Ekesote 33:1 - Tosi Tapu

¹ Na pati loa le Eteleno kia Moisese : Ano, mavae i leinei, a koe mo le kakai leia na ke fakamavae mei le fenua o Esipito ; pale ki le fenua leia na kau fakapapau ke soli kia Apalaamo, mo Isaake, mo Sakopo, o pati : E kau soli loa le fenua ki lou sakoga.

Ekesote 33:1 Iomraidhean Croise

Senesi 12:7

Na sa loa le Eteleno kia Apalamo, o pati : E kau soli loa le fenua leinei ki lou sakoga. Ti na fakatuu loa e Apalamo i le ganea lena se aletale ki le Eteleno, leia na sa kiate ia.

Senesi 15:18

I le aso lena, na fakapapau loa le Eteleno kia Apalamo, o pati : E kau soli le fenua leinei ki lou sakoga, mei le vaitafe o Esipito o kaku ki le vaitafe lasi, ko le Eufalate :

Senesi 26:1

Na to loa se oge i le fenua, na kese a ia mo le uluaki oge leia na to i le temi o Apalaamo. Ti na ano loa Isaake kia Apimeleke, ko le sau o le kau Filisitini, i Kela.

Senesi 26:3

Nofo mau i le fenua leinei : E kau nofo loa mo koe, ti e kau tapuaki loa kiate koe, talie e kau soli loa a fenua fuli anei kiate koe mo lou sakoga, ti e kau fakasoko loa le fakapapau leia na kau fai kia Apalaamo, lou tamana.

Senesi 28:10

Na ano loa Sakopo mei Pele-Sepa ki Salani.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Ekesote 17:3

Na veli ai le fia inu o le kakai, ti na lotou lalau loa kia Moisese, o pati : Kolea na ke fakamavae ai matou i Esipito, ke motou mamate ai i le fia inu, matou mo amatou fanau ti mo amatou kau manu ?

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:13

Manatui Apalaamo, mo Isaake, ti mo Iselaele, au tagata fakasausau ala na ke fakapapau totonu ki ai, o ke pati : E kau liuliuga loa lokoutou sakoga ofaipe fetuu o le lagi, e kau soli loa ki okoutou sakoga le fenua katoa leia na kau masau ki ai, ti e lotou maua loa a ia o lee gato.

Ekesote 32:34

Ano, taki le kakai ki le ganea leia na kau pati atu ki ai. Ko leinei, e saele loa loku aselo i ou mua, kae i le aso o laku lagavaka, e kau tautea loa latou i lalatou agasala.

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Numelo 11:12

Pe ko au leia na fakatupu ia le kakai fuli leinei ? Pe ko au leia na fanaui ia a ia, ke ke pati mai ai kiate au : luluku a ia i lou fatafata, ofaipe se fafine leia e puaki ia se toe, ti ke ave a ia ke kaku ki le fenua leia na ke fakapapau ki ona tamana ke soli kiate ia ?

Gaoi 7:36

Ko ia leia na fakamavae ia loa latou mei Esipito, ti na fai ia loa ni nea fakaofolele mo ni milakulo i le fenua o Esipito, mo le Tai Kula, ti mo le toafa, lolotoga o fetuu e kau fa.

Tetelonome 1:8

Kotou tio, kua kau tuku le fenua ki okoutou mua ; kotou ano, ti kotou too le fenua leia na fakapapau e le Eteleno ke soli ki okoutou tamana, ko Apalaamo, mo Isaake, mo Sakopo, mo lolatou sakoga i muli o latou.