Ekesote 34:9 - Tosi Tapu

⁹ Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Ekesote 34:9 Iomraidhean Croise

Pesalemo 135:4

Talie na filifili e le Eteleno kiate ia Sakopo, Iselaele, ke liliu ko lona tofiga.

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 28:9

Fakamauli lou kakai ti tapuaki ki lou tofiga ! Liliu ko lolatou tagata tausi ovi mo lolatou fanakiaga o lee gato !

Pesalemo 33:12

Manuia le puleaga leia e Atua ki le Eteleno ! Manuia le kakai leia na filifili e ia ko lona tofiga !

Pesalemo 78:62

Na tuku loa e ia lona kakai ke tamate e le seleta, Ti na ita loa a ia ki lona tofiga.

Pesalemo 94:14

Talie e leaise fakanoai e le Eteleno lona kakai, E leaise tiaki e ia lona tofiga ;

Ekesote 19:5

I le aso nei, kapau e kotou fakalogo ki loku leo, ti kapau e kotou tausi laku fakapapau, e kotou liliu loa kiate au ko se kakai leia e mauiga kese ake i kakai fuli. Talie ko le malama nei katoa a aku,

Ekesote 32:9

Ti na pati loa le Eteleno kia Moisese : E kau tio ko le kakai lena ko se kakai ua fefeka.

Ekesote 33:12

Na pati loa Moisese ki le Eteleno : Ko leinei, e ke pati mai kiate au : Taki le kakai leinei ! Ti e leaise ke fakasa mai kiate au pe ko ai leia e ke kakau loa mo au. Kae kua ke pati : E kau iloa a koe i lou igoa totonu, ti kua ke alofa kiate au.

Ekesote 34:7

leia e taupau ia lona alofa o kaku ki tautupu e afe, leia e fakamolemole ia le agaveli, mo le patigataa, ti mo le agasala, kae e leaise tuku noa e ia leia e agasala, ti e fakatuaa e ia le agaveli a tamana ki fanau mo makopuna o kaku ki le tolu mo le fa o tautupu.

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Selemia 10:16

E leaise tatau mo latou Leia ko le vaega o Sakopo ; Talie ko ia leia na fau ia nea fuli, Ti ko Iselaele ko le faasiga o lona tofiga. Ko lona suafa ko le Eteleno o kau tau.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Sakalia 2:12

E maua loa e le Eteleno a Suta ko lona vaega I le kele maokioki, Ti e toe filifili loa e ia Selusalemi.

Numelo 14:19

Eteleno, fakamolemole ki le sala o lou kakai o mulimuli ki le lasi o lou agamalie, ofaipe lau fakamolemole tuumau kiate ia talu mei Esipito o kaku mai ki leinei.

Mateo 28:20

ti kotou ako latou ke lotou fai a nea fuli ala na kau fakatotonu atu kia koutou. Ti ko leinei, e kau nofo mo koutou i aso fuli, o kaku ki le fakaoki o le malama nei.

Tetelonome 32:9

Talie ko le vaega o le Eteleno ko lona kakai, ti ko lona tofiga ko Sakopo.

Tetelonome 4:20

Kae ko koutou, kua too koutou e le Eteleno, ti na fakamavae e ia koutou mei le gutuumu ukamea o Esipito, ke kotou soko ko le kakai o lona tofiga totonu, ofaipe lakotou nofo i le aso nei.

Tetelonome 9:18

Na kau punou loa o fakatau oku mata ki le kele i mua o le Eteleno, ti na kau nofo loa i ai, ofaipe mua, i aso e kau fa mo po e kau fa, e leaise kai ti e leaise inu, o tupu ko agasala fuli ala na kotou fai, o fai le nea leia e veli ki mata o le Eteleno ke tupu ai lona sausau.

Tetelonome 9:26

Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.