Ekesote 5:2 - Tosi Tapu

² Na tali loa Falaone : Ko ai le Eteleno ke kau fakalogo ki lona leo, ti ke kau tuku ke ano Iselaele ? E leaise kau iloa fua le Eteleno, ti e leaise kau tuku loa ke ano Iselaele.

Ekesote 5:2 Iomraidhean Croise

Lua tosi o Sau 18:35

I atua fuli o fenua ana, ko ai ma latou ala na saofaki ia olatou fenua mei loku lima, ke saofaki loa e le Eteleno a Selusalemi mei loku lima ?

Lua tosi o Koloniko 32:14

I atua fuli o puleaga ana ala na maumaui e oku tamana, ko le atua fea leia na mafai ke saofaki ia lona kakai mei loku lima, ke mafai ai e lokoutou Atua lokoutou saofaki ?

Lua tosi o Koloniko 32:15

Ke aua na kakaai koutou e Esekiasi, ti ke aua na fakasese koutou e ia ; aua na kotou fanaki kiate ia ! Talie e leaise atua, pe ko se puleaga, pe ko se fenua, na mafai ke saofaki ia lona kakai mei loku lima, mo le lima o oku tamana : Ko ai ake loa lokoutou Atua, ke saofaki ia koutou mei loku lima !

Lua tosi o Koloniko 32:19

Na lotou masau loa ki le Atua o Selusalemi ofaipe ni atua o kakai o le kele, gaoiaga o lima o tagata.

Neemia 9:10

Na ke fai loa ni milakulo mo ni nea fakamanamana kia Falaone, mo ana tagata fakasausau ti mo le kakai katoa o lona fenua, talie na ke iloa lalatou fakavelivelii omatou tamana, ti na ke fakasa loa lou kololia ofaipe lau fakasa i le aso nei.

Sopo 15:25

Talie na siki e ia lona fa kaito ki le Atua, Ti na fia tuu a ia ki le Mafimafi.

Sopo 15:26

Na toa a ia i le makape kiate ia, O fakamalumalu i ana paletau matotolu.

Sopo 21:15

Kolea e tonu ai ke motou tausi ki le Mafimafi ? Kolea e tonu ke motou faikole kiate ia ?

Pesalemo 10:4

E pati le tagata agaveli i lona fia nealasi : E leaise fakatua e ia ! E leaise Atua ! - Ko na ana manatu fuli.

Pesalemo 12:4

Ke fakapuli e le Eteleno a laugutu fakalapulapu fuli, Mo le alelo leia e masau matasoka,

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 14:1

Ki le pule o le kau sua. Pesalemo a Tavite. E pati le vale i lona loto : E leaise Atua ! Kua lotou veli, kua lotou fai ni gaoi fakalialia. E leaise fa toka tasi fua e fai ia le malie.

Ekesote 3:19

E kau iloa e leaise tuku loa koutou e le sau o Esipito ke ano, mo kapau e leaise fafa loa se lima makeke kiate ia.

Ekesote 7:17

Ti ko leinei le folafola a le Eteleno : I le nea leinei e ke iloa ai loa ko au ko le Eteleno. E kau taai loa le vai o le vaitafe ki le tokotoko leia e too i loku lima ; ti e liliu loa le vai o toto.

Taagapati 30:9

Talie na kau makona, ti kau fakafiti kiate koe, O kau pati : Ko ai le Eteleno ? Ti na kau mativa, ti kau kaia, O kau takua noa ki le suafa o loku Atua.

Selemia 42:13

Kae kapau e leaise kotou fakalogo ki le leo o le Eteleno, lokoutou Atua,

Selemia 48:26

Kotou fakainu a ia ke kona, talie na malaga a ia ki le Eteleno ! Ke fuliteka Moape i lona lulua, Ti ke liliu foki mo ia ko se nea fakagologolo !

Taniela 3:15

I le lakaga nei, ke kotou teuteu ! ka kotou logo loa ki le leo o le fakatagi pupusi, mo le salumo, mo le ukalele, mo le sapuke, mo le pesatelione, mo le konemuse, ti mo nea faimusika kesekese, ke kotou punou loa o atolasio ki le fakatata leia na kau fakatuu ia ; kapau e leaise kotou atolasio loa ki ai, e ti loa koutou i le temi fai lena ki se gutuumu kaka. Ti ko le atua fea loa leia e saofaki ia loa koutou mei loku lima ?

Soane 16:3

Ti e lotou fai loa a nea ana kia koutou, talie na leaise lotou iloa le Tamana, pe ko au.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Lua tosi ki le kau Tesalonika 1:8

i loto malie o se ulai afi, ke tautea ai latou ala e leaise iloa ia le Atua ti mo latou ala e leaise fakalogo ki le Evaselio o lotatou Aliki ko Sesu.

Tuifakamaau 2:10

Ti na mamate fuli loa le tautupu katoa lena, ti na nake loa i ona muli se tasi ake tautupu leia na leaise iloa ia le Eteleno mo gaoiaga lalasi ala na fai e le Eteleno ki Iselaele.

Uluaki tosi a Samuele 2:12

Ko vosa o Eli ko ni tagata agaveveli, na leaise la iloa le Eteleno.

Uluaki tosi a Samuele 25:10

Na tali loa Napale ki tagata fakasausau a Tavite : Ko ai ko Tavite, ti ko ai ko le vosa o Isaia ? Kua mauke a tagata fakasausau i le temi nei ala e sosola mei olatou pule.