Ekesote 32:26 - Tosi Tapu

²⁶ Na ano loa Moisese o tuu i le matapa o le nofolaga, o pati : Kiate au latou ala e kau ki le Eteleno ! Ti ko fanau fuli o Levi na fakatasi ake loa kiate ia.

Ekesote 32:26 Iomraidhean Croise

Lua tosi a Samuele 20:11

Na nofo loa se tagata i le solia a Soape i tafa o Amasa, ti na pati a ia : Ko ai e kau kia Soape ti ko ai e kau kia Tavite ? Ke muli a ia ia Soape !

Lua tosi o Sau 9:32

Na tagaki ake loa a Seu ki le katupa, o pati : Ko ai e kau mo au ? Ko ai ? Ti na faino loa ni enuke e toka lua pe toka tolu mei le katupa.

Pesalemo 94:16

Ko ai e tuu ake loa kiate au o taofi le kau agasala ? Ko ai e tokoi mai loa kiate au o taofi latou ala e fai ia le veli ?

Ekesote 32:25

Na tio loa Moisese kua telefua le kakai, ti na tuku latou e Alone i le telefua lena, ke katai latou e ona fili.

Ekesote 32:27

Ti na pati loa a ia kia latou : Ko leinei le folafola a le Eteleno, le Atua o Iselaele : Kotou tasi too lana seleta i lona fetuu ; kotou foli katoa le nofolaga mei leia matapa ki leia matapa, ti kotou tasi tamate lona taina, lona kaiga.

Mateo 12:30

Ko leia e leaise kau mo au e fakafesagai kiate au, ti ko leia e leaise tanaki mo au e veuki.

Tetelonome 33:9

Na pati a Levi ki lona tamana mo lona tinana : Na leaise kau tio kia laua ! E leaise fakamailoga kese e ia ona fetaina totonu, E leaise iloa e ia ana fanau totonu. Talie e lotou fai au folafola, Ti e lotou taupau lau sai.

Sosue 5:13

I le tuu a Sosue o feofi ki Seliko, na siki ake loa ona mata ki aluga ti na tio a ia ki se tagata leia na tuu i ona mua mo lana seleta kua kukumi i lona lima. Na fakafeofi ake loa Sosue kiate ia, o pati : Pe ke kau mo matou pe ke kau mo omatou fili ?