Ekesote 36:8 - Tosi Tapu

⁸ Ko tagata poto fuli, ala na gaoi ki le falela, na fai ia loa le tapenakulo ki ni tapi e kau agafulu, ala na fai ki le filo tea makeke, mo le filo usi, mo kula malie, ti mo kula fakapouli ; na paaki loa i ai ni selupino o tui fakateuteu.

Ekesote 36:8 Iomraidhean Croise

Uluaki tosi o Sau 6:23

Na fai loa e ia i le sagatualio ni selupino e lua ki le olive vao, o meta lima lola taualuga.

Uluaki tosi o Koloniko 15:1

Na fakatuu loa e Tavite ni fale kiate ia i le kolo o Tavite ; ti na teuteui loa e ia se ganea ke tuku ai le aleka o le Atua, mo fakatuu loa se falela ki ai.

Lua tosi o Koloniko 1:3

ti na ano loa Salomone mo le fakatasiga katoa ki le ganea tapu leia na tuu i Kapaone. Na tuu i ai le falela tapu o le Atua, leia na fai e Moisese, tagata fakasausau a le Eteleno i le toafa ;

Lua tosi o Koloniko 3:10

Na fai loa e ia i le potu taputapu ni selupino e lua ala na togi ti na kofu ki le aulo.

Ekesote 25:18

E ke fai loa ni selupino aulo e lua, e ke fai loa laua ki le aulo tuki, i potupotu e lua o le nofoaga o le manava alofa ;

Ekesote 25:22

Ko lena le ganea leia e kau felavei ai loa mo koe ; i aluga o le nofolaga o le manava alofa, i le vasa o selupino e lua ala e tuu i aluga o le aleka, e kau tuku atu loa kiate koe aku fakatotonu fuli ki fanau a Iselaele.

Ekesote 31:6

Ti ko leinei, kua kau soli kiate ia se tokoi ko Ooliape, vosa o Aisamake, mei le faasiga o Tane. Kua kau tuku loa se poto ki loto o le kau tagata tufuga fuli ke lotou fai gaoi fuli ala na kau fakatotonu atu kiate koe :

Ekesote 31:7

Le falela tapu, mo le aleka o le fakamaoki, mo le nofoaga o le manava alofa leia e teki loa i ona aluga, ti mo nea gaoi fuli o le falela ;

Ekesote 35:10

Ko latou fuli ala e poto tufuga ia koutou, ke lotou au o fai a nea fuli ala na fakatotonu e le Eteleno :

Ekesote 36:9

Ko le loa o le tapi e tasi ko meta e kau agafulu tupu fa ; ti ko le laulasi o le tapi e tasi ko meta e lua ; ko le fua e tasi ki tapi fuli.

Ekesote 39:3

Na tuki loa ni laui aulo ke maninifi, ti na koti loa i ai ni filo o lalaga fakatasi mo ni filo usi, mo ni filo kula malie, mo ni filo kula fakapouli, ti mo ni filo tea makeke. Na fai fakateuteu loa le gaoi lena.