Ekesote 5:6 - Tosi Tapu

⁶ I le aso fai lena, na tuku loa e Falaone le fakatotonu leinei ki le kau pule o le kakai mo le kau pule gaoi :

Ekesote 5:6 Iomraidhean Croise

Lua tosi o Koloniko 26:11

Na maua e Osiasi ni kau solia ala na ano fakavaevaega ki le tau, o mulimuli ki le lau leia na fai e le sekalaipe ko Seiele ti mo le kovana ko Maasesa, ti na pule loa kia latou a Anania, ko se tasi o le kau pule a le sau.

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 5:10

Ti na ano loa le kau pule o le kakai mo le kau pule gaoi, o pati ki le kakai : Ko leinei le masau a Falaone : E leaise kau toe soli loa kia koutou se mutie malo ;

Ekesote 5:19

Na tio loa le kau pule gaoi o fanau a Iselaele kua fakavelivelii latou, i le pati : E leaise kotou too loa se nea fua e tasi i akoutou piliki ; e leaise fetogi loa le gaoi o le aso.

Ekesote 5:7

E leaise kotou toe soli loa se mutie malo ki le kakai ke fai ai a piliki ofaipe mua ; kae ke lotou ano totonu loa o tae mutie malo.

Taagapati 12:10

E tokaga le tagata agatonu ki lana kau manu, Kae e agaveli le loto o le kau agaveli.

Numelo 11:16

Na pati loa le Eteleno kia Moisese : Fakatasii mai kiate au se tino fitu o le kau matuatua o Iselaele, latou ala e ke iloa ko fakamatuatua mo takitaki o le kakai. Aumai latou ki mua o le falela tapu, ti ke lotou tutuu i ai mo koe.

Tetelonome 1:15

Ti na kau too loa latou ala na pule ki okoutou faasiga, ko ni tagata poto, mo iloa, ti na kau fakanofo loa latou ke pule kia koutou, ko iki ki tino afe, ko iki ki tino lelau, ko iki ki tino lima, ti ko iki ki tino agafulu, ti na kau tuku loa ki iki ke leoleo ki okoutou faasiga.

Tetelonome 16:18

I kolo fuli ala e soli atu loa kiate koe e le Eteleno, lou Atua, e ke fakanofo loa ni tui fakamaau mo ni ofisa ke fakamaau ia le kakai i le faitotonu.

Sosue 24:1

Na tanaki loa e Sosue a faasiga fuli o Iselaele i Siseme. Ti na kakau loa e ia ke nake kiate ia a kau fakamatuatua o Iselaele, mo ona pule, mo ona tui fakamaau ti mo ona ofisa. Ti na lotou ano loa ki mua o le Atua.

Sosue 24:4

Na kau soli loa kia Isaake a Sakopo mo Esau ; na kau soli loa kia Esau le mauga o Seili, kae na ifo loa Sakopo mo ona vosa ki Esipito.

Sosue 8:33

Ko Iselaele katoa, ona kau tagata fakamatuatua, mo ona pule, mo ona tui fakamaau, na tutuu loa i fetuu e lua o le aleka, i mua o le kau tagata faisakilifisio, mo le kau Levi, ala na amo ia le aleka o le fakapapau a le Eteleno, a matapule ofaipe fanau a Iselaele, na lotou tutuu fuli i ai, ko le tasi vaelua i le fetuu o le mauga ko Kalisimi, ko le tasi vaelua i le fetuu o le mauga ko Epale, o mulimuli ki le fakatotonu leia na tuku i mua e Moisese, tagata fakasausau a le Eteleno, ke tapuakii le kakai o Iselaele.