Ekesote 5:21 - Tosi Tapu

²¹ Na lotou pati loa kia laua : Ke tio mai le Eteleno kia koulua, ti ke fakamaaui e ia ! Kua kolua fakaliliu matou o fakalialia ki mata o Falaone mo ana tagata fakasausau, ti kua kolua teki se seleta ki olatou lima ke tamate ai matou.

Ekesote 5:21 Iomraidhean Croise

Senesi 16:5

Ti na pati loa Salai kia Apalamo : Ke vilo kiate koe loku mamae. Na kau tuku laku fafine fakasausau ki lou fatafata ; ti na talu lana tio kua tinae a ia mo lana tio fakaveli mai kiate au. Ke nofo le Eteleno ko le tui fakamaau iate au mo koe !

Senesi 31:53

Ke tuu le Atua o Apalaamo mo Nakole ko le tui fakamaau ia taua. Na fakapapau loa Sakopo i le suafa o le Atua leia na i ki ai Isaake.

Senesi 34:30

Ti na pati loa Sakopo kia Simeone mo Levi : Kua kolua fai se nea fakamamae kiate au, talie kua kau fakalialia ki mata o le kakai o le fenua leinei, ki le kau Kanaane mo le kau Felesi. E kau fakatasi loa a kakai ana kiate au. E lotou au loa o tamate au mo loku famili, talie e toka teiki fua aku tagata.

Lua tosi a Samuele 10:6

I le tio loa o vosa o Amone ki le fakalialia o le nea leia na lotou fai kia Tavite, na lotou totogi loa a kau tagata solia e tino lua afe i le solia a le kau Silia o Pete-Leopi mo le kau Silia o Tesopa, mo kau tagata e tino afe i le sau o Maaka, ti mo kau tagata e tino agafulu tupu lua afe i le kakai o Tope.

Uluaki tosi o Koloniko 19:6

Na tio loa a vosa o Amone ki le fakalialia o le nea leia na lotou aga o fai kia Tavite, ti na ave loa e Anune mo vosa o Amone ni fa tenalio siliva e afe ke totogi ai ni saliote mo ni tagata ekeosi mei le kau Silia o Mesopotamia, ti mo le kau Silia o Maaka mo Tesopa.

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 15:24

Na gugu loa le kakai kia Moisese, o pati : Kolea ka motou inu loa ?

Ekesote 16:2

Ti na gugu loa le fakatasi katoa o fanau a Iselaele i le toafa kia Moisese mo Alone.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Ekesote 5:20

Ti na lotou mavae loa mei le fale o Falaone, ti na lotou felavei loa mo Moisese mo Alone ala na talitali kia latou.

Ekesote 6:9

Ti na masau fenaaki loa Moisese ki fanau a Iselaele. Kae o tupu ko le mamae mo le mamafa o le popula, na leaise mafai loa ke lotou fakalogo kia Moisese.

Ekelesiasi 10:1

E fakamanukuui e lago mamate le kaloni a le tagata faikaloni ; ti e maumaui e se ga valea ikiiki le poto mo le kololia.

Esaia 30:6

Ko le tua o manu o le potu saute : I se fenua o le mamae mo le mativa, Leia e au mei ai le laione tagata mo le laione fafine, Le gata kona mo le talakone lele, E lotou fetuku olatou koloa i tua o asino mo kamelo, O ave ki se kakai leia e leaise aoga fua kia latou.

Soele 2:20

E kau fakamamao loa ia koutou le fili o le noleto, E kau kapu loa a ia ki se kele malo mo toafa, E kau ti loa lona atu mua ki le tai mate, Mo lona atu muli ki le tai metitelanea. Ti e mafola loa lona pala, E malaga ake loa lona namuku i le aele, O tupu na fai e ia ni nea veveli lalasi.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Numelo 14:3

Kolea kua ave ai matou e le Eteleno ki le fenua leinei, ke motou mamate ai i le tau, ti ke ave loa omatou avaga mo omatou fanau o fakapopulai ! Pe leaise malie ake kia matou ke motou toe liliu ki Esipito ?

Uluaki tosi a Samuele 13:4

Na logo loa Iselaele katoa kua pati : Kua taai e Saulo le kolo tau o le kau Filisitini, ti na fakalumaluma loa a Iselaele ki mata o le kau Filisitini. Ti na kakau loa ke fakatasi ake le kakai kia Saulo i Kilikale.

Uluaki tosi a Samuele 27:12

Na fanaki a Akise kia Tavite, ti na pati a ia : Kua fakalialia oki Tavite ki Iselaele, lona kakai, ti e nofo oki loa a ia o fakasausau kiate au.