Ekesote 4:15 - Tosi Tapu

¹⁵ E ke masau loa kiate ia, ti e ke tuku loa au masau ki lona gutu, ti ko au e kau nofo loa mo lou gutu ti mo lona gutu, ti e kau ako loa kia koulua le nea leia e tonu ke kolua fai.

Ekesote 4:15 Iomraidhean Croise

Lua tosi a Samuele 14:3

E ke ano fenaaki loa ki le sau, ti e ke masau feneeki loa kiate ia. Ti na tuku loa e Soape ki lona gutu a masau ala ke fai loa e ia.

Pesalemo 25:12

Ko ai le tagata leia e i ki le Eteleno ? E fakasa loa e le Eteleno kiate ia le ala leia e tonu ke filifili e ia.

Pesalemo 51:15

E kau ako loa ou ala kia latou ala e maumaui ia latou, Ti e toe au loa le kau agasala kiate koe.

Ekesote 3:12

Na pati loa le Atua : E kau nofo loa mo koe ; ti ko leinei le fakamailoga kiate koe ko au leia e kakau ia a koe : I le oki o lau fakamavae loa le kakai mei Esipito, e kotou atolasio loa kiate au i le mauga leinei.

Ekesote 4:12

Ke ke ano, e kau nofo loa mo lou gutu, ti e kau ako loa kiate koe le nea leia e tonu ke ke fakasa.

Ekesote 4:28

Ti na fakasa loa e Moisese kia Alone a folafola fuli a le Eteleno, leia na kakau ia a ia, mo fakamailoga fuli ala na fakatotonu e ia ke fai.

Ekesote 4:30

Ti na fakasa loa e Alone a folafola fuli ala na tuku e le Eteleno kia Moisese, ti na fakasoko loa e ia a fakamailoga fuli i mua o le kakai.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Esaia 59:21

Ko leinei laku sai mo latou, e pati le Eteleno : Ko loku Laumalie, leia e nofo iate koe, Ti mo aku folafola, ala na kau tuku ki lou gutu, E leaise toe mavae loa i lou gutu, Mo le gutu o au fanau, Ti mo le gutu o fanau o au fanau, I le aso nei o lee gato, e pati le Eteleno.

Selemia 1:9

Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Selemia 36:32

Ti na too loa e Selemia se tasi ake a tosi, o soli kia Paluke, le sekalaipe, vosa o Nelisa. Ti na tosi loa i ai e Paluke, i le lau a Selemia, a folafola fuli o le tosi leia na tutu e Sosakimi, sau o Suta. Ti na toe fakalasi e ia a ia ki ni iki ake folafola tatau.

Numelo 16:28

Na pati loa Moisese : I le nea leinei e kotou iloa ai loa ko le Eteleno totonu leia na kakau ia mai au o fai a nea fuli anei, ti na leaise kau fai ia fua se nea e tasi i loku loto toka tasi.

Numelo 22:38

Na pati loa Palaame kia Palake : Ko leinei au kua kaku mai kiate koe ! kolea le nea leia e feala loa ke kau fakasa kiate koe ? Talie e kau fakasa ia loa le nea leia e tuku mai loa e le Atua ki loku gutu.

Numelo 23:12

Na tali loa Palaame, o pati : Pe leaise kau tokaga loa o fakasa le nea leia e tuku mai loa e le Eteleno ki loku gutu ?

Numelo 23:16

Na au loa le Eteleno ki mua o Palaame ; ti na tuku loa e ia ni folafola ki le gutu o Palaame, o pati : Toe liliu kia Palake, ti ke masau loa kiate ia, o pati :

Numelo 23:5

Na tuku loa e le Eteleno ni folafola ki le gutu o Palaame, o pati : Toe liliu kia Palake, ti ke masau loa o feneeki :

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 21:15

Talie e kau soli atu loa kia koutou se gutu mo se poto ala e leaise mafai ke tali ki ai okoutou fili pe ke lotou taofi.

Uluaki tosi ki le kau Kolinto 11:23

Talie kua kau tali mei le Aliki le nea leia na kau ako atu kia koutou ; ko le Aliki Sesu, i le po leia na fakatau ai a ia, na too ia loa le pane,

Uluaki tosi ki le kau Kolinto 15:1

E kau fakamanatu atu kia koutou, fetaina, le Evaselio leia na kau akonaki atu kia koutou, leia foki kua kotou tali, ti na kotou tuumau ai,

Tetelonome 18:18

E kau fakatupu loa i ou fetaina se polofeta e tatau mo koe, e kau tuku loa aku folafola ki lona gutu, ti e fakasa loa e ia kia latou a nea fuli ala e kau fakatotonu loa kiate ia.

Tetelonome 5:31

Kae ko koe, nofo i leinei mo au, ti e kau fakasa loa kiate koe a folafola fuli, mo lao, mo lekula, ala ke ke ako loa kia latou ke lotou fai latou i le fenua leia e kau soli kia latou mo tofiga.

Uluaki tosi a Samuele 16:3

E ke fakaafe loa Isaia ki le sakilifisio ; e kau fakailo atu loa kiate koe le nea leia e tonu ke ke fai, ti e ke takai lolo loa kiate au leia e kau pati atu loa kiate koe.