Ekesote 34:14 - Tosi Tapu

¹⁴ E leaise ke punou loa ki se atua kese ; talie e maua e le Eteleno le igoa ko finenonofo, ko se Atua finenonofo a ia.

Ekesote 34:14 Iomraidhean Croise

Uluaki tosi o Sau 14:15

Na taai loa e le Eteleno a Iselaele, ti e fai loa a ia pe se fa u leia e lu i le atu vai ; e taaki loa e ia a Iselaele mei le fenua malie lena na soli e ia ki olatou tamana, ti e fakamavete loa e ia latou ki leia atu fetuu o le vaitafe, talie na lotou fau ni olatou fakatata ke ita ai le Eteleno.

Uluaki tosi o Sau 19:10

Na tali loa a ia : Na kau fakasa loku alofa lasi ki le Eteleno, le Atua o kau tau ; talie kua tiaki e fanau o Iselaele lau sai, kua lotou maumaui ou aletale, ti kua lotou tamate ki le seleta lau kau polofeta ; kua kau toe toka tasi, ti kua lotou afa ke too loku mauli.

Ekesote 33:19

Na tali loa le Eteleno : E kau saele loa i ou mua ti e kau fakasa loa kiate koe loku agamalie katoa, ti e kau kalagai loa i ou mua le suafa o le Eteleno ; e kau soli loku alofa ki leia e kau alofa ki ai, ti e kau manava alofa ki leia e kau manava alofa ki ai.

Esaia 57:15

Talie e folafola le Taualuga, Leia e lee gato lona nofoaga ti e maokioki lona suafa : E kau nofo i potu taualuga ti mo le maokioki ; Kae e kau nofo foki mo le tagata fakasemala mo agamalu, O tupu ke toe fakamauli a loto fakasemala, O tupu ke toe fakaofo a loto agamalu.

Esaia 9:6

E fakamafola loa e ia lana pule ki atu puleaga, E tuku loa e ia le tokamalie lee gato ki le ekeekeaga fakasau o Tavite, mo lona puleaga, Ti e fakamakeke loa e ia a ia ti mo poupou a ia ki le lao mo le faitotonu, I le temi nei o lee gato : Ko lena le nea e fai loa e le Eteleno o kau tau i lona alofa lasi.

Esekiele 23:25

E kau liligi loku sausau kiate koe, Ti e lotou fai loa kiate koe i le itaita. E lotou tuuti loa lou isu mo ou taliga, Ti e mate loa i le seleta le toetoega iate koe. E lotou too loa ou vosa mo ou taineliki, Ti e kai loa e le afi le toetoega iate koe.

Naume 1:2

Ko le Eteleno ko se Atua finenonofo, E totogi e ia ; e apele a ia i le itaita ; E totogi e le Eteleno kia latou ala e agatuu kiate ia, E taofi e ia lona ita ki ona fili.

Mateo 4:10

Na pati loa Sesu kiate ia : Fakamamao atu iate au Satana ! Talie e tuu i le Tosi : E ke atolasio loa ki le Aliki, lou Atua, ti e ke tausi loa kiate ia toka tasi.

Uluaki tosi ki le kau Kolinto 10:22

Pe tou loto ke tou fakatupu ia le finenonofo o le Aliki ? Pe tou makeke ake iate ia ?

Tetelonome 29:20

E leaise toe loto loa le Eteleno ke fakamolemole ki le tagata lena. Kae e mu loa le sausau mo le finenonofo o le Eteleno ki le tagata a ia, ti e vilo loa malaia fuli ala e tuu i le tosi leinei kiate ia, ti e soloi loa e le Eteleno lona igoa i lalo o le lagi.

Tetelonome 32:16

Na lotou lagai loa lona finenonofo ki ni atua kese, Ti na lotou fakatupu loa lona sausau ki ni nea fakalialia.

Tetelonome 32:21

Na lotou lagai loku finenonofo ki se nea leia e leaise Atua, Na lotou fakatupu loku sausau ki olatou atua noa ; Ti ko au, e kau lagai loa lolatou finenonofo ki se nea leia e leaise ko se kakai, Ti e kau fakatupu ia loa lolatou ita ki se puleaga leia e sala atamai.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Tetelonome 5:24

ti na kotou pati loa : Ko leinei kua fakatio matou e le Eteleno, lomatou Atua, ki lona kololia mo lona lasi, ti kua motou logo ki lona leo mei loto malie o le afi. I le aso nei, kua motou tio na masau le Atua ki le tagata, ti na lotou mauli.

Tetelonome 5:7

Ke aua na ke maua loa ni atua kese iate au.

Tetelonome 6:15

Talie ko le Eteleno, lou Atua, ko se Atua finenonofo a ia i loto malie o ou. Talie e mu loa le sausau o le Eteleno kiate koe, ti e maumaui loa e ia a koe i aluga o le kele.

Sosue 24:19

Na pati loa Sosue ki le kakai : E leaise kotou maua ia loa le makeke ke tausi ki le Eteleno, talie ko se Atua maokioki a ia, ko se Atua fuaa ; e leaise fakamolemole loa e ia akoutou patigataa mo akoutou agasala.

Tuifakamaau 6:10

Na kau pati kia koutou : Ko au ko le Eteleno, lokoutou Atua : Ke aua na kotou fakaapaapa loa ki atua o le kau Amole i lolatou fenua leia ka kotou nofo ai loa. Kae na leaise kotou fakalogo loa ki loku leo.