Ekesote 34:7 - Tosi Tapu

⁷ leia e taupau ia lona alofa o kaku ki tautupu e afe, leia e fakamolemole ia le agaveli, mo le patigataa, ti mo le agasala, kae e leaise tuku noa e ia leia e agasala, ti e fakatuaa e ia le agaveli a tamana ki fanau mo makopuna o kaku ki le tolu mo le fa o tautupu.

Ekesote 34:7 Iomraidhean Croise

Senesi 19:16

Kae na fakatuvatuvai aifai a Lote, koia na too ai loa e aselo lona lima, o ona Lote, mo lana avaga, ti mo ona taineliki e toka lua, talie na loto le Eteleno ke fakamauli a ia. Na la ave loa a ia o tuku ki le tua kolo.

Uluaki tosi o Sau 8:30

Alofa o tali le fakakolekole a lau tagata fakasausau mo lau kakai ko Iselaele, mo ka lotou faikole loa i le ganea leinei ! Alofa o tali mei le ganea o lou nofoaga, mei le atu lagi, tali mo fakamolemole !

Uluaki tosi o Sau 8:32

ke ke fakalogo kiate ia mei le atu lagi, ke ke gaoi, ti ke ke fakamaaui au tagata fakasausau ; ke ke fakatuaa le tagata agasala, o fakavilo lana agaveli ki lona fa ulu ; kae ke ke tuku lau faitotonu ki le tagata mea.

Lua tosi o Koloniko 30:9

Kapau e kotou toe liliu mai ki le Eteleno, e maua loa e okoutou fetaina mo okoutou vosa le manava alofa i tafa o latou ala na ave popula ia latou, ti e lotou toe liliu mai loa ki le fenua leinei ; talie e manava alofa le Eteleno, lokoutou Atua, ti e leaise mafuli kese loa ona mata mei a koutou, mo kapau e kotou toe liliu mai kiate ia.

Neemia 1:5

ti na kau pati : Ei Eteleno, Atua o le atu lagi, Atua lasi mo fakaii, leia e taupau ia lau sai ti e manava alofa kia latou ala e alofa kiate koe ti mo tausi au folafola !

Neemia 9:32

Ti ko leinei, ei lomatou Atua, Atua lasi, mo mafimafi, mo fakaii, a koe leia e taupau ia lau sai ti e manava alofa, aua na ke tio ki mamae fuli ala na motou tali ofaipe se ganea noa, a mamae ala na motou tali e matou, mo omatou sau, mo omatou pule, mo omatou tagata faisakilifisio, mo omatou polofeta, mo omatou tamana ti mo le kakai katoa, mei le temi o sau o Asilia o kaku mai ki le aso nei.

Sopo 10:14

Kapau e kau agasala, e ke tio mai kiate au, Ti e leaise ke fakamolemole laku agaveli.

Pesalemo 103:3

Ko ia leia e fakamolemole ia au agaveli fuli, Leia e fakamauli ia ou masaki fuli ;

Pesalemo 109:14

Ke manatui tuumau e le Eteleno le agaveli o ona tamana, Ti ke aua na soloi le agasala o lona tinana !

Pesalemo 130:4

Kae e maua le fakamolemole i ou tafa, O tupu ke i kiate koe.

Pesalemo 136:10

Ko ia leia na tamate ia a uluaki tupu o le kau Esipito, Talie e lee gato lona manava alofa !

Pesalemo 136:15

Ti na laku ia Falaone mo lana solia ki le tai Kula, Talie e lee gato lona manava alofa !

Pesalemo 25:11

Eteleno, e ke Atua ! Koia e ke fakamolemole ai ki laku agaveli, talie e lasi ai a ia.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 99:8

Eteleno, lomatou Atua, na ke tali loa latou, Na ke liliu loa kia latou ko se Atua leia e fakamolemole, Kae na ke tautea latou o tupu ko alatou agasala.

Ekesote 23:21

Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Ekesote 23:7

Aua na ke tuku ia loa lou taliga ki ni loi, ti aua na ke fakatuaa loa ki le mate le tagata leia na leaise sala mo le tagata faitotonu ; talie ko au ko le Eteleno, e leaise kau fakamolemole loa ki le tagata leia e sala.

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 45:21

Kotou fakasa le nea lena, ti kotou aumai latou kiate au ! Ke lotou fakakaukau fakatasi ! Ko ai na kikite ia mei le kamataaga a nea ana, Ti na fakasa ia latou mei mamao ? Pe leaise ko au, le Eteleno ? E leaise tasi ake Atua iate au, Ko au ko le Atua faitotonu e toka tasi Ti e fakamauli ia.

Selemia 30:11

Talie kau nofo mo koe, e pati le Eteleno, o saofaki a koe ; E kau fakapuli loa a puleaga fuli ala na kau fakamavetevete a koe ki ai, Kae ko koe, e leaise kau fakapuli loa a koe ; E kau tautea loa a koe i le faitotonu, Talie e leaise mafai ke kau tuku a koe sala tautea.

Selemia 32:18

E ke manava alofa o kaku ki le tautupu afe, Ti e ke tautea le agaveli a tamana ki fatafata o alotou fanau ala e mulimuli ia latou. Ko koe ko le Atua lasi, le mafimafi, Leia e igoa ko le Eteleno o kau tau.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Taniela 9:4

Na kau faikole loa ki le Eteleno, loku Atua, ti na kau kofesio loa kiate ia le nea leinei : Aliki, Atua lasi mo fakaii, a koe leia e taupau ia lau sai ti e manava alofa kia latou ala e alofa kiate koe ti mo taupau ia au fakatotonu !

Taniela 9:9

Kae i tafa o le Aliki, lomatou Atua, e maua ai le manava alofa mo le fakamolemole, talie na motou agatuu kiate ia.

Mikea 6:11

Pe mea se tagata mo ni fua salasala, Ti mo ni kilo salasala i le taga ?

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Naume 1:6

Ko ai e tuu loa i mua o lona sausau ? Ko ai e tuu loa i mua o lona sausau lasi ? E mafola lona sausau ofaipe le afi, Ti e mafaafaa a utu i ona mua.

Mateo 12:31

Koia e kau pati atu ai kia koutou : E fakamolemole loa a agasala fuli mo fatituu fuli ki le tagata, kae e leaise fakamolemole loa le fatituu ki le Laumalie Maokioki.

Mateo 6:12

fakamolemole mai ki amatou agasala, ofaipe lamatou fakamolemole foki kia latou ala e agasala mai kia matou ;

Luka 7:42

Talie na leaise la maua ia se nea ke ui ai ola maua, na soloi loa e le tagata kia laua toka lua ola maua. Ko ai loa ia laua e alofa lasi ake loa kiate ia ?

Luka 7:48

Ti na pati loa Sesu ki le fafine : Kua fakamolemole au agasala.

Gaoi 13:38

Koia, fetaina, ke kotou iloa le nea leinei e ma fakasa kia koutou : E maua le fakamolemole o agasala i lona suafa,

Gaoi 5:31

Kua siki a ia e le Atua ki lona lima atamai ko le Sau ti mo le Fakamauli, talie ke soli ki Iselaele le fakasemala mo le fakamolemole o agasala.

Efeso 1:7

Iate ia kua tou maua le totogi i lona toto, le fakamolemole o agasala, o mulimuli ki le lasi kese o lona kalasia,

Efeso 4:32

Ke kotou feagamalieaki ia koutou, o manavaalofa, mo fefakamolemoleaki ofaipe le fakamolemole a le Atua kia koutou ia Kilisito.

Tetelonome 32:35

A aku le lagavaka mo le totogi, I le aso leia e seke ai loa olatou vae ! Talie kua ofi fua le aso o lolatou malaia, Ti e leaise toe tuvai loa le nea leia e talitali kia latou !

Tetelonome 7:10

Kae fakatuaa loa e ia latou ala e vesia kiate ia, ti e tamate e ia latou ; e leaise toe fai fakatuvai e ia ki leia e vesia kiate ia : E tuku fakasako e ia kiate ia lona tua.

Tetelonome 7:9

Koia, ke ke iloa ko le Eteleno ko lou Atua, ko le Atua a ia e tasi, ko le Atua agatonu : E taupau e ia lana sai mo lona manava alofa o kaku ki le afe o tautupu kia latou ala e alofa kiate ia, mo tausi ia ana folafola.

Epelo 12:29

talie ko lotatou Atua ko se afi maumau foki a ia.

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.

Uluaki tosi a Soane 1:9

Kapau e tou kofesio atou agasala, e maoki a ia mo agatonu ke fakamolemole atou agasala, ti mo fakamea tatou i agaveli fuli.

Apokalipisi 20:15

Ko leia na leaise maua kua tosi i le tosi o le mauli, na ti loa a ia ki le tai afi.

Apokalipisi 21:8

Kae ki le kau manava veli, mo le kau tui gataa, mo le kau aga fakalialia, mo le kau tukipo, mo le kau fai feauaki, mo le kau fai nea fakatalatupua, mo le kau tausi taulaatua, ti mo le kau gutu loiloi fuli, e tuku loa lolatou vaega i le tai kaka o le afi mo le sulifa, leia ko le lua mate.