Ekesote 4:5 - Tosi Tapu

⁵ Na pati loa le Eteleno : Ko lena le nea leia e tonu ke ke fai, ke lotou tui loa na sa kiate koe le Eteleno, le Atua o olatou tamana, le Atua o Apalaamo, le Atua o Isaake, le Atua o Sakopo.

Ekesote 4:5 Iomraidhean Croise

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 17:1

I le fetuu kau iva tupu iva o Apalamo, na sa loa le Eteleno kia Apalamo, o pati kiate ia : Ko Au ko le Atua Mafimafi. Ke ke saele i oku mua, ti ke agatonu !

Senesi 18:1

Na sa loa le Eteleno kiate ia i le ulu sene o Mamele, kae na tonatona a ia i le matapa o lona falela, i le vevela o le aso.

Senesi 26:2

Na sa loa le Eteleno kiate ia, o pati : Aua na ke ifo ki Esipito, nofo i le fenua leia e kau fakasa atu loa kiate koe.

Senesi 28:13

Ti ko leinei na nofo le Eteleno i aluga o le kakega ; ti na pati loa a ia : Ko au ko le Eteleno, ko le Atua o lou tamana ko Apalaamo, ti ko le Atua o Isaake. Ko le kele lena e ke moe ai, e kau soli loa a ia kiate koe mo lou sakoga.

Senesi 48:15

Na tapuaki loa a ia kia Sosefo, o pati : E kau kole ki le Atua leia na saele i mua o oku tamana ko Apalaamo mo Isaake, ki le Atua leia na taki ia au mei loku tupu o kaku mai ki le aso nei,

Senesi 48:3

Ti na pati loa Sakopo kia Sosefo : Na sa mai kiate au le Atua mafimafi i Luse, i le fenua o Kanaane, ti na tapuaki mai a ia kiate au.

Uluaki tosi o Sau 18:36

I le temi leia na momoli ai loa le failaulau, na tuu loa Elia, le polofeta, i mua, o pati : Eteleno, le Atua o Apalaamo, mo Isaake, mo Iselaele ! ke iloa i le aso nei ko koe e Atua i Iselaele, ti ko au ko lau tagata fakasausau, ti na kau fai a nea fuli anei o mulimuli ki lau folafola !

Lua tosi o Koloniko 20:20

I leia ake a aso, na lotou usuusu loa ki le toafa o Tekoa. I mua o lalatou mavae, na tuu loa Sosafate i olatou mua, o pati : Kotou fakalogo mai kiate au, Suta mo le kakai o Selusalemi ! Kotou fanaki ki le Eteleno lokoutou Atua, ti e kotou tuu makeke loa ; kotou fanaki ki ana polofeta ti e kotou manuia loa.

Ekesote 19:9

Ti na pati loa le Eteleno kia Moisese : Ko leinei, e kau au loa kiate koe i se ao matotolu, o tupu ke logo malie le kakai i le temi leia e kau masau ai loa kiate koe, ti ke tui tuumau loa a ia kiate koe. Na toe fakasa loa e Moisese ki le Eteleno a masau a le kakai.

Ekesote 3:15

Na toe pati foki le Atua kia Moisese : E ke masau loa ki fanau a Iselaele, o pati : Ko le Eteleno, le Atua o okoutou tamana, le Atua o Apalaamo, le Atua o Isaake, ti mo le Atua o Sakopo, e kakau ia mai au kia koutou. Ko lena loku suafa ki le lee gato, ko lena loku suafa ki tautupu mo tautupu.

Ekesote 3:16

Ke ke ano, ti ke fakatasi le kau matua o Iselaele, ti ke pati loa kia latou : Ko le Eteleno, le Atua o okoutou tamana, le Atua o Apalaamo, mo Isaake, mo Sakopo na sa mai kiate au. Ti na pati mai a ia : Kua kau tio kia koutou, ti kua kau tio ki le nea leia e fai kia koutou i Esipito,

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Ekesote 3:4

Ti na tio loa le Eteleno kua afe Moisese ke tio ; ti na kalaga loa le Atua mei loto o le ulu vao, o pati : Moisese ! Moisese ! Ti na tali loa Moisese : Ko leinei au !

Ekesote 3:6

Ti na toe soko atu loa a ia : Ko le Atua au o lou tamana, ko le Atua o Apalaamo, ko le Atua o Isaake, ti ko le Atua o Sakopo. Ti na uufi loa e Moisese ona mata, talie na i loa a ia i le tio ki le Atua.

Ekesote 4:1

Ti na tali loa Moisese : Ko leinei, e leaise lotou tui loa kiate au, ti e leaise lotou fakalogo loa ki loku leo. Kae e lotou pati loa : Na leaise sa le Eteleno kiate koe.

Ekesote 4:31

Ti na tui loa le kakai. Na lotou iloa loa kua asiasi le Eteleno ki fanau a Iselaele, ti kua tio a ia ki lolatou mamae ; ti na lotou tulolo loa ki le kele, o fakafetai.

Ekesote 4:4

Ti na pati loa le Eteleno kia Moisese : Falo lou lima, o too a ia i lona siku. Ti na falo loa e ia lona lima o too a ia ; ti na toe liliu loa le gata ko se tokotoko i lona lima.

Esaia 7:9

Ko le ulu o Efalaimi ko Samalia, Ti ko le ulu o Samalia ko le vosa o Lemalia. Kapau e leaise kotou tui, Ti e leaise kotou tologa loa.

Selemia 31:3

Mei mamao na sa mai le Eteleno kiate au, o pati : E kau alofa kiate koe i se alofa lee gato ; Koia e kau taupau ai kiate koe loku agamalie.

Soane 11:15

Ti e kau fiafia na leaise kau nofo i ai, o tupu ko koutou, talie ke kotou tui ai. Kae tou ano kiate ia.

Soane 11:42

Kiate au, e kau iloa e ke tali tuumau au ; kae e kau masau o tupu ko le kakai leinei e takatakai ia au, talie ke lotou tui ko koe leia na kakau ia mai au.

Soane 20:27

Ti na pati loa a ia kia Tomasi : Sosoaki mai lou maikao ki leinei, o tio ki oku lima ; sosoaki mai foki lou lima, o teki ki loku vakavaka ; ti aua na ke tui gataa, kae ke tui.

Soane 20:31

Kae kua tosi a nea anei o tupu ke kotou tui ko Sesu ko le Kilisito, ko le Alo o le Atua, ti ke kotou maua le mauli i lona suafa ki lakoutou tui.

Soane 5:36

Ko au, e kau maua se fakamaoki leia e lasi ake i le fakamaoki a Soane ; talie ko gaoi ala na tuku mai e le Tamana ke kau fakasoko, a gaoi anei e kau fai, e fakamaoki kiate au ko le Tamana totonu leia na kakau ia mai au.

Gaoi 7:2

Ti na tali loa Setefano : Kau tagata fetaina mo tamana, kotou fakalogo mai ! Na sa loa le Atua o le kololia ki lotatou tamana ko Apalaamo, ka koi nofo a ia i le fenua o Mesopotamia, i mua o lana nofo i Salani ; ti na pati loa a ia kiate ia :

Epelo 11:16

Kae ko leinei e lotou oli ki se fenua malie tukupau ake, leia i le lagi. Koia na leaise luma ai le Atua i lona fakaigoa a ia ko lolatou Atua, talie na teuteui e ia se kolo mo latou.