Ekesote 34:21 - Tosi Tapu

²¹ E ke gaoi loa i aso e ono, ti e ke malolo loa i le fitu o aso ; e ke malolo loa, tatau fai pe ko le temi gaoi i faisaga pe ko le temi tanaki o fua.

Ekesote 34:21 Iomraidhean Croise

Senesi 45:6

Ko leinei kua fetuu lua le oge i le fenua, ti koi toe foki ni iki fetuu e lima ala e leaise toe feala ai le gaoi ki le kele, ti e leaise toe maua ai se fulumeto.

Neemia 13:15

I le temi lena, na kau tio loa i Suta ki ni iki na takatakafi i tatauaga vite i le aso o le sapato, ti mo ni iki na fakaulu ia le fulumeto ki fale, ti mo ni iki na fetuku ia i ni asino ni vino, mo ni fuai vite, mo ni fuai fiki, ti mo nea kesekese, o aumai ki Selusalemi i le aso o le sapato ; ti na kau fai loa kia latou ni valoki i aso ala na lotou fakatau ai alatou nea kai.

Ekesote 23:12

E ke fai loa lau gaoi i aso e ono. Kae i le fitu o aso, e ke malolo loa, o tupu ke malolo foki lau pipi mo lau asino, ti ke manavanava ai foki le vosa o lau tagata fakasausau ti mo le matapule.

Ekesote 31:15

E gaoi loa i aso e ono ; kae ko le fitu o aso ko le sapato, ko le aso malolo a ia kua fakatapui ki le Eteleno. Ko leia e fai ia loa se gaoi i le aso o le sapato, e tua loa a ia ki le mate.

Ekesote 35:2

E gaoi loa i aso e ono ; kae ko le fitu o aso ko se nea tapu loa a ia kia koutou ; ko le sapato a ia, ko le aso malolo, leia na fakatapu ki le Eteleno. Ko le tagata leia e fai ia loa se gaoi i le aso lena, e tautea loa a ia ki le mate.

Esaia 30:24

Ko pipi mo asino ala e gaoi ia le kele, E kai ia loa se nea kai konakona, Leia e asu loa ki le supeti mo le lato.

Levitiko 23:3

E gaoi loa i aso e ono ; kae ko le fitu o aso ko le sapato a ia, ko le aso malolo : e kotou fai loa i ai se fakatasi tapu. E leaise kotou fai loa se gaoi : ko le sapato a ia o le Eteleno, i okoutou fale fuli.

Luka 13:14

Kae na itaita loa le pule o le sinakoka i le fakamauli o le masaki e Sesu i le aso o le sapato, ti na pati loa a ia ki le kakai : E i ai a aso e ono ala ke gaoi ai ; kotou au i aso ana ke fakamauli koutou, kae aua na kotou au i le aso o le sapato.

Luka 23:56

Ti na lotou liliu loa, o teuteui ni nea fakamanogi ti mo ni lolo takai. Ti na lotou malolo loa i le aso o le sapato o mulimuli ki le lao.

Tetelonome 21:4

E fakaifo loa le pipi fafine muli ki se liua leia e sali tuumau ti e leaise tuu ai se faisaga i ona kauvai ; ti e lotou tamate loa le pipi fafine muli, i tafa o le liua.

Uluaki tosi a Samuele 8:12

E fakanofo loa e ia latou ko ni pule solia o le tino afe, mo le tino lima ; ti e fakagaoi loa e ia latou ke fakamaluu ia ona kele, ke tuuti ia lana fulumeto, ke fau ia ana masafu tau mo nea ki ana saliote.