Ekesote 6:1 - Tosi Tapu

¹ Na pati loa le Eteleno kia Moisese : I le aso nei e ke tio loa ki le nea leia ka kau fai loa kia Falaone ; e fakamakeke loa a ia e se lima makeke ke tuku latou ke ano, ti e fakamakeke loa a ia e se lima makeke ke kapu latou mei lona fenua.

Ekesote 6:1 Iomraidhean Croise

Lua tosi o Sau 7:19

Ti na tali loa le ofisa ki le tagata a le Atua : Pe fai foki e le Eteleno ni katupa i le lagi ke laku mai ai ni fulumeto, pe soko loa se nea felaaki ? Ti na pati loa Eliseo : E ke tio mata loa ki ai, kae e leaise ke kai loa ki ai.

Lua tosi o Sau 7:2

Na tali loa le tagata solia leia na feanoaki tuumau mo le sau ki le tagata a le Atua : Kapau e fai loa e le Eteleno ni katupa i le lagi ke laku mai ai se fulumeto, tio lagi mafai ke soko loa le nea lena e ke pati ki ai ! Na tali loa Eliseo : E tio loa ou mata ki le nea lena, kae e leaise ke kai loa ki ai.

Lua tosi o Koloniko 20:17

E leaise kotou tau loa i le tau lena : Ke kotou ano fua, ke kotou tutuu i ai, ti e kotou tio loa ki le saofaki leia ka tuku atu loa e le Eteleno kia koutou. Suta mo Selusalemi, aua na kolua tuania ti aua na kolua i, i apogipogi, kotou ulu ki fafo o fakafetaulaki kia latou, ti e kau loa le Eteleno mo koutou !

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Pesalemo 136:12

Ki lona lima makeke mo lona lima falo, Talie e lee gato lona manava alofa !

Pesalemo 89:13

Na ke fakatupu ia le noleto mo le saute ; E fiafia le Tapole mo le Elemoni i lou suafa.

Ekesote 11:1

Na pati loa le Eteleno kia Moisese : E kau toe tuku loa se tautea fakaoki kia Falaone mo Esipito. Ka oki loa le nea lena, e tuku loa koutou e Falaone ke mavae i leinei. Ka tuku loa e ia koutou ke ano, e kapu loa e ia koutou ke mavae oki i leinei.

Ekesote 12:31

I le po fai lena, na kalagai loa e Falaone a Moisese mo Alone, o pati kia laua : Kotou tutuu ki aluga, ti kotou mavae i loku kakai, a koutou mo fanau a Iselaele. Kotou ano, ti kotou tausi ki le Eteleno o mulimuli ki le nea leia na kolua pati mai ki ai.

Ekesote 12:33

Na ekenaki loa le kakai e le kau Esipito ke mavae fakavilivili i le fenua, talie na lotou pati : E motou mamate fuli loa.

Ekesote 12:39

Na lotou fakamoso loa ni kato sala fakatupu ki le falina leia kua lusi, leia na aumai mei Esipito kae na leikiaise tupu, talie na kapu latou mei Esipito, o lotou mavae fakatavili kae na leaise lotou too ia ni nea kai ke ano mo latou.

Ekesote 13:14

Ti kapau e vesili atu loa lou vosa i se aso : Kolea le uiga o le nea lena ? E ke tali loa kiate ia : Na fakamavae matou e le Eteleno ki lona lima makeke mei Esipito, mei le fale o le popula ;

Ekesote 13:16

E tuu loa le nea lena ko se fakamailoga i lou lima ti ko se fakamanatu i lou lae ; talie na fakamavae matou i Esipito e le lima makeke o le Eteleno.

Ekesote 13:3

Na pati loa Moisese ki le kakai : Kotou manatui le aso leinei, le aso leia na kotou mavae ai i Esipito, i le fale o le popula ; talie ko le lima makeke o le Eteleno leia na fakamavae ia koutou. E leaise kai loa se pane fakatupu.

Ekesote 13:9

E tuu loa le nea lena kiate koe ofaipe se fakamailoga i lou lima, ofaipe se tausi alofa i ou vasa mata, o tupu ke maua le lao a le Eteleno i lou gutu ; talie ko le Eteleno leia na fakamavae ia a koe i Esipito, ki lona lima makeke.

Ekesote 14:13

Na tali loa Moisese ki le kakai : Aua na kotou i fua ki se nea e tasi, kotou nonofo mau, ti e kotou tio loa ki le saofaki leia ka fakasoko loa e le Eteleno kia koutou i le aso nei ; talie ko le kau Esipito leia e kotou tio ki ai i le aso nei, e leaise kotou toe tio loa ki ai i se aso.

Ekesote 15:6

Kua fakasa e lou lima atamai, ei Eteleno ! lona makeke ; Kua laliki e lou lima atamai, ei Eteleno ! le fili.

Ekesote 7:4

E leaise fakalogo loa Falaone kia koulua. E fafa loa loku lima ki Esipito, ti e kau fakamavae loa mei le fenua o Esipito aku kau tau, loku kakai, a fanau a Iselaele, ki ni tautea lalasi.

Ekesote 7:5

E iloa loa e le kau Esipito ko au ko le Eteleno, i le aso leia e kau folasi ai loa loku lima ki Esipito, ti e kau fakamavae loa mei loto malie o latou a fanau a Iselaele.

Esaia 63:12

Leia na taki ia le lima atamai o Moisese, Ki lona lima fakakololia ; Leia na vaelua ia a vai i olatou mua, Ke logologona ai lona suafa o lee gato ;

Numelo 11:23

Na pati loa le Eteleno kia Moisese : Pe kua toetoe loa le lima o le Eteleno ? I le aso nei e ke tio ai loa pe soko pe leai le nea leia kua kau pati ki ai.

Numelo 23:23

E leaise mafai e nea fakatemonio se nea fua e tasi kia Sakopo, E leaise se aoga o fai kikite ki Iselaele. E lotou iloa i lona temi totonu A gaoi fuli ala e fai e le Atua kia latou.

Gaoi 13:17

Na filifili e le Atua o le kakai leinei o Iselaele otatou tamana. Ti na siki loa e ia a ia ki aluga i lana nofo i Esipito, ti na fakamavae loa e ia a ia mei ai ki lona lima mafimafi.

Tetelonome 32:39

Koia ke kotou iloa ko au leia e Atua, Ti e leaise tasi ake Atua i oku tafa. Ko au leia e fakamauli ia ti e fakamate ia. Ko au leia e fai ia le lavea ti e faitoo ia a ia, Ti e leaise tasi leia e saofaki ia mei oku lima.

Tetelonome 4:34

Pe ku i ai se Atua leia kua au o too kiate ia se puleaga i loto malie o se tasi puleaga, ki ni asiasi, mo ni fakamailoga, mo ni milakulo, mo ni tau, ki le lima makeke mo le lima falo, ki ni nea fakaii, ofaipe nea fuli ala na fai kia koutou e le Eteleno, lokoutou Atua, i Esipito i okoutou mata ?