Ekesote 32:4 - Tosi Tapu

⁴ Na too loa e Alone a nea ana mei olatou lima, o laku latou ki se kulo, ti na fai loa e ia se fakatata ko se uviki pipi ki le aulo leia na saka. Ti na pati loa le kakai : Iselaele ! ko leinei lou atua, leia na fakamavae ia a koe mei le fenua o Esipito.

Ekesote 32:4 Iomraidhean Croise

Uluaki tosi o Sau 12:28

I le oki o lana afa tokoi, na fai loa e le sau ni pipi aulo e lua, ti na pati loa a ia ki le kakai : Kua fualoa ai lakoutou tau pale ki Selusalemi ; Iselaele ! ko leinei lou atua, leia na fakamavae ia a koe mei le fenua ko Esipito.

Uluaki tosi o Sau 12:32

Na fakatuu loa e ia se aso lasi i le valu o masina, i le aso kau agafulu tupu lima, ofaipe le aso lasi leia e fakamanatu i Suta, ti na momoli loa e ia ni sakilifisio i le aletale. Ko leinei le nea leia na fai e ia i Petele, o tupu ke momoli ni sakilifisio ki pipi ala na fakatuu e ia. Na fakanofo loa e ia i Petele le kau pelepitelo o potu taualuga ala na fakatuu e ia.

Lua tosi o Sau 10:20

Na pati loa a Seu : Kotou logologo se aso lasi kia Paale. Na lotou fakatuutuu loa se aso lasi.

Lua tosi o Sau 10:29

kae na leaise tiaki loa e ia a agasala a Selopoamo, vosa o Nepate, leia na fakaagasalai ia Iselaele, o leaise tiaki loa e ia a pipi aulo ala na tuu i Petele mo Tane.

Lua tosi o Koloniko 11:15

Na fakanofo loa e Selopoamo ni tagata faisakilifisio ki ganea taualuga, ki koti tagata mo pipi muli ala na lotou fai.

Lua tosi o Koloniko 13:8

Ti ko leinei kua kotou masalo e kotou malo loa i le puleaga o le Eteleno, leia e tuku i lima o vosa o Tavite ; ti ko se kakai api koutou, ti e kotou maua a uviki pipi aulo ala na fai e Selopoamo ke kotou atua ki ai.

Neemia 9:18

i le temi leia na lotou fau ai se uviki pipi aulo, o pati : Ko leinei lou Atua, leia na fakamavae ia a koe mei Esipito, ti na lotou lauveli lasi loa kiate koe.

Ekesote 20:2

Ko au ko le Eteleno, ko lou Atua, leia na fakamavae ia a koe mei le fenua o Esipito, mei le fale o le popula.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 20:4

Aua na ke fai loa kiate koe se fakatata fatu, pe ko se paaki o se nea leia e maua i aluga i le lagi, pe ko se nea leia e maua i lalo i le kele, pe ko se nea leia e maua i le tai leia e taulalo ake i le kele.

Ekesote 28:11

E ke togi loa i fatu e lua a igoa o vosa o Iselaele, ofaipe le togi o fatu mo mama ; ti ke fakamaumau loa laua ki le aulo.

Ekesote 28:9

E ke too loa ni fatu e lua ko le onise, ti e ke togi loa i ai a igoa o vosa o Iselaele :

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:24

Na kau pati loa kia latou : Ko latou ala e maua ia se aulo, ke lotou too a ia o aumai kiate au ! Ti na lotou aumai loa a ia kiate au ; ti na kau ti loa le aulo ki le afi, ti na maua loa mei ai le uviki pipi leinei.

Ekesote 32:3

Ti na lotou too fuli loa a sa sau aulo ala na piki i olatou taliga, o ave kia Alone.

Ekesote 32:35

Na tautea loa e le Eteleno le kakai, talie na fai e ia le uviki pipi aulo, leia na fau e Alone.

Ekesote 32:5

I le tio a Alone ki le nea lena, na fakatuu loa e ia se aletale i ona mua, ti na kalaga loa a ia : I apogipogi, e fai loa se aso lasi fakafiafia ki le Eteleno !

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Ekesote 32:8

Kua lotou maliu fakatavili mei le ala leia na kau fakasa kia latou ; ti kua lotou fai se uviki pipi ki le aulo saka, ti kua lotou punou i ona mua, o momoli ki ai ni sakilifisio, ti kua lotou pati : Iselaele ! ko leinei lou atua, leia na fakamavae ia a koe mei le fenua o Esipito.

Esaia 30:22

E ke tio loa ki le kelekele o le siliva leia e kofu ai okoutou fakatata Ti mo le aulo leia e teuteu ai latou. E ke tiaki loa a momo o fakatata ofaipe ni penu, Ti e ke pati loa : Penu, mavae i leinei !

Esaia 46:6

Ko leinei e lotou liligi le aulo mei lalatou taga paaga, Ti e lotou fua le mamafa o le paaga i le fua. E lotou totogi se tagata tufuga ukamea ke fai ia ki le aulo mo le paaga se atua, Ti e lotou punou i ona mua, o atolasio ki ai.

Esekiele 23:8

Na leaise tiaki e ia ana faiaga i Esipito : Talie na lotou momoe mo ia i lona ikiiki, Na lotou amosi ona manava fakataupoou, Na lotou liligi kiate ia alatou faiaga.

Oseo 10:5

E mamae loa le kakai o Samalia o tupu ko uviki pipi o Pete-Aveni ; E tagi loa le kakai ki le taulaatua, Ti e lulu loa ona kau pelepitelo kiate ia, Ki lona kololia, leia ka puli loa ia latou.

Oseo 13:2

I le aso nei e soko atu lalatou agasala, E lotou fai ki lalatou paaga ni fakatata ukamea saka, Mo ni taulaatua o mulimuli ki alatou fakakaukau ; Ko nea fuli ko le gaoiaga a ni kau tufuga. E lotou pati o uiga mo latou : E tonu ke momoli kia latou ni sakilifisio, ti ke sogi ki uviki pipi tagata !

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Gaoi 7:41

Ti i aso ana, na lotou fau loa se uviki pipi, ti na lotou momoli loa se sakilifisio ki le taulaatua, ti na lotou fiafia loa i gaoi o olatou lima.

Uluaki tosi ki le kau Kolinto 10:7

Aua na kotou tausi taulaatua, ofaipe ni iki o latou, o mulimuli ki le nea leia e tuu i le tosi : Na tonatona loa le kakai o kai mo inu, ti na lotou tutuu ake loa o fakafiafia.

Tetelonome 9:16

Na kau tio loa, ti ko leinei, kua kotou agasala ki le Eteleno, lokoutou Atua : kua kotou fai se uviki pipi ki se ukamea saka ; kua kotou mavae fakatavili mei le ala leia na fakasa e le Eteleno kia koutou.

Tuifakamaau 8:24

Na toe pati loa Seteone kia latou : E i ai laku kole e kau fia fai loa kia koutou : ke soli mai loa kiate au e le tagata taki toka tasi o koutou se mama aulo i lona vaega. Talie na teuteu le fili ki ni mama aulo ofaipe latou fuli ala e mauli i le toafa.

Tuifakamaau 8:27

Na fai loa e Seteone ki le aulo lena se fakatata o fakatuu i lona kolo ko Ofala : Na ano loa fanau a Iselaele o faiaga ki le taula atua lena ; ti na liliu loa le nea lena ko se masele kia Seteone mo lona famili.