Ekesote 34:1 - Tosi Tapu

¹ Na pati loa le Eteleno kia Moisese : Ta ni fatu lalapa e lua ofaipe uluaki fatu, ti e kau tosi loa i ai a folafola ala na tuu i uluaki fatu ala na ke maumaui.

Ekesote 34:1 Iomraidhean Croise

Pesalemo 119:89

Ei Eteleno, e tuu lau folafola i le lagi, o lee gato.

Ekesote 24:12

Na pati loa le Eteleno kia Moisese : Pale mai kiate au i le mauga, ti ke nofo i ai ; e kau soli atu loa kiate koe ni laui fatu, le lao mo fakatotonu ala na kau tosi ke akoi ai latou.

Ekesote 31:18

I le oki o le masau a le Eteleno kia Moisese i le mauga o Sinai, na soli loa e ia kia Moisese a fatu e lua o le fakamaoki, ala na tosi e le lima o le Atua.

Ekesote 32:16

Na fai a fatu e le Atua, ti ko le faitosi ko le faitosi totonu a le Atua, leia na togi ki fatu.

Ekesote 32:19

I lala kaku loa ki le nofolaga, na la tio loa ki le uviki pipi mo mako. Na mu loa le sausau o Moisese, ti na tiaki loa e ia a fatu mei ona lima, o momo i lalo o le mauga.

Ekesote 34:28

Na nofo loa Moisese mo le Eteleno i le ganea lena i aso e kau fa mo po e kau fa. Na leaise kai loa e ia se pane, pe na inu loa e ia se vai. Ti na tosi loa e le Eteleno i fatu a folafola o le sai, a folafola e kau agafulu.

Ekesote 34:4

Na ta loa e Moisese a fatu lalapa e lua ofaipe uluaki fatu ; ti na tuu ake loa a ia koi usu, o pale ki le mauga o Sinai, o mulimuli ki le fakatotonu leia na fai kiate ia e le Eteleno, ti na too loa e ia i lona lima a fatu lalapa e lua.

Selemia 36:32

Ti na too loa e Selemia se tasi ake a tosi, o soli kia Paluke, le sekalaipe, vosa o Nelisa. Ti na tosi loa i ai e Paluke, i le lau a Selemia, a folafola fuli o le tosi leia na tutu e Sosakimi, sau o Suta. Ti na toe fakalasi e ia a ia ki ni iki ake folafola tatau.

Tetelonome 4:13

Na fakasa loa e ia lana fakapapau, leia na fakatotonu e ia ke kotou tausi, a folafola e kau agafulu ; ti na tosi loa e ia latou i ni fatu e lua.