Ekesote 32:14 - Tosi Tapu

¹⁴ Ti na fakasemala loa le Eteleno ki le veli leia na fakasa e ia, leia na loto a ia ke fai ki lona kakai.

Ekesote 32:14 Iomraidhean Croise

Senesi 6:6

Ti na fakasemala loa le Eteleno i lana fakatupu le tagata i le malama nei, ti na mamae ai lona loto.

Lua tosi a Samuele 24:16

I le mafao o le lima o le aselo ke maumaui a Selusalemi, na fakasemala loa le Eteleno ki le veli lena, ti na pati loa a ia ki le aselo leia na tamate ia le kakai : Kua feauga, taofi lou lima i le lakaga nei. Na ofi le aselo o le Eteleno ki le sasaaga fulumeto a Alavana, tagata Sepusi.

Uluaki tosi o Koloniko 21:15

Na kakau loa e le Atua se aselo ki Selusalemi ke maumaui a ia ; kae i lana lolotoga maumaui a ia, na tio loa le Eteleno ti na fakasemala loa a ia ki le veli lena, ti na pati loa a ia ki le aselo leia na fai ia le maumau : Kua feauga ! Taofi lou lima. Na tuu le aselo a le Eteleno o ofi ki le faisaga a Alavana, le tagata Sepusi.

Pesalemo 106:23

Ti na masau loa a ia ke tamate latou ; Kae na tuu loa i ona mua Moisese, lana filifiliia, Ke fakamaliu lona sausau ti ke taofi a ia ke maumaui le kakai.

Pesalemo 106:45

Na manatui loa e ia lana sai leia na fai mo latou ; Ti na aloalofa loa a ia kia latou i lona agamalie lasi,

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Selemia 18:8

Kae kapau e tafoki mai mei lana agaveli le puleaga lena na kau masau ki ai, E kau fakasemala loa ki le veli leia na kau manatu ke fai kiate ia.

Selemia 26:13

I le lakaga nei, kotou fetogi okoutou ala mo akoutou gaoi, kotou fakalogo ki le leo o le Eteleno, lokoutou Atua, ti e fakasemala loa le Eteleno ki le veli leia kua fakatotonu e ia ke fai kia koutou.

Selemia 26:19

Pe na tamate loa a ia e Esekiasi, sau o Suta, mo Suta katoa ? Pe na leaise i loa Esekiasi ki le Eteleno ? Pe na leaise tagi loa a ia ki le Eteleno ? Koia na fakasemala loa le Eteleno ki le veli leia na puaki e ia kia latou. Ti ko tatou, pe tou amo loa se tukipo lasi feneeki ?

Soele 2:13

Kotou sae okoutou loto kae aua okoutou kofu, Ti kotou toe liliu mai ki le Eteleno, lokoutou Atua ; Talie e agamalie a ia mo manava alofa, E kataki fualoa a ia mo apele i le agamalie, Ti e fakasemala a ia ki tautea ala e tuku e ia.

Amosi 7:3

Ti na fakasemala loa le Eteleno ki le nea lena. Ti na pati le Eteleno : E leaise soko loa le nea lena.

Amosi 7:6

Ti na fakasemala loa le Eteleno ki le nea lena. Ti na pati loa le Aliki, le Eteleno : E leaise soko loa le nea lena ?

Sonasi 3:10

Ti na tio loa le Atua kua lotou fai felaaki, ti kua lotou tafoki mei olatou ala veveli. Ti na fakasemala loa le Atua ki le veli leia na fakatotonu e ia ke fai kia latou, ti na leaise fakasoko loa e ia a ia.

Sonasi 4:2

Na faikole loa a ia ki le Eteleno, o pati : Ei Eteleno, pe leaise ko le nea leinei na kau pati atu ki ai koi kau nofo i loku fenua ? Ko le nea lena na tupu ai laku sola ki Talesisi. Talie na kau iloa ko se Atua a koe e agamalie mo manavaalofa, ti e ke kataki fualoa mo apele i le agamalie, ti e ke fakasemala ki le veli.

Numelo 14:20

Ti na masau loa le Eteleno kia Moisese mo Alone, o pati : E kau fakamolemole, ofaipe lau kole.

Tetelonome 10:10

Na kau nofo i le mauga ofaipe mua, i aso e kau fa mo po e kau fa. I le faiaga foki lena, na logo le Eteleno ki laku kole ti na fakafiti loa a ia ke maumaui koutou.

Tetelonome 32:26

Na kau manatu loa ke maumaui latou, Ti ke soloi oki olatou igoa i aluga o le kele.

Tetelonome 32:36

E fakamaaui loa e le Eteleno lona kakai ; Kae e alofa loa a ia ki ana tagata fakasausau, Mo ka tio a ia kua oki lolatou makeke, Ti e leaise maua se tasi ke tokoi kiate ia, Ti e leaise maua se tasi ke toe fanaki a ia ki ai !

Tuifakamaau 2:18

I le temi leia na tuku ai loa e le Eteleno kia latou ni tui fakamaau, na nofo loa le Eteleno mo le tui fakamaau o saofaki latou mei le lima o olatou fili i le temi katoa o le tui fakamaau ; talie na alofa loa le Eteleno kia latou o tupu ko alatou tagi i mua o latou ala na fakavelivelii ia latou ti mo fakamamae ia latou.

Uluaki tosi a Samuele 15:11

Kua kau fakasemala i laku fakanofo Saulo ke sau, talie kua maliu kese a ia iate au ti e leaise tausi e ia aku folafola. Na mamae ai a Samuele, ti na tagi loa a ia ki le Eteleno i le po katoa.