Ekesote 36:2 - Tosi Tapu

² Na kalagai loa e Moisese a Petesaleele mo Ooliape, ti mo tagata poto tufuga fuli ala kua tuku ki ai e le Eteleno le atamai, mo latou fuli ala kua loto malie ke tokaga ki le gaoi leia e tonu ke fai.

Ekesote 36:2 Iomraidhean Croise

Uluaki tosi o Koloniko 28:21

Ko nei a kalasi o tagata faisakilifisio mo le kau Levi, o uiga mo gaoi fuli o le fale o le Atua ; tio, kua tuu i ou tafa a tagata fuli ala e loto malie mo popoto i gaoi kesekese fuli, o fakalogo ki le gaoi ; ti kua fakalogo atu kiate koe a kau pule mo le kakai katoa ki au fakatotonu fuli o uiga mo le fai o le gaoi.

Uluaki tosi o Koloniko 29:5

ko le aulo ke fai ai a nea ala e tonu ke aulo, ti mo le paaga ki nea ala e tonu ke fai ki le paaga, ti mo gaoi fuli ala e tonu ke fai e le kau gaoi. Ko ai leia e loto ke momoli ia i le aso nei sona nea alofa ki le Eteleno ?

Ekesote 25:2

Masau ki fanau a Iselaele. Ke lotou aumai kiate au se moliga ; e kotou tali loa a ia kiate au mei tagata fuli ala e fia fai ia se moliga kiate au i lona loto malie.

Ekesote 25:40

Tio, ti ke fai a nea fuli o fakatatau ki lona fakatata leia na fakasa kiate koe i le mauga.

Ekesote 28:3

E ke masau loa kia latou fuli ala e poto, latou ala kua kau soli ki ai se laumalie leia kua apele i le poto ; ti e lotou fai loa a kofu o Alone ki lona fakanofo mo le fai o lana gaoi fakapelepitelo.

Ekesote 31:6

Ti ko leinei, kua kau soli kiate ia se tokoi ko Ooliape, vosa o Aisamake, mei le faasiga o Tane. Kua kau tuku loa se poto ki loto o le kau tagata tufuga fuli ke lotou fai gaoi fuli ala na kau fakatotonu atu kiate koe :

Ekesote 35:10

Ko latou fuli ala e poto tufuga ia koutou, ke lotou au o fai a nea fuli ala na fakatotonu e le Eteleno :

Ekesote 35:2

E gaoi loa i aso e ono ; kae ko le fitu o aso ko se nea tapu loa a ia kia koutou ; ko le sapato a ia, ko le aso malolo, leia na fakatapu ki le Eteleno. Ko le tagata leia e fai ia loa se gaoi i le aso lena, e tautea loa a ia ki le mate.

Ekesote 36:1

Ko Petesaleele, mo Ooliape, ti mo tagata poto tufuga fuli ala na tuku ki ai e le Eteleno le poto mo le atamai ki le fai o gaoi, na fai ia loa a gaoi ki le sagatualio, o mulimuli ki nea fuli ala na fakatotonu e le Eteleno.

Ekesote 36:3

Na lotou too loa i mua o Moisese a moliga fuli ala na ave e fanau a Iselaele ke fai ai a gaoi ki le sagatualio. I usu fuli na ave tuumau kia Moisese ni moliga i le loto malie.

Gaoi 14:23

Na la fakanofo loa kia latou ni kau fakamatuatua i Ekelesia taki tasi, ti i le oki o le faikole mo le sesunio, na la tuku loa latou ki le Aliki leia kua lotou tui ki ai.

Kolose 4:17

Ti kotou pati kia Alikipe : tokaga ki le gaoi leia kua ke tali mei le Aliki, o tupu ke ke fai fakamalotoloto a ia.

Epelo 5:4

E leaise mafai ke too e se tasi le tulaga mauiga lena kiate ia ; kae na leaise kalagai a ia e le Atua, ofaipe Alone.