Ekesote 4:21 - Tosi Tapu

²¹ Na pati loa le Eteleno kia Moisese : E ke toe liliu loa ki Esipito, tio, kua kau tuku a nea fakamanamana kesekese ki lou lima : e ke fai loa latou i mua o Falaone. Ti ko au, e kau fakafefeka ia loa lona loto, ti e leaise tuku loa e ia le kakai ke ano.

Ekesote 4:21 Iomraidhean Croise

Senesi 6:3

Koia na pati ai loa le Atua : E leaise toe nofo tuumau loa loku Laumalie i le tagata, talie ko se kanofi fuai le tagata, ti ko le lasi loa o ona aso ko le kau lelau kau lua fetuu.

Uluaki tosi o Sau 22:22

Na tali loa a ia : E kau ano loa, ti e kau liliu loa ko se laumalie o le loi i gutu o lana kau polofeta fuli. Na pati loa le Eteleno : Ke ke fakalotoi loa a ia, talie e ke malo loa iate ia ; ano, ti ke fai fenaaki !

Pesalemo 105:25

Na fetogi loa e ia olatou loto, o lotou vesia loa ki lona kakai, ti na lotou fai fakakaka loa ki ana tagata fakasausau.

Pesalemo 78:43

A milakulo ala na fai loa e ia i Esipito, Ti mo ana gaoi fakatalatupua i le toafa o Tesoane.

Ekesote 10:1

Na pati loa le Eteleno kia Moisese : Ano kia Falaone, talie kua kau fakafefeka ia lona loto mo le loto o ana tagata fakasausau, o tupu ke fakasa ai aku fakamailoga i loto malie o latou.

Ekesote 10:20

Na fakafefeka loa e le Eteleno le loto o Falaone, ti na leaise tuku loa e Falaone a fanau a Iselaele ke ano.

Ekesote 10:27

Na fakafefeka loa e le Eteleno le loto o Falaone, ti na leaise loto loa Falaone ke tuku latou ke ano.

Ekesote 11:10

Na fai loa e Moisese mo Alone a milakulo fuli ana i mua o Falaone, ti na fakafefeka loa e le Eteleno le loto o Falaone leia na leaise tuku ia loa fanau a Iselaele ke mavae i lona fenua.

Ekesote 11:9

Na pati loa le Eteleno kia Moisese : E leaise fakalogo loa Falaone kia koulua, o tupu ke liuliuga aku milakulo i le fenua o Esipito.

Ekesote 14:17

Ko au, e kau fakafefeka loa le loto o le kau Esipito, ti e lotou natu loa i okoutou muli ; ti e fakasa loa loku kololia e Falaone, mo lana solia katoa, mo ana saliote, ti mo lana kau ekeosi.

Ekesote 14:4

E kau fakafefeka loa le loto o Falaone, ti e tuli loa e ia koutou ; kae e kau fakaaoga loa Falaone mo lana solia katoa ke fakasa ai loku kololia, ti e iloa loa e le kau Esipito ko au ko le Eteleno. Ti na fai loa ki ai fanau a Iselaele.

Ekesote 14:8

Na fakafefeka loa e le Eteleno le loto o Falaone, sau o Esipito, ti na tuli loa e Falaone a fanau a Iselaele. Na mavae loa fanau a Iselaele mo lima na siki i aluga.

Ekesote 3:19

E kau iloa e leaise tuku loa koutou e le sau o Esipito ke ano, mo kapau e leaise fafa loa se lima makeke kiate ia.

Ekesote 3:20

E kau falo loa loku lima, ti e kau tautea loa Esipito ki nea fakamanamana kesekese ala e kau fakasoko ia loa i le fenua. I le oki loa o nea ana, e tuku loa e ia ke kotou ano.

Ekesote 7:13

Na fakafefeka loa e Falaone lona loto, ti na leaise fakalogo loa a ia kia Moisese mo Alone o mulimuli ki le nea leia na pati ki ai le Eteleno.

Ekesote 7:3

Ti ko au, e kau fakafefeka loa le loto o Falaone, ti e kau liuliuga loa aku fakamailoga mo aku milakulo i le fenua o Esipito.

Ekesote 8:11

I le tio a Falaone kua maua se fimalie, na toe fakafefeka loa e ia lona loto, ti na leaise fakalogo loa a ia kia Moisese mo Alone, o fai ki le nea leia na pati ki ai le Eteleno.

Ekesote 8:15

Na pati loa le kau fai nea fakatalatupua kia Falaone : Ko le maikao leinei o le Atua ! Kae na fakafefeka loa e Falaone lona loto, ti na leaise fakalogo loa a ia kia Moisese mo Alone, o mulimuli ki le nea leia na pati ki ai le Eteleno.

Ekesote 9:12

Na fakafefeka loa e le Eteleno le loto o Falaone, ti na leaise fakalogo loa Falaone kia Moisese mo Alone, o mulimuli ki le nea leia na fakasa e le Eteleno kia Moisese.

Ekesote 9:35

Na fakafefeka loa le loto o Falaone, ti na leaise tuku loa e ia fanau a Iselaele ke ano, o mulimuli ki le nea leia na fakasa e le Eteleno kia Moisese.

Esaia 6:10

Ke ke fakaliliu le loto o le kakai leinei ke logo noa ; Ke ke fakatulituli ona taliga, ti mo tapono ona mata, Talie ke aua na tio loa ona mata, mo logo loa ona taliga, Mo matala loa lona loto, Mo tafoki loa, ti ke kau fakamauli loa a ia.

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Soane 12:40

Kua fakakivi e ia olatou mata ; Ti kua fakafefeka e ia olatou loto, Ke aua na lotou tio ki olatou mata, Ke aua na lotou matala i olatou loto, Ti ke aua na lotou tafoki, ti ke aua na kau fakamauli latou.

Loma 1:28

O tupu na leaise lotou loto ke iloa le Atua, kua tuku latou e le Atua ki olatou loto fakapouli ke lotou fai ni nea ala e leaise gali mo latou.

Loma 9:18

Koia e manavaalofa ai a ia ki leia e loto a ia ki ai, ti e fakafefeka e ia leia e loto a ia ki ai.

Lua tosi ki le kau Kolinto 2:16

Ki ni iki, ko se sauga o le mate, leia e soli ia le mate ; ki ni iki ake, ko se sauga o le mauli leia e soli ia le mauli. Ti ko ai e feauga ki le gaoi lasi lena ?

Tetelonome 2:36

Mei le kolo o Aloele i le liua ko Alenone, mo leia atu a kolo leia e tuu i le liua lena, o kaku ki le fenua o Kalaate, na leai fua se kolo e tasi na makeke loa ia tatou. Na tuku loa latou fuli e le Eteleno, lotatou Atua, ki otatou lima.

Sosue 11:20

Talie na fakataga e le Eteleno ke fakafefeka a loto o puleaga ana o tau ki Iselaele, o tupu ke tamate latou e Iselaele, ti ke aua na maua loa se alofa kia latou, kae ke tamate latou ke puli oki, o mulimuli ki le nea leia na fakatotonu e le Eteleno kia Moisese.

Uluaki tosi a Petelo 2:8

E lotou tukia i ai talie na leaise lotou tui ki le folafola, ti kua fakatuutuu latou ki le nea foki lena.