Ekesote 36:1 - Tosi Tapu

¹ Ko Petesaleele, mo Ooliape, ti mo tagata poto tufuga fuli ala na tuku ki ai e le Eteleno le poto mo le atamai ki le fai o gaoi, na fai ia loa a gaoi ki le sagatualio, o mulimuli ki nea fuli ala na fakatotonu e le Eteleno.

Ekesote 36:1 Iomraidhean Croise

Uluaki tosi o Sau 7:14

vosa o se fafine lokonui mei le faasiga o Nefetali, ti mo se tagata Tile, leia na gaoi ki le sila. Na apele Ilame i le poto, mo le atamai, ti mo le iloa ke fai ia gaoi kesekese ki le sila. Na kaku mai loa a ia ki le sau ko Salomone, ti na fai loa e ia gaoi fuli ana.

Uluaki tosi o Koloniko 2:20

Na tupu loa meia Ulu a Uli, ti na tupu loa meia Uli a Petesaleele.

Uluaki tosi o Koloniko 28:21

Ko nei a kalasi o tagata faisakilifisio mo le kau Levi, o uiga mo gaoi fuli o le fale o le Atua ; tio, kua tuu i ou tafa a tagata fuli ala e loto malie mo popoto i gaoi kesekese fuli, o fakalogo ki le gaoi ; ti kua fakalogo atu kiate koe a kau pule mo le kakai katoa ki au fakatotonu fuli o uiga mo le fai o le gaoi.

Pesalemo 119:6

Ti e leaise kau luma loa, I le tio ki au folafola fuli.

Ekesote 12:28

Ti na ano loa a fanau a Iselaele, ti na lotou fai loa le nea leia na fakatotonu e le Eteleno kia Moisese mo Alone ; na lotou fai loa a ia.

Ekesote 25:8

E lotou fau loa se sagatualio kiate au, ti e kau nofo loa i loto malie o latou.

Ekesote 28:3

E ke masau loa kia latou fuli ala e poto, latou ala kua kau soli ki ai se laumalie leia kua apele i le poto ; ti e lotou fai loa a kofu o Alone ki lona fakanofo mo le fai o lana gaoi fakapelepitelo.

Ekesote 31:11

mo le lolo pani tapu, ti mo le kaloni fakamanogi ki le sagatualio. E lotou fai loa o fakatatau ki nea fuli ala na kau fakatotonu atu kiate koe.

Ekesote 36:2

Na kalagai loa e Moisese a Petesaleele mo Ooliape, ti mo tagata poto tufuga fuli ala kua tuku ki ai e le Eteleno le atamai, mo latou fuli ala kua loto malie ke tokaga ki le gaoi leia e tonu ke fai.

Ekesote 38:23

Na tokoi kiate ia Ooliape, vosa o Aisamake mei le faasiga o Tane, leia ko se tagata poto i le togi laakau, mo le fai o ni nea foou, ti mo le tuitui fakateuteu o ni kie usi, mo kula malie, mo kula fakapouli, ti mo ni kie tea makeke.

Ekesote 39:1

Na fai loa ki ni kie usi, mo kula malie, mo kula fakapouli, ti mo tea, a kofu gaoi ki gaoi i le sagatualio, ti mo kofu tapu o Alone, o mulimuli ki le nea leia na fakatotonu e le Eteleno kia Moisese.

Numelo 7:9

Kae na leaise soli loa e ia se nea ki vosa o Keati, talie, o mulimuli ki alatou gaoi, na tonu ke lotou amo a nea taputapu ki olatou tuauma.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Luka 1:6

Na la agatonu toka lua i mua o le Atua, o tausi malie a lao fuli mo fakatotonu fuli a le Aliki.

Epelo 8:2

Ko le tagata tausi o le sagatualio ti mo le tapenakulo maoki, leia na fakatuu e le Aliki kae leai e se tagata.