Ekesote 33:22 - Tosi Tapu

²² Ka fakalaka loa loku kololia, e kau tuku loa a koe ki se mafaa o le utu, ti e kau uufi loa a koe ki loku lima o kaku ki laku fakalaka.

Ekesote 33:22 Iomraidhean Croise

Uluaki tosi o Sau 19:9

I ai, na ulu loa a ia ki le ana, ti na moe loa a ia i ai i le pouli. Ti ko leinei, na tuku loa le folafola a le Eteleno kiate ia, o pati : Kolea e ke fai i leinei, Elia ?

Pesalemo 18:2

E kau alofa kiate koe, Eteleno, loku makeke !

Pesalemo 91:1

Ko leia e nofo i le potu lilo o le Taualuga E malolo i le malu o le Mafimafi.

Pesalemo 91:4

E ofaki loa e ia a koe ki ona fului manu, Ti e ke maua loa se mumuniaga i lalo o ona lalo kapakau ; Ko lona agatonu ko se paletau ti ko se kofu tau.

Katiko o Katiko 2:3

Ofaipe se pome i loto malie o laakau o le vao, E fenaaki loku alofaaga i lotolotoga o tama tupulaga. Na kau oli ke kau tonatona i lona malu, Ti e suamalie lona fua ki loku gutu.

Esaia 2:21

Kae lotou ulu loa ki mafaa o utu Ti mo pu o fatu, O tupu ke lotou sao i le sausau o le Eteleno ti mo le makeke o lona agai, Mo ka tuu ake loa a ia o fakaii le malama nei.

Esaia 32:2

E lotou fai loa pe se mumuniaga i le matagi, Pe se solaaga i le afa, Pe ni tafe i se fenua malo, Pe le malu o se utu lasi i se kele fia inu.

Esaia 49:2

Na fakaliliu e ia loku gutu ke tatau mo se seleta matakakai, Na fufu e ia au i le malu o lona lima ; Na fai e ia kiate au se gasau matakakai, Na fufu e ia au i lana taga gasau.

Esaia 51:16

E kau tuku aku masau ki lou gutu, Ti e kau fakamalumalu a koe ki loku lima, Ke folasi ni atu lagi foou ti ke fakatuu se kele foou, Ti ke pati ki Sione : Ko loku kakai a koe !

Uluaki tosi ki le kau Kolinto 10:4

ti na lotou inu fuli le nea inu fakalaumalie e tasi, talie na lotou inu i se utu fakalaumalie leia na mulimuli ia latou, ti ko le utu a ia ko Kilisito.

Lua tosi ki le kau Kolinto 5:19

Talie na nofo le Atua ia Kilisito, o fakatokatoka ia le malama nei mo ia totonu, o leaise lau ki tagata alatou agasala ; ti kua tuku e ia kia maua le folafola o le fakatokatoka.

Tetelonome 33:12

Kia Pesamino, na pati a ia : Ko le alofaaga a ia o le Eteleno, E nofo fimalie loa a ia i ona tafa ; E puipui loa a ia e le Eteleno, o lee gato, Ti e nofo loa a ia i ona tuauma.