Ekesote 33:13 - Tosi Tapu

¹³ I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Ekesote 33:13 Iomraidhean Croise

Lua tosi a Samuele 15:25

Na pati loa le sau kia Satoke : Toe ave le Aleka o le Atua ki le kolo. Kapau e finegalo alofa loa le Eteleno kiate au, e toe aumai loa e ia au, ti e toe fakatio loa e ia au ki le aleka mo lona fale tapu.

Pesalemo 103:7

Na fakasa e ia ona ala kia Moisese, Ana gaoi ki fanau o Iselaele.

Pesalemo 119:33

Eteleno, ako mai kiate au le ala o au lekula, O tupu ke kau taofi a ia o kaku ki le fakaoki !

Pesalemo 25:4

Eteleno, ke ke fakailo mai kiate au ou ala, Ke ke ako mai kiate au ou ala liliki.

Pesalemo 27:11

Eteleno, ako mai kiate au lou ala, Taki au i le ala o le maoki, O tupu ko oku fili.

Pesalemo 51:13

Aua na ke tiaki au o mamao i ou mata, Aua na ke too iate au lou Laumalie maokioki.

Pesalemo 86:11

Ei Eteleno, ako mai kiate au ou ala ; E kau saele loa i lou agatonu. Teuteu loku loto ke i ki lou suafa.

Ekesote 3:10

Koia, i le aso nei, e kau kakau loa a koe ke ano kia Falaone, ti e ke fakamavae loa mei Esipito loku kakai, a fanau a Iselaele.

Ekesote 3:7

Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 32:12

Kolea e pati ai loa le kau Esipito : Na fakamavae e ia latou o tupu ke lotou malaia, ke tamate latou i mauga, ti ke lotou puli oki i le malama nei. Maliu mei lou ita lasi, ti ke fakasemala ki le veli leia kua ke loto ke fai ki lou kakai.

Ekesote 32:14

Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Ekesote 34:9

Ti na pati loa a ia : Aliki, kapau kua kau maua se kalasia i ou mua, ti ke saele le Aliki i loto malie o matou, talie ko se kakai ua fefeka a ia ; fakamolemole ki amatou agasala mo amatou agaveli, ti ke too matou ko lou tofiga.

Ekesote 5:1

Na ano loa Moisese mo Alone kia Falaone, o pati kiate ia : Ko leinei le folafola a le Eteleno, ko le Atua o Iselaele : Tuku ke ano loku kakai, ke fai e ia se aso fakafiafia kiate au.

Esaia 30:21

E logo loa ou taliga i ou muli ki le leo leia e pati loa : Ko leinei le ala, kotou saele i ai ! Talie e kotou ano loa ki le fetuu atamai, pe kotou ano loa ki le fetuu sema.

Esaia 63:17

Kolea Eteleno, e ke tuku ai matou ke eva o mamao i ou ala, Ti e fakafefeka ai omatou loto ke aua na i kiate koe ? Toe liliu mai, o tupu ko lou alofa ki au tagata fakasausau, Ki faasiga o lou tofiga !

Esaia 63:19

E motou faipe se kakai leia e leaise koi ke taki talu mei fualoa, Ti e leaise koi fakaigoa matou ki lou suafa… Oi ! Ka na ke saei a atu lagi, ti ka na e ke ifo mai, E sosolo loa a mauga i ou mua,

Soele 2:17

I le vasa o le matapa ulu mo le aletale Ke fetagisi tagata faisakilifisio, Ti ko tagata fakasausau a le Eteleno, Ke lotou pati : Eteleno, fakamauli lou kakai ! Aua na ke tuku lou tofiga ki le luma, Ki nukinuki a atu puleaga ! Kolea e pati ai loa i lotolotoga o kakai : Kofea lolatou Atua ?

Soane 17:3

Ti ko leinei le mauli lee gato, ke lotou iloa a koe, leia ko le Atua maoki fai e tasi, ti mo leia na ke kakau ia mai, Sesu-Kilisito.

Loma 11:28

O uiga mo le Evaselio, kua lotou fili o tupu ko koutou ; kae o uiga mo le filifili, e alofaia latou o tupu ko olatou tamana.

Efeso 1:17

o tupu ke soli atu e le Atua o lotatou Aliki ko Sesu-Kilisito, le Tamana o le kololia, se laumalie o le poto mo le levelasio i lona iloa ;

Tetelonome 9:26

Na kau kole ki le Eteleno, o kau pati : Aliki Eteleno, ke aua na ke maumaui lou kakai, lou tofiga, leia na ke saofaki i lou mafimafi, leia na ke fakamavae mei Esipito ki lou lima makeke.

Tetelonome 9:29

Kae e maoki ko lou kakai latou, ko lou tofiga, leia na ke fakamavae ki lou makeke lasi mo lou lima falo.

Kolose 1:10

o tupu ke kotou saele o gali mo le Aliki, ti ke kotou malilie kiate ia i nea fuli, ti ke kotou maua ia ni fua o lasi i gaoi malilie kesekese, ti ke kotou tupu o lasi i le iloa o le Atua,

Lua tosi a Petelo 3:18

kae ke kotou tuputupua i le kalasia mo le iloa o lotatou Aliki mo Fakamauli ko Sesu-Kilisito. Kiate ia le kololia, i le temi nei o lee gato ! Amene !