Ekesote 4:11 - Tosi Tapu

¹¹ Na pati loa le Eteleno kiate ia : Ko ai na fakatupu ia le gutu o le tagata ? Ti ko ai e fakaliliu ia le tagata o gutu mate, mo tulituli, mo tio pe kivi ? Pe leaise ko au leia ko le Eteleno ?

Ekesote 4:11 Iomraidhean Croise

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Senesi 18:14

Pe i ai fua se nea e tasi leia e faigataa ki le Eteleno ? I le temi leia kua fakatotonu ki ai, i le temi totonu leinei, e kau toe liliu mai loa kiate koe, ti e nofo loa lou avaga ko Sala mo se vosa.

Pesalemo 146:8

E fakamavaa e le Eteleno a mata o le kau kivi. E fakatuu e le Eteleno latou ala e mapelu ki lalo. E alofa le Eteleno ki le kau maokioki.

Pesalemo 51:15

E kau ako loa ou ala kia latou ala e maumaui ia latou, Ti e toe au loa le kau agasala kiate koe.

Pesalemo 94:9

Ko leia na to ia le taliga, pe leaise logo loa a ia ? Ko leia na fai ia le mata, pe leaise tio loa a ia ?

Taagapati 20:12

Ko le taliga leia e logo, ti mo le mata leia e tio, Ko le Eteleno leia na fai ia laua.

Esaia 42:7

Ke fakamavaa ia a mata o kivi, Ke fakamavae ia i le pilisoni le tagata popula, I lolatou kogafale pilisoni latou ala e nonofo i le fakapouli.

Esaia 6:7

Na fakalave loa e ia le fa fatu ki loku gutu, o pati : Kua lave le nea leinei ki ou laugutu ; kua sau lau agaveli, ti kua fakamolemole lau agasala.

Selemia 1:6

Na kau tali loa : Ei Aliki Eteleno ! Ko leinei, e leaise kau poto fua i le masau, talie ko se ga toe au.

Selemia 1:9

Ti na falo loa e le Eteleno lona lima o fafa ki loku gutu ; ti na pati mai loa le Eteleno kiate au : Ko leinei, e kau tuku aku folafola ki lou gutu.

Esekiele 33:22

Na teki loa le lima o le Eteleno kiate au i le afiafi, i mua o le tau mai o le tagata lena na sola. I lana tau mai kiate au i le usu, na fakamavaa loa e le Eteleno loku gutu. Na mavaa loa loku gutu, ti na mafai loa laku masau.

Amosi 3:6

Pe pupusi le fakatagi pupusi i se kolo, Kae e leaise i le kakai ? Pe soko se malaia i se kolo, Kae e leikiaise fakataga e le Eteleno ?

Mateo 11:5

Kua tio a kivi, kua saele a vae kito, kua mauli a kilia, kua logo a tuli, kua tuu ake a mate, ti kua fakasa le logo malie ki le kau mativa.

Luka 1:20

Ti ko leinei, e ke gutu mate loa, ti e leaise mafai loa lau masau o kaku ki le aso leia e soko ai loa a nea ana, talie na leaise ke tui ki aku folafola, ala e soko loa i lona temi.

Luka 1:64

I le lakaga fai lena, na mavaa loa lona gutu, mo matala lona alelo, ti na masau loa a ia o fakafetai ki le Atua.

Soane 10:21

Na pati loa ni iki : E leaise ko folafola ana a se tagata kua ulu ai se temonio ; pe feala ke fakatio e se temonio a mata o se kivi ?