Ekesote 34:15 - Tosi Tapu

¹⁵ Tokaga ai kiate koe, ke aua na ke fai ia se sai mo le kakai o le fenua, talie ke aua na ke tausi ki olatou atua ti mo ke momoli ni sakilifisio kia latou, ti ke lotou fakaafe loa a koe, o ke kai loa ki alatou vikitima ;

Ekesote 34:15 Iomraidhean Croise

Uluaki tosi o Koloniko 5:25

Kae na lotou agasala loa ki le Atua o olatou tamana, ti na lotou faiaga loa ki atua o le kakai o le fenua, ala na maumaui e le Atua i olatou mua.

Esetalasi 6:9

Ko nea ala e aoga ki failaulau ki le Atua o le lagi, a pipi tagata, mo ovi tagata mo akeno, mo le fulumeto, mo le patai, mo le vino, ti mo le lolo, e tonu ke soli latou o fakalogo ki le nea leia e lotou loto ki ai, ki le kau faisakilifisio o Selusalemi i aso fuli ti ke aua na puli fua se nea,

Esetalasi 9:12

Koia, aua na kotou soli loa okoutou taineliki ki olatou tamaliki, ti aua na kotou too loa olatou taineliki ke avaga mo okoutou vosa, ti aua na kotou afa loa ke lotou fimalie ti ke lotou mou koloa ; o tupu ke kotou liliu loa o makeke, ti mo kotou kai loa a fua malilie o le fenua, ti mo kotou tuku loa le fenua ko se tofiga ki okoutou vosa, o lee gato.

Pesalemo 106:28

Na lotou pipiki loa kia Paale-Peoli, Ti na lotou kai loa ki ni vikitima na momoli ki le kau mate.

Pesalemo 73:27

Talie ko leinei, ko latou ala e fakamamao iate koe e mamate ; E ke maumaui latou fuli ala na vesia kiate koe.

Ekesote 22:19

Ko leia e momoe mo se manu, e tonu ke fakatuaa a ia ki le mate.

Ekesote 22:20

Ko leia e momoli ia ni sakilifisio ki ni atua kese i le Eteleno toka tasi, e tonu ke tamate a ia.

Ekesote 23:32

Aua na ke fai loa se sai mo latou, pe mo olatou atua.

Ekesote 32:8

Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 34:10

Na tali loa le Eteleno : Ko leinei, e kau fai loa se sai. E kau fai loa i mua o lou kakai katoa, ni nea fakamanamana ala na leikiaise soko fuai i se fenua pe ko se puleaga ; e tio loa le kakai katoa lena e takatakai ia a koe ki le gaoi a le Eteleno, ti e fakaii loa le nea leia e kau fakasoko ia loa kiate koe.

Ekesote 34:12

Tokaga kiate koe, ke aua na ke fai ia se sai mo kakai o le fenua leia e tonu ke ke ulu ki ai, talie e lotou liliu loa ko se masele kiate koe.

Selemia 3:9

I lana faiaga fakasasa, na fakakelekele e Iselaele loku fenua, talie na faiaga a ia mo le fatu mo le laakau.

Oseo 4:12

E afa e loku kakai ki lona taulaatua ; Ti ko lana potu laakau leia e tali kiate ia ; Talie e fakasese le laumalie o le faifeauaki, Ti e fakamamao e ia latou i lolatou Atua.

Oseo 9:1

Iselaele, aua na ke tuku a koe ki le fiafia, ki nekenekea, ofaipe la ake kakai. Talie kua ke tiaki le Eteleno i lau faiaga ; T alie kua ke alofa ki se totogi kelekele i ganea fuli ala e sasa ai le fulumeto !

Levitiko 17:7

E leaise lotou toe momoli loa alatou sakilifisio ki ni temonio (ala e fakatata e ni koti tagata), ala e lotou tono ki ai. E tuku loa le lekula lena kia latou mo olatou sakoga o lee gato.

Numelo 15:39

Ka kotou maua loa le ga kie lena i le kapa o okoutou kofu, e kotou tio loa ki ai ti e kotou manatui loa a folafola fuli a le Eteleno ke kotou fai latou, ti e leaise kotou mulimuli loa ki oli o okoutou loto mo okoutou mata ala e ave ia loa koutou ki tausi fakapagani.

Numelo 25:1

Na nofo loa Iselaele i Sitime ; ti na kamata fai feauaki loa le kakai ki taineliki o Moape.

Numelo 25:2

Na fakaafe loa e taineliki le kakai ki sakilifisio ki atua o Moape ; ti na kai loa le kakai, ti na punou loa a ia i mua olatou atua.

Gaoi 15:20

kae ke tou fai se tosi kia latou ke lotou fakamamao mei fakalialia o taulaatua, mo le fai feauaki, mo manu mamate, ti mo le toto.

Uluaki tosi ki le kau Kolinto 10:27

Kapau e fakaafe koutou e se tagata lee tui ti e kotou loto loa ke kotou ano ki ai, kotou kai ki nea fuli ala e soli atu loa kia koutou, kae aua na kotou vesili o tupu ko le loto.

Uluaki tosi ki le kau Kolinto 8:10

Talie, kapau e tio se tasi kiate koe, a koe leia e maua ia le iloa, e ke ekeeke o kai i se fale tapu o taulaatua, pe leaise ke lagai i ai le loto o leia e gaegae ke kai ki inati kua momoli ki taulaatua ?

Uluaki tosi ki le kau Kolinto 8:4

O uiga mo le kai o inati kua momoli ki taulaatua, e tou iloa e leai ni taulaatua i le malama nei, ti e i ai se Atua fuai e tasi.

Uluaki tosi ki le kau Kolinto 8:7

Kae e leaise maua e tagata fuli le iloa lena. Talie koi tio ni iki ki taulaatua, ti e lotou kai a inati ana ofaipe ni inati kua momoli maoki ki taulaatua, ti ko olatou loto, ala koi gagae, e kelekele i ai.

Tetelonome 31:16

Na pati loa le Eteleno kia Moisese : ko leinei ka ke mate loa. Ti ko le kakai leinei e malaga ake loa ki aluga o faiaga mo atua kese o le fenua leia ka ulu loa a ia ki ai. E tiaki loa e ia au ti e maumaui loa e ia laku sai, leia na kau fakamaoki mo ia.

Tetelonome 31:18

Kae ko au, e kau fufu loa oku mata i le aso lena, o tupu ko le veli katoa leia na fai e ia, o ano ki ni atua kese.

Tetelonome 32:37

E pati loa a ia : Kofea olatou atua, Le utu leia na lotou ulufaga ki ai,

Tetelonome 32:38

A atua ala na kai ia a gako o alatou sakilifisio, Ti na inu ia a vino o alatou moliga ? Ke lotou tutuu mai ki aluga, ti ke lotou saofaki koutou, Ke lotou puipui koutou !

Tetelonome 7:2

E tuku atu loa e ia latou kiate koe, ke ke pule kia latou, ti e ke malo loa ia latou, ti e ke tamate loa latou. Ke aua na ke fai loa se sai mo latou, ti ke aua na ke maua ia loa se ga alofa fakaikiiki fua kia latou.

Tetelonome 7:3

Ke aua na ke fai ia loa se avaga mo puleaga ana : ke aua na ke soli loa ou taineliki ki olatou vosa, ti ke aua na ke too ia loa olatou taineliki ki ou vosa ;

Sosue 23:12

Kapau e kotou titua loa kiate ia, o pipiki loa ki le toega o puleaga ala koi nonofo ia koutou, ti kapau e kotou fakatasi loa mo puleaga ana i ni avaga, ti kapau e kotou filo loa mo latou,

Apokalipisi 2:20

Kae ko le nea leia e kau fakafesagai ai kiate koe, ko lau tuku le fafine ko Sesapele, leia e pati ko le fafine polofeta, ke akonaki mo fakasese ia aku tagata fakasausau, o tupu ke lotou fai feauaki ti ke lotou kai ni inati ala kua momoli ki taulaatua.

Tuifakamaau 2:17

Kae na leaise lotou fakalogo foki ki olatou tui fakamaau, talie na lotou tausi loa ki ni atua kese, ti na lotou punou loa i olatou mua. Na lotou maliu vave ai mei le ala leia na saele ai olatou tamana ala na fakalogo ki folafola a le Eteleno : Na lotou fai loa ni nea faikese.

Tuifakamaau 3:6

Ti na avaga loa a vosa o Iselaele mo taineliki o puleaga ana. Ti na lotou soli loa olatou taineliki totonu ke avaga mo vosa o Kanaane, ti na lotou tausi loa ki olatou atua.