Ekesote 32:5 - Tosi Tapu

⁵ I le tio a Alone ki le nea lena, na fakatuu loa e ia se aletale i ona mua, ti na kalaga loa a ia : I apogipogi, e fai loa se aso lasi fakafiafia ki le Eteleno !

Ekesote 32:5 Iomraidhean Croise

Uluaki tosi o Sau 21:9

Ko leinei le nea leia na tosi e ia i tosi ana : Ke kotou logologo se sesunio ; ti kotou tuku Napote ki le ulu o le kakai,

Lua tosi o Sau 10:20

Na pati loa a Seu : Kotou logologo se aso lasi kia Paale. Na lotou fakatuutuu loa se aso lasi.

Lua tosi o Sau 16:11

Ti na fakatuu loa e le tagata faisakilifisio ko Uli se aletale o tatau oki mo le paaki leia na fakamomoli ake e le sau ko Akase mei Tamaso, ti na fai loa a ia e le tagata faisakilifisio ko Uli i mua o le toe liliu ake a le sau ko Akase mei Tamaso.

Lua tosi o Koloniko 30:5

ti na lotou fakatotonu loa ke fakasa le nea lena i Iselaele katoa, mei Pele-Sepa o kaku ki Tane, ke au ki Selusalemi o fai le Pasikate ki le Eteleno, le Atua o Iselaele. Talie na leaise koi fai le aso lena talu mei fualoa ofaipe lona tuu i le tosi.

Ekesote 10:9

Na tali loa Moisese : E motou ano loa mo amatou fanau mo lomatou kau matua, mo omatou vosa, mo omatou taine, mo amatou ovi, ti mo amatou pipi ; talie e tonu ke motou fai se aso fakafiafia ki le Eteleno.

Ekesote 12:14

E kotou taupau loa le fakamanatu o le aso lena, ti e kotou tausi loa a ia ko se aso lasi ki le Eteleno ; e kotou tausi loa a ia ofaipe se lao ke tuku sosolo i okoutou sakoga.

Ekesote 17:15

Ti na fakatuu loa e Moisese se aletale, o soli loa ki ai le igoa : ko Seova-Nisi (ko le Eteleno ko loku manumanu).

Ekesote 32:4

Na too loa e Alone a nea ana mei olatou lima, o laku latou ki se kulo, ti na fai loa e ia se fakatata ko se uviki pipi ki le aulo leia na saka. Ti na pati loa le kakai : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 32:6

I leia ake aso, na lotou alaala loa i le usu ti na lotou momoli loa ni failaulau mo ni sakilifisio fakafetai. Ti na tonatona loa le kakai ki lalo o kai mo inu ; ti na lotou tutuu ake loa ki aluga o fakafiafia.

Oseo 8:11

Na liuliuga e Efalaimi a aletale ke agasala ai, Ti na fakavilo a ia e aletale ana ki le agasala.

Oseo 8:14

Talie kua galoi e Iselaele leia na fakatupu ia a ia, Ti na fakatuu e ia ni fale sau, Ti na liuliuga e Suta a kolo tau ; Kae e kau kakau loa le afi ki olatou kolo, Ti e tutu loa e ia olatou fale sau.

Levitiko 23:2

Masau ki fanau a Iselaele, o pati kia latou : Ko aso lalasi o le Eteleno, ala e tonu ke kotou fakasa loa, ko ni fakatasi tapu. Ko nei loa oku aso lalasi :

Levitiko 23:21

I le aso fai lena, e kotou fakasa loa le aso lasi, ti e kotou fai loa se fakatasi tapu : aua na kotou fai loa se gaoi masani. Ko se lao tuku sosolo a ia ki okoutou tautupu, i ganea fuli ala e kotou nonofo ai loa.

Levitiko 23:37

Ko aso lalasi ana o le Eteleno, ko fakatasi tapu, ala e kotou fakasa loa, o tupu ke momoli ki le Eteleno ni sakilifisio tutu e le afi, mo ni moliga nea kai, mo ni sakilifisio fakafetai, mo ni moliga vino, o mulimuli ki le lao o le sakilifisio o le aso lasi.

Levitiko 23:4

Ko nei a aso lalasi o le Eteleno, ko fakatasi tapu, ala e kotou fakasa loa i lolatou temi.

Uluaki tosi ki le kau Kolinto 5:8

Koia ke tou fai le aso, kae leai ki se fakatupu matua, pe ki se fakatupu o le veli mo le agaveli, kae ki ni pane sala fakatupu o le agatonu mo le maoki.

Uluaki tosi a Samuele 14:35

Na fakatuu loa e Saulo se aletale ki le Eteleno : Ko le uluaki aletale lena na fakatuu e ia ki le Eteleno.