Ekesote 33:3 - Tosi Tapu

³ Pale ki le fenua lena leia e tafe ai le sua manu mo le meli. Kae e leaise kau pale loa i loto malie o ou, talie ke aua na kau fakapuli ia loa a koe i le ala, talie ko se kakai ua fefeka a koe.

Ekesote 33:3 Iomraidhean Croise

Lua tosi o Sau 17:14

Kae na leaise lotou fakalogo fua, ti na lotou fakafefeka loa olatou ua ofaipe olatou tamana, ala na leaise tui ki le Eteleno, lolatou Atua.

Pesalemo 78:8

O tupu ke aua na lotou faipe olatou tamana, Se lanu patigataa mo agatuu, Se lanu leia na leaise tuu mau lona loto, Ti na leaise agatonu lona laumalie ki le Atua.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 23:21

Tokaga kiate ia, o fakalogo ki lona leo ; aua na ke agatuu loa kiate ia, talie e leaise fakamolemole loa e ia au agasala, talie e nofo loku suafa iate ia.

Ekesote 3:17

ti kua kau pati : E kau fakamavae loa koutou mei Esipito, mei le ganea leia e kotou mamae ai, ti e kau ave loa koutou ki le fenua o le kau Kanaane, mo le kau Eti, mo le kau Amole, mo le kau Felesi, mo le kau Evi, mo le kau Sepusi, ki se fenua leia e tafe ai le sua manu mo le meli.

Ekesote 3:8

Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Ekesote 33:5

Ti na pati loa le Eteleno kia Moisese : Pati ki fanau a Iselaele : Ko se kakai ua fefeka koutou ; kapau e kau ano i se ga temi ikiiki fua i loto malie o koutou, e kau fakapuli loa koutou. Koia ke kotou tatala ai okoutou nea fakateuteu, ti e kau tio loa pe kolea le nea leia e kau fai loa kia koutou.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Esaia 48:4

Kae na kau iloa ko koe ko se kakai loto fefeka, Ti ko lou ua ko se potu ukamea, Ti ko lou lae ko se potu sila,

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 3:4

Na fai mua e Sonasi se aso saele i le kolo ; ti na kalaga a ia, o pati : Koi toe fai ni aso e kau fa, ti e maumaui loa Ninive !

Numelo 13:27

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Numelo 14:12

E kau tautea loa a ia ki se masaki veli, ti e kau maumaui loa a ia ; kae e kau fai loa kiate koe se puleaga leia e lasi ake loa mo makeke ake loa iate ia.

Numelo 14:8

Kapau e loto malie le Eteleno kia tatou, ti e fakaulu loa e ia tatou ki le fenua leinei, ti e soli mai loa e ia le fenua leinei kia tatou : Ko se fenua a ia e sali ai le sua manu mo le sua meli.

Numelo 16:13

Pe leaise feauga kiate koe, Moisese, ke ke fakamavae matou i se fenua leia na tafe ai le sua manu mo le sua meli ke motou mamate i le toafa leinei, kae ko leinei e leaise gato lau pulei matou ?

Numelo 16:21

Kolua mavae kese i le fakatasi leinei, ti e kau tamate loa a ia i se temi e tasi.

Numelo 16:45

Ke kolua fakamamao mei le fakatasi lena, ti e kau tamate loa latou i se temi e tasi. Na la fakapulou loa ki le kele ;

Gaoi 7:51

Tagata ulu fefeka, mo lee silikosisio i le loto mo le taliga ! E kotou fakafesagai tuumau ki le Laumalie Maokioki, koutou ofaipe okoutou tamana.

Tetelonome 4:24

Talie ko le Eteleno, lou Atua, ko se afi maumau a ia, ko se Atua finenonofo.

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.

Uluaki tosi a Samuele 2:30

Koia ko leinei le nea leia e fakasa e le Eteleno, le Atua o Iselaele : Na kau fakasa e saele loa lou fale mo le fale o lou tamana i oku mua o lee gato. Kae i le aso nei, e pati le Eteleno : Ke mamao le nea lena iate au ! talie e kau siki loa ki aluga leia e fakaapaapa loa kiate au, kae e kau tuku loa ki lalo leia e nukinuki loa kiate au.