Ekesote 4:2 - Tosi Tapu

² Ti na pati loa le Eteleno kiate ia : Kolea i lou lima ? Ti na tali loa a ia : Ko se tokotoko.

Ekesote 4:2 Iomraidhean Croise

Senesi 30:37

Na ano loa a ia o tuuti ake ni laai laakau mata o le laakau ko le popelie mo le amatie ti mo le palatane. Na foke loa e ia le kili i le tasi a potupotu o le laakau, o tupu ke sa le tea o le kuagai laakau.

Lua tosi o Sau 4:2

Na pati loa Eliseo kiate ia : Kolea le nea leia e feala ke kau fai kiate koe ? Kolea le nea leia e ke maua i lou fale ? Na tali loa le fafine : E leaise maua e lau fafine fakasausau se nea e tasi i fale, kae ko se fagu lolo e tasi malie.

Pesalemo 110:2

E fakamafola loa e le Eteleno mei Sione le tokotoko o lou mafimafi : Ke ke pule i loto malie o ou fili !

Ekesote 4:17

Too i lou lima le tokotoko lena, leia e ke fai loa ki ai a fakamailoga.

Ekesote 4:20

Na too loa e Moisese lona avaga mo ona vosa, o fakaeke latou ki ni asino, ti na toe liliu loa a ia ki le fenua o Esipito. Na too loa e ia i lona lima le tokotoko o le Atua.

Ekesote 7:15

Ke ke ano loa kia Falaone koi usu ; e ulu mai loa a ia o ano ki le vaitafe ; ti e ke ano loa ki ona mua i le laugutu o le vaitafe. E ke too loa i lou lima le tokotoko leia na liliu o gata,

Ekesote 7:9

Kapau e pati atu loa Falaone kia koulua : Kolua fai se milakulo ! E ke pati loa kia Alone : Too lou tokotoko, o ti a ia ki mua o Falaone. E liliu loa a ia ko se gata.

Esaia 11:4

Kae e fakamaau loa e ia le kau mativa i le maoki, Ti e tuku loa e ia se fakamaau totonu ki le kau fakaaloalofa o le malama nei ; E taai loa e ia le malama nei ki lana folafola ofaipe lana taai ki se laakau, Ti e tamate loa e ia le tagata agaveli ki le tukumanava o lona gutu.

Levitiko 27:32

I pipi, mo ovi, mo koti, e fakamailoga loa le manu e tasi i manu e kau agafulu ke fakatapui a ia ki le Eteleno.

Mikea 7:14

Eteleno, fagai lou kakai ki lau laakau, le kau manu o lou tofiga, Leia e nofo toka tasi i le vaomatua i loto malie o le Kalemelo ! Ke lotou kai i Pasani mo Kalaate, Ofaipe aso o le temi mua.