Ekesote 34:6 - Tosi Tapu

⁶ Ti na ano loa le Eteleno i ona mua, o kalaga : Eteleno, Eteleno, Atua manava alofa mo loto alofa, mo kataki fualoa, mo mou koloa i le agamalie mo le agatonu,

Ekesote 34:6 Iomraidhean Croise

Senesi 24:27

o pati : E kau fakafetai ki le Eteleno, ko le Atua o loku aliki ko Apalaamo, talie kua fakasa mai e ia lona alofa mo lona agatonu ki loku aliki ! Kua taki e le Eteleno loku fanoga ke kau kaku totonu ki le fale o fetaina o loku aliki.

Lua tosi a Samuele 24:14

Na tali loa Tavite kia Kate : E kau nofo i se i lasi ai ! Oi ! Ke tou vilo ki lima o le Eteleno, talie e lasi ai lona manava alofa ; kae ke aua na kau vilo ki lima o tagata !

Uluaki tosi o Sau 19:11

Na pati loa le Eteleno : Ulu ki fafo, ti ke tuu i le mauga i mua o le Eteleno ! Ti ko leinei na saele mai loa le Eteleno. Ti na i ai loa i mua o le Eteleno se matagi makeke leia na fakamafaafaa ia a mauga ti mo fakamomoliki ia a utu : na leaise nofo le Eteleno i le matagi. Ti na oki loa le matagi, na to loa se mafuike : na leaise nofo le Eteleno i le mafuike.

Uluaki tosi o Sau 8:30

Alofa o tali le fakakolekole a lau tagata fakasausau mo lau kakai ko Iselaele, mo ka lotou faikole loa i le ganea leinei ! Alofa o tali mei le ganea o lou nofoaga, mei le atu lagi, tali mo fakamolemole !

Lua tosi o Koloniko 30:9

Kapau e kotou toe liliu mai ki le Eteleno, e maua loa e okoutou fetaina mo okoutou vosa le manava alofa i tafa o latou ala na ave popula ia latou, ti e lotou toe liliu mai loa ki le fenua leinei ; talie e manava alofa le Eteleno, lokoutou Atua, ti e leaise mafuli kese loa ona mata mei a koutou, mo kapau e kotou toe liliu mai kiate ia.

Neemia 9:17

ti na lotou patigataa loa, ti na lotou galoi loa a nea malilie ala na ke fai kia latou. Na lotou fakafefeka loa olatou loto ; i lolatou fakatutuu, na lotou filifili loa se pule kia latou, ke lotou toe liliu ki le popula. Kae ko koe ko se Atua leia e loto fakamolemole, mo manava alofa, leia e leaise ita vave, ti e mou koloa i le agamalie, o leaise ke tiaki loa latou,

Pesalemo 108:4

E kau fakamalo loa kiate koe i mua o kakai, Eteleno ! E kau sua loa kiate koe i mua o atu puleaga.

Pesalemo 111:4

E loto a ia ke fakamanatu ana gaoi fakatalatupua. E manava alofa le Eteleno ti e apele a ia i le alofa.

Pesalemo 111:8

E lotou tuu makeke o kaku ki le lee gato, Na fai latou i le agatonu mo le maoki.

Pesalemo 112:4

E sopo le malama i le fakapouli ki le kau agatonu, Ki leia e manava alofa, mo loto alofa, ti mo faitotonu.

Pesalemo 116:5

E manava alofa le Eteleno mo faitotonu, E apele lotatou Atua i le loto alofa.

Pesalemo 138:2

E kau punou i lou fale tapu maokioki, Ti e kau fakamalo ki lou suafa, o tupu ko lou agamalie mo lou agatonu, Talie kua lasi lou logologona i le fakasoko o au fakapapau.

Pesalemo 145:8

E manava alofa le Eteleno, ti e apele a ia i le loto alofa ; E taofi fualoa e ia lona ita, ti e apele a ia i le agamalie.

Pesalemo 146:6

Na fai e ia le lagi mo le kele, Le tai mo nea fuli e maua i ai. E taupau e ia lona agatonu o lee gato.

Pesalemo 31:19

Ke mate noa a laugutu loi, Ala e masau fia tuu ki le tagata agatonu, Ala e masau matasoka mo fia lasi !

Pesalemo 57:10

E kau fakavikiviki loa kiate koe i mua o le kakai, Aliki ! E kau sua loa kiate koe i mua o atu puleaga.

Pesalemo 86:15

Kae ko koe, Aliki, ko se Atua manava alofa mo agamalie a koe, Leia ke taofi fualoa lou sausau, e ke mou koloa i le agamalie mo le agatonu ;

Pesalemo 86:5

Aliki, talie e ke agamalie, e ke fakamolemole, Ti e ke apele i le alofa kia latou fuli ala e tagi kiate koe.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Ekesote 20:5

Aua na ke punou loa i mua o nea ana, pe ke tausi loa kia latou, talie ko au ko le Eteleno, lou Atua, ko au ko se Atua finenonofo, leia e tautea ia le agaveli o tamana ki fanau, o kaku ki le tolu mo le fa o tautupu o latou ala e agatuu kiate au,

Ekesote 22:27

talie ko le kofu lena ko lona nea kafu a ia e tasi, leia e fakamafana ia lona tino : Ka puli lona kofu, ti e kafu loa a ia kilea ? Kapau e tagi mai loa a ia kiate au, ti e kau logo loa, talie e kau manava alofa.

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Taagapati 3:3

Ke aua na mavae iate koe le agamalie mo le agatonu ; Sai laua ki lou ua, tosi laua i le laupapa o lou loto.

Ekelesiasi 8:11

Talie e leaise soko fakatavili se tautea ki leia e fai ia le veli, koia e apele ai a loto o vosa o tagata i le oli ke fai ia le veli.

Esaia 12:4

Ti e kotou pati loa i le aso lena : Kotou fakafetai ki le Eteleno, kotou kalaga ki lona suafa, Kotou fakasa ana gaoi i mua o atu kakai, Kotou fakamanatu le lasi o lona suafa !

Esaia 65:16

Talie ko leia e loto ke tapuakina i le fenua, E loto loa ke tapuakina a ia i le suafa o le Atua o le maoki ; Ti ko leia e fakapapau loa i le fenua, E fakapapau loa i le suafa o le Atua o le maoki ; Talie e galoi loa a mamae afea, E fufu loa latou ki oku mata.

Selemia 32:18

E ke manava alofa o kaku ki le tautupu afe, Ti e ke tautea le agaveli a tamana ki fatafata o alotou fanau ala e mulimuli ia latou. Ko koe ko le Atua lasi, le mafimafi, Leia e igoa ko le Eteleno o kau tau.

Selemia 9:24

Kae ko leia e loto ke fakakololia, ke fakakololia a ia O tupu ko lana maua se atamai ti mo lana iloa au, Lana iloa ko au ko le Eteleno Leia e fai ia le agamalie, mo le lao, mo faitotonu i le malama nei ; Talie ko lena le nea e kau fiafia ai, e pati le Eteleno.

Tagi laulau a Selemia 3:23

E fakafoou latou i usu fuli. Io ! E lasi ai lou agatonu !

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Mikea 7:18

Ko le Atua fea leia e tatau mo koe, Leia e fakamolemole ia le agaveli, leia e galoi ia agasala O le toetoega o lou tofiga ? E leaise taupau e ia lona sausau o lee gato, Talie e fiafia a ia i le manava alofa.

Mikea 7:20

E ke fakasa loa lou agatonu kia Sakopo, Mo lou agamalie kia Apalaamo, Ofaipe le nea na ke fakapapau ki omatou tamana i aso o le temi afea

Naume 1:3

E kataki fualoa e le Eteleno lona sausau, e lasi a ia i lona makeke ; E leaise tuku e ia leia e agasala sala tautea. E saele le Eteleno i le afa, mo le asesio ; Ko ao ko efu o ona vae.

Numelo 12:8

E kau masau kiate ia i le gutu ki le gutu, e kau sa kiate ia, ti e tio a ia ki se ata totonu o le Eteleno i ona mua. Kolea na leaise kolua i ai i le masau veli ki laku tagata fakasausau ko Moisese ?

Soane 1:17

talie na soli mai le lao e Moisese, kae na au le kalasia mo le maoki ia Sesu-Kilisito.

Loma 2:4

Pe ke fakanoai loa a koloa o lona agamalie, mo lona kataki fualoa ti mo lona manavaalofa faifualoa, o leaise ke iloa e ekenaki a koe e le agamalie o le Atua ki le fakasemala ?

Tetelonome 32:3

Talie e kau fakasa loa le suafa o le Eteleno. Ke fakavikiviki ki lotatou Atua !

Tetelonome 4:31

talie ko le Eteleno, lou Atua, ko se Atua manava alofa, leia e leaise tiaki ia loa a koe ti e leaise maumaui oki ia loa a koe : e leaise galoi loa e ia le fakapapau leia na fai e ia ki ou tamana.

Tetelonome 5:10

kae e fakasa ia lona manava alofa o kaku ki le afe o tautupu kia latou ala e alofa kiate au ti mo tausi aku folafola.

Sakopo 5:11

Ko leinei, e motou fakasa kua manuia latou ala na kataki fualoa i le mamae. Kua kotou logo ki le kataki fualoa o Sopo, ti kua kotou tio ki le fakaoki leia na tuku e le Aliki kiate ia, talie e apele le Aliki i le manavaalofa ti mo le aloalofa.