Ekesote 35:3 - Tosi Tapu

³ E leaise kotou tafu ia loa se afi, i se nofoaga i okoutou nofoaga, i le aso o le sapato.

Ekesote 35:3 Iomraidhean Croise

Ekesote 16:23

Ti na pati loa Moisese kia latou : Ko le nea lena leia na fakatotonu e le Eteleno. Ko apogipogi ko le aso malolo, ko le sapato tapu a ia ki le Eteleno ; kotou fakamoso le nea leia e tonu ke fakamoso, kotou fakapula le nea leia e tonu ke fakapula, ti kotou tuku ki le usu le nea leia e toe loa.

Ekesote 12:16

I le uluaki aso, e kotou fai loa se fakatasi tapu ; ti i le fitu o aso, e kotou toe fai loa se fakatasi tapu. E leaise fai loa se gaoi i aso ana ; ko le nea e tasi leia e fakataga ko le teuteui o le nea kai a le tagata taki toka tasi.

Esaia 58:13

Kapau e ke taofi lou vae i le aso o le sapato, Ke aua na fai lou loto i loku aso maokioki, Kapau e ke fai ki le sapato lou fiafiaaga, Ke tausi a ia ki le kololia o le Eteleno, Ti kapau e ke fakamauiga a ia, o leaise mulimuli i ou ala, O leaise mulimuli ki oli o lou loto mo au manatu noa,

Ekesote 20:9

E ke gaoi loa i aso e ono, o ke fai ai au gaoi fuli.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Ekesote 31:15

E gaoi loa i aso e ono ; kae ko le fitu o aso ko le sapato, ko le aso malolo a ia kua fakatapui ki le Eteleno. Ko leia e fai ia loa se gaoi i le aso o le sapato, e tua loa a ia ki le mate.

Ekesote 35:4

Na masau loa Moisese ki le kakai katoa o fanau a Iselaele, o pati : Ko leinei le nea leia na fakatotonu e le Eteleno.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.