Ekesote 34:12 - Tosi Tapu

¹² Tokaga kiate koe, ke aua na ke fai ia se sai mo kakai o le fenua leia e tonu ke ke ulu ki ai, talie e lotou liliu loa ko se masele kiate koe.

Ekesote 34:12 Iomraidhean Croise

Uluaki tosi o Sau 11:2

na lotou kau ki puleaga ala na pati ki ai le Eteleno ki fanau a Iselaele o feneeki : E leaise kotou ulu loa kia latou, ti e leaise lotou ulu mai loa kia koutou ; talie e lotou toso maoki loa okoutou loto ke kotou su ki olatou atua : Kae na pipiki loa Salomone ki puleaga ana, o tupu ko lona mamana ki fafine.

Lua tosi o Sau 17:10

Na lotou fakatuu loa kia latou ni fakatata mo ni taulaatua i mauga liliki fuli ti mo lalo o laakau sesega fuli.

Lua tosi o Koloniko 24:18

Ti na lotou tiaki loa le fale o le Eteleno, le Atua o olatou tamana, kae lotou tausi loa ki Asetalate mo taulaatua. Na vilo loa le sausau o le Eteleno ki Suta mo Selusalemi, o tupu ko agasala ana.

Pesalemo 106:36

Na lotou tausi loa ki olatou taulaatua, Ala na liliu loa ko se masele kia latou ;

Numelo 33:52

Ke kotou kapu loa i okoutou mua a kakai fuli o le fenua, ke kotou maumaui loa a fakatata fatu fuli mo fakatata ukamea fuli o olatou atua, ti ke kotou maumaui loa olatou ganea tapu fuli.

Tetelonome 20:18

o tupu ke aua na lotou ako ia loa kia koutou ke fakatautau o nea fakalialia fuli ala e lotou fai ki olatou atua, ti ke aua na kotou agasala ai loa ki le Eteleno, lokotou Atua.

Tetelonome 31:5

E tuku loa latou e le Eteleno kiate koe, ti e kotou fai loa kia latou o mulimuli ki fakatotonu ala na kau tuku atu kia koutou.

Tetelonome 7:16

Ke ke tamate loa a kakai fuli ala e tuku atu loa kiate koe e le Eteleno, lou Atua. Ke aua na maua loa e lou mata se alofa kia latou, ti ke aua na ke tausi loa ki olatou atua, talie ko se masele loa a ia kiate koe.

Tetelonome 7:2

E tuku atu loa e ia latou kiate koe, ke ke pule kia latou, ti e ke malo loa ia latou, ti e ke tamate loa latou. Ke aua na ke fai loa se sai mo latou, ti ke aua na ke maua ia loa se ga alofa fakaikiiki fua kia latou.

Sosue 9:7

Kae na tali loa a tagata o Iselaele ki le kau Evi : E lagi kotou nonofo loa i loto malie o matou, ti e feaki loa ke motou fai se sai mo koutou ?

Tuifakamaau 6:10

Na kau pati kia koutou : Ko au ko le Eteleno, lokoutou Atua : Ke aua na kotou fakaapaapa loa ki atua o le kau Amole i lolatou fenua leia ka kotou nofo ai loa. Kae na leaise kotou fakalogo loa ki loku leo.

Tuifakamaau 8:27

Na fai loa e Seteone ki le aulo lena se fakatata o fakatuu i lona kolo ko Ofala : Na ano loa fanau a Iselaele o faiaga ki le taula atua lena ; ti na liliu loa le nea lena ko se masele kia Seteone mo lona famili.