Ekesote 4:24 - Tosi Tapu

²⁴ I le lolotoga o lana fanoga, i se ganea leia na moe ai loa Moisese i le pouli, na osoi loa a ia e le Eteleno, ti na loto loa a ia ke tamate Moisese.

Ekesote 4:24 Iomraidhean Croise

Senesi 17:14

Ko le toe tagata leia e leaise silikosisio loa i lona tino, e fakamavae loa a ia i lona kakai, talie kua tiaki e ia laku sai.

Senesi 42:27

Na fakamavaa loa e se tasi o latou lana taga, ke fagai lana asino, i le ganea leia na tonu ke lotou nonofo ai i le pouli, ti na tio loa a ia ki le paaga na tuku i le gutu o lana taga.

Uluaki tosi o Sau 13:24

Na ano loa le tagata a le Atua ; ti na fakafetaulaki loa kiate ia i le ala se laione, leia na tamate ia loa a ia. Na tuku loa lona tino i le toleala ; ti na nofo loa le asino o ofi kiate ia, ti na tuu loa le laione i tafa o le mate.

Uluaki tosi o Koloniko 21:16

Na siki ake loa e Tavite ona mata ki aluga, ti na tio loa ki le aselo a le Eteleno e tuu i le vasa o le kele mo le lagi, ti kua too e ia i lona lima lana seleta gigila o fakaagaaga ki Selusalemi. Ti na fakavilo loa Tavite mo le kau matua, ala kua kofu ki ni taga, o fakatau olatou mata ki le kele.

Ekesote 3:18

E lotou fakalogo loa ki lou leo ; ti e ke ano loa, a koe mo le kau matua o Iselaele ki le sau o Esipito, ti e kotou pati loa kiate ia : Ko le Eteleno, le Atua o le kau Epeleo, na sa mai kia matou. Fakataga mai ke motou ano o saele i ni aso e tolu i le toafa, o momoli ai ni sakilifisio ki le Eteleno, lomatou Atua.

Oseo 13:8

E kau osoi loa latou, ofaipe se uluso fafine leia na too ona uviki, Ti e kau saei loa le kili o lolatou mafu ; E kau kai loa latou, ofaipe se laione fafine ; E sae loa latou e manu o faisaga.

Levitiko 10:3

Ti na pati loa Moisese kia Alone : ko le nea a ia leia na fakasa e le Eteleno i lana pati : E kau loto ke fakaapaapa ki loku maokioki latou ala e fakafeofi mai kiate au, ti ke lotou fakasa loku kololia i mua o le kakai katoa. Na fakalologo loa Alone.