Ekesote 39:32 - Tosi Tapu

³² Ti na oki loa gaoi fuli o le tapenakulo, o le falela tapu. Na fai loa e fanau a Iselaele a nea fuli ala na fakatotonu e le Eteleno kia Moisese ; na lotou fai loa o fenaaki.

Ekesote 39:32 Iomraidhean Croise

Uluaki tosi o Sau 6:38

ti na fakaoki loa le fakatuu o le fale i le kau agafulu tupu tasi fetuu, i le masina o Pulu, leia ko le valu o masina, i ona koga fuli, o mulimuli ki lona paaki totonu. Na fau a ia e Salomone i fetuu e fitu.

Uluaki tosi o Sau 7:40

Na fai loa e Ilame a nea tanaki mugalafu, mo supeti, ti mo ipu lalasi. Ti na oki loa i ai le gaoi e Ilame o nea fuli ala na fakatotonu ake kiate ia e le sau ke fai ki le fale o le Eteleno :

Uluaki tosi o Koloniko 28:19

Na pati loa Tavite : Ko nea fuli ana, na tosi latou e le lima o le Eteleno, ti na soli mai e ia kiate au le poto ke kau matala ki nea fuli, mo paaki fuli o le fale.

Ekesote 12:28

Ti na ano loa a fanau a Iselaele, ti na lotou fai loa le nea leia na fakatotonu e le Eteleno kia Moisese mo Alone ; na lotou fai loa a ia.

Ekesote 25:40

Tio, ti ke fai a nea fuli o fakatatau ki lona fakatata leia na fakasa kiate koe i le mauga.

Ekesote 31:7

Le falela tapu, mo le aleka o le fakamaoki, mo le nofoaga o le manava alofa leia e teki loa i ona aluga, ti mo nea gaoi fuli o le falela ;

Ekesote 39:31

Na nonoa loa a ia ki se ga maea usi ki le tiale, i aluga, o mulimuli ki le nea leia na fakatotonu e le Eteleno kia Moisese.

Ekesote 39:33

Na aumai loa le tapenakulo kia Moisese : le falela mo nea fuli ala na kau ki ai : ona fakamau, mo ona papa, mo ona amo, mo ona pou, ti mo ona tuuaga ;

Ekesote 40:1

Na masau loa le Eteleno kia Moisese, o pati :

Ekesote 40:3

E ke tuku loa ki loto le aleka o le fakapapau, ti e ke tapono loa le aleka ki le lito.

Ekesote 40:32

Ka lotou ulu loa ki le falela tapu, peka lotou fakafeofi loa ki le aletale, na lotou fakamea loa, o mulimuli ki le nea leia na fakatotonu e le Eteleno kia Moisese.

Numelo 3:31

Na tokaga loa le kau Keati ki le aleka tapu, mo le laupapa tapu, mo le tuuaga malaga, mo aletale, mo nea gaoi o le sagatualio, ti mo le lito tapono o le potu taputapu. Na lotou tokaga loa ki le tausi o nea fuli ana.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Tetelonome 12:32

Ke kotou tausi ti mo fai a nea fuli ala e kau fakatotonu atu kia koutou. Ke aua na kotou fakalasi se nea ki ai, ti ke aua na kotou fakaikiiki se nea i ai.

Epelo 3:2

Sesu, leia na agatonu ki leia na fakanofo ia a ia, ofaipe Moisese leia na agatonu i lona fale katoa.

Epelo 8:5

E lotou fai se tausi o fakatatau ki le paaki ti mo le ata o nea i le lagi, ofaipe le fakasa fakatomua e le Atua kia Moisese i mua o le fakatuu o le tapenakulo, i lana pati kiate ia : Tokaga o fai a nea fuli, o fakatatau ki le paaki leia na fakasa kiate koe i le mauga.

Uluaki tosi a Samuele 15:22

Na pati loa Samuele : Pe maua e le Eteleno se fiafia i failaulau mo sakilifisio, ofaipe lana maua leia i le fakalogo ki le leo o le Eteleno ? Ko leinei, e malie ake le fakalogo i sakilifisio, ti e malie ake le fai o lana folafola i le gako o ovi tagata.