape, Latou fuli ala e tele ia olatou ma, Latou ala e nonofo i le toafa ; Talie e lee silikosisio a atu puleaga fuli, Ti e lee silikosisio le loto o le fale katoa o Iselaele.

Levitiko 26:41

e lotou matala loa i ai na kau fakatutuu kia latou ti na kau ave ia loa latou o fakapopulai i fenua o latou fili. E lotou fakasemala loa ki alatou agatuu ti e lotou tali loa le tautea o alatou agasala.

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 30:6

E silikosisio loa e le Eteleno, lou Atua, lou loto mo le loto o lou sakoga, o tupu ke ke alofa loa ki le Eteleno, lou Atua, i lou loto katoa mo lou laumalie katoa, o tupu ke ke mauli ai loa.