Ekesote 5:22 - Tosi Tapu

²² Na toe liliu loa Moisese ki le Eteleno, o pati : Aliki, kolea kua ke fai ai le nea veli ki le kakai leinei ? Kolea na ke kakau mai ai au ?

Ekesote 5:22 Iomraidhean Croise

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Uluaki tosi o Sau 19:4

Kae ko ia, na ano loa a ia ki le toafa. I le oki o lana saele i le aso katoa, na tonatona loa a ia i lalo o se ga laakau ko le senete, ti na kole loa e ia le mate, o pati : Kua feauga ! Ei Eteleno, too atu nei loku mauli, talie e leaise kau malie ake i oku tamana.

Pesalemo 73:25

Ko ai ake iate koe e kau maua i le lagi ? Ti i le malama nei e kau maua loku fiafia iate koe toka tasi.

Ekesote 17:4

Na tagi loa Moisese ki le Eteleno, o pati : Kolea e kau fai loa ki le kakai leinei ? Koi toe fua le ganea ikiiki, ti lotou tuki fatui loa au.

Selemia 12:1

Eteleno, e ke faitotonu ai, ti e leaise mafai ke kau fakavisi kiate koe ; Kae e kau loto ke kau masau atu kiate koe o uiga mo au fakamaau : Kolea e manuia ai le ala o tagata agaveli ? Kolea e fimalie ai latou ala e fai kaka lasi ?

Selemia 20:7

Eteleno, na ke akonaki mai kiate au, ti na kau tui ki au folafola ; Na ke too au ki lou lima, ti na ke malo iate au. Ti kua kau liliu ko se nea fakagologolo i le aso katoa, Kua gologolo le fenua katoa kiate au.

Selemia 4:10

E kau pati : Ei Aliki Eteleno ! Na ke kakaai maoki le kakai leinei mo Selusalemi, o pati : E kotou maua loa le tokamalie ! Ka ko leinei kua siki le seleta ki lolatou mauli.

Apakuki 2:3

Talie ko se folafola kikite leia kua oki lona temi i le fakatuutuu, E saele a ia ki lona fakasoko, ti e leaise loi loa a ia ; Kapau e tuvai a ia, talitali ki ai, Talie e soko loa a ia, E soko maoki loa a ia.

Numelo 11:11

Na mamae ai le loto o Moisese, ti na pati loa a ia ki le Eteleno : Kolea e ke fakamamae ai le loto o lau tagata fakasausau ? Kolea e ke fakafiti ai kiate au lou agamalie ? Kolea e ke teki ai kiate au le kavega o le kakai fuli leinei ?

Sosue 7:7

Na pati loa Sosue : Aliki Eteleno, kolea na ke tuku ai le kakai leinei ke fakalaka i le Solotane ke tuku matou ki lima o le kau Amole ke lotou tamate matou ? Na malie ake ke motou nofo i leia fetuu o le Solotane !

Uluaki tosi a Samuele 30:6

Na mamae lasi ai Tavite, talie na masau le kakai ke tuki fatui a ia, talie na kona lasi ai loto o le kakai, o tupu ko olatou vosa mo olatou taineliki taki tasi. Kae na toe loto makeke Tavite i lana fanaki ki le Eteleno, lona Atua.