Ekesote 32:22 - Tosi Tapu

²² Na tali loa Alone : Ke aua na ita loku aliki ! E ke iloa malie e koe totonu, e siga vave le kakai leinei ki le veli.

Ekesote 32:22 Iomraidhean Croise

Senesi 44:18

Ti na fakafeofi ake loa Suta kia Sosefo, o pati : Alofa mai ei loku aliki, o fakataga ki lau tagata fakasausau ke masau ki loku aliki, ti ke aua na vilo lona ita ki lana tagata fakasausau, talie e ke tatau mo Falaone !

Pesalemo 36:4

Ko masau o lona gutu ko le loi mo le kaka ; E fakafiti a ia ki le poto mo le malie.

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 15:24

Na gugu loa le kakai kia Moisese, o pati : Kolea ka motou inu loa ?

Ekesote 16:20

Na leaise lotou fakalogo loa kia Moisese, ti na i ai loa ni kakai ala na tuku ia loa se nea o kaku ki le usu ; kae na ulu loa ki ai ni ilo, ti na pala loa le nea lena. Na ita loa Moisese ki kakai ana.

Ekesote 16:28

Ti na pati loa le Eteleno kia Moisese : E tuku loa afea lakoutou patigataa ki aku fakatotonu mo aku lao ?

Ekesote 32:1

I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:21

Na pati loa Moisese kia Alone : Kolea na fai e le kakai leinei kiate koe, ke ke tuku ai ke lotou fai se agasala lasi feneeki ?

Taagapati 4:16

Talie e leaise lotou momoe, kae e leikiaise lotou fai le veli ; ti e puli le fia moe ia latou mo ka e leikiaise lotou fakavilo se tasi.

Tetelonome 31:27

Talie e kau iloa lou loto fefeka, mo le fefeka o lou ua. Kapau na kotou fakafesagai ki le Eteleno i le temi leia na kau mauli ai mo koutou, e feaki ake loa i le oki o loku mate !

Tetelonome 9:24

E talu laku iloa koutou, mo lakotou fakatutuu tuumau ki le Eteleno.

Tetelonome 9:7

Ke ke manatui, ti ke aua na galo iate koe le aso leia na ke fakatupu ai le sausau o le Eteleno, lou Atua, i le toafa. Na ke fakafesagai ki le Eteleno mei le aso leia na ke mavae ai i le fenua o Esipito o kaku ki le aso leia na ke kaku mai ai ki le ganea leinei.

Uluaki tosi a Samuele 15:15

Na tali loa Saulo : Na lotou aumai latou mei le kau Amaleke, talie na fakamauli loa e le kakai a ovi malilie mo pipi malilie, ke momoli latou ki le Eteleno, lou Atua ; kae kua motou maumaui le toega.

Uluaki tosi a Samuele 15:21

kae na too loa e le kakai i le koloa o le tau ni ovi mo ni pipi, ofaipe ni uluaki fua o nea ala na tonu ke maumaui, o tupu ke momoli latou ko ni sakilifisio ki le Eteleno, lou Atua, i Kilikale.

Uluaki tosi a Samuele 15:24

Ti na pati loa Saulo kia Samuele : Kua kau agasala, talie kua kau maumaui le fakatotonu a le Eteleno, ti na leaise kau fakalogo ki au masau ; na kau i ki le kakai, ti na kau fakalogo ki lona leo.