Ekesote 34:10 - Tosi Tapu

¹⁰ Na tali loa le Eteleno : Ko leinei, e kau fai loa se sai. E kau fai loa i mua o lou kakai katoa, ni nea fakamanamana ala na leikiaise soko fuai i se fenua pe ko se puleaga ; e tio loa le kakai katoa lena e takatakai ia a koe ki le gaoi a le Eteleno, ti e fakaii loa le nea leia e kau fakasoko ia loa kiate koe.

Ekesote 34:10 Iomraidhean Croise

Lua tosi a Samuele 7:23

Pe ia se tasi ake puleaga i le malama nei e tatau mo lou kakai, ke faipe Iselaele, leia na au le Atua o totogi ke liliu ko lona kakai, ti ke logologona, ti ke fai kiate ia ni milakulo mo ni nea fakamanamana i lou fenua, o kapu ni puleaga mo olatou atua, i mua o lou kakai, leia na ke totogi mei Esipito ?

Pesalemo 106:22

Mo ni milakulo i le fenua o Kami, Mo ni nea fakatalatupua i le Tai Kula.

Pesalemo 136:4

Ko ia leia toka tasi e fai ia ni nea fakatalatupua, Talie e lee gato lona manava alofa !

Pesalemo 145:6

E masau loa ki lou makeke fakaii, Ti e kau fakamatala loa lou lasi.

Pesalemo 147:20

Na leaise fai fenaaki e ia ki atu puleaga fuli, Ti e leaise lotou iloa fua ana fakatotonu. Kotou fakafetai ki le Eteleno !

Pesalemo 65:5

Manuia leia e ke filifili ti e ke fakaulu ki lou agaiaga, O tupu ke nofo a ia i ou malae ! E motou makokona loa i le fiafia o lou fale, I le maokioki o lou fale tapu.

Pesalemo 66:3

Kotou pati ki le Atua : E fakaii ai au gaoiaga ! O tupu ko le lasi o lou makeke, e fakavikiviki ou fili kiate koe.

Pesalemo 66:5

Kotou au, ti kotou tio ki gaoiaga a le Atua ! E fakaii a ia mo ka gaoi a ia ki vosa o le tagata.

Pesalemo 68:35

Kotou tuku le kololia ki le Atua ! E nofo lona agai i Iselaele, ti ko lona makeke i le atu lagi.

Pesalemo 72:18

Ke fakafetai ki le Eteleno Atua, le Atua o Iselaele, Leia toka tasi e fai ia ni nea fakatalatupua !

Pesalemo 76:12

Kotou fai ni fakapapau ki le Eteleno, lokoutou Atua, ti kotou fai latou ! Ko latou fuli ala e nonofo i ona tafatafa, ke lotou aumai ni moliga ki le Atua fakaii !

Pesalemo 77:14

Ei Atua ! e maokioki ou ala ; Ko le atua fea e lasi o tatau mo koe ?

Pesalemo 78:12

I mua olatou tamana na fai e ia ni nea fakatalatupua I le fenua o Esipito, i toafa o Tesoane.

Ekesote 34:27

Na pati loa le Eteleno kia Moisese : Tosi a folafola anei ; talie kua kau fai le sai mo koe mo Iselaele, o mulimuli ki folafola anei.

Ekesote 34:28

Na nofo loa Moisese mo le Eteleno i le ganea lena i aso e kau fa mo po e kau fa. Na leaise kai loa e ia se pane, pe na inu loa e ia se vai. Ti na tosi loa e le Eteleno i fatu a folafola o le sai, a folafola e kau agafulu.

Esaia 64:3

Talie e talu mei le kamataaga o le malama nei, E leikiaise logo se taliga, Pe tio se mata ki se tasi ake atua iate koe, Kua fai ia ni nea ana kia latou ala e fanaki kiate ia.

Selemia 32:21

Na ke fakamavae lou kakai ko Iselaele, mei le fenua ko Esipito, I ni milakulo ti mo ni nea fakamanamana, ki lou lima makeke ti mo lou lima falo.

Mikea 7:15

Ofaipe le aso leia na ke mavae ai i le fenua o Esipito, E kau fakatio loa a koe ki ni nea fakamanamana !

Tetelonome 10:21

Ke ke tuku le fakavikiviki ki le Eteleno, talie ko ia ko lou Atua : Ko ia leia na fai ia a gaoi lalasi mo fakaii fuli ana i loto malie o ou, ala na tio ki ai ou mata.

Tetelonome 32:30

Pe mafai ke tuli loa e se toka tasi se tino afe, Pe ke kapu loa e se toka lua ni tino agafulu afe, Mo kapau na leaise fakatau latou e lolatou Utu, Mo kapau na leaise tuku latou e le Eteleno ?

Tetelonome 4:13

Na fakasa loa e ia lana fakapapau, leia na fakatotonu e ia ke kotou tausi, a folafola e kau agafulu ; ti na tosi loa e ia latou i ni fatu e lua.

Tetelonome 9:19

Talie na kau i ai i laku tio ki le sausau leia kua nofo mo le Eteleno kia koutou, talie kua loto a ia ke maumaui e ia koutou. Kae na toe tali loa e le Eteleno laku tagi i le faiaga lena.

Sosue 6:20

Na pupusi loa a fakatagi pupusi o fakaloaloa, ti ko le kakai na logo loa ki tagi fakaloaloa o fakatagi pupusi. I le temi lena, na fakamapa loa e le kakai se kalaga tau makeke, ti na siga loa le kaua takai o le kolo ki lalo. Ti na pale loa le kakai ki le kolo, o tasi ano fakasako i ona mua. Ti na lotou too loa le kolo.