Ekesote 32:1 - Tosi Tapu

¹ I le tio a le kakai kua tuvai le ifo mai a Moisese mei le mauga, na lotou fakatasi loa kia Alone, o pati kiate ia : Tuu ki aluga o fai se atua ke saele i omatou mua, talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:1 Iomraidhean Croise

Senesi 19:14

Na ulu loa a Lote o masau ki ona fugao ala na avaga mo ona taine. Na pati loa a ia kia latou : Ke kotou tutuu ki aluga, ti ke kotou mavae i le ganea leinei, talie ka maumaui loa le kolo e le Eteleno. Kae na fai a ia kia latou pe se tasi leia e masau fakasuasua.

Senesi 21:26

Na tali loa Apimeleke : E leaise kau iloa ia le nea lena ; na leaise ke fakasa mai a ia kiate au, ti ko au, koi kau iloa le nea lena i le aso nei.

Senesi 39:8

Kae na fakafiti loa a ia, o pati ki le avaga o lona pule : Ko leinei, e leaise afa mai fua e loku pule kiate au se nea i lona fale, talie kua tuku mai e ia ana nea fuli ki oku lima.

Senesi 44:15

Ti na pati loa Sosefo kia latou : Kolea le nea leia kua kotou fai ? E leaise kotou iloa ko le tagata fai kikite au ?

Senesi 44:4

Na lotou mavae loa i le kolo, ti na leikiaise lotou mamao loa ai. Ti na pati loa Sosefo ki le pule o lona fale : Tuu, o tuli a tagata ana, ti ka ke maua loa latou, ke ke pati loa kia latou : Kolea e kotou totogi ai le malie ki le veli ?

Pesalemo 106:19

Na lotou fai loa se uviki pipi i Olepe, Na lotou punou loa i mua o se fakatata ukamea na saka.

Ekesote 13:21

Na ano loa le Eteleno i olatou mua i le ao i se fa pou afu, o taki latou i le ala ; ti e i le pouli i o se fa pou afi, o fakamalama latou, o tupu ke lotou saele i le ao mo le pouli.

Ekesote 14:11

Ti na lotou pati loa kia Moisese : Pe na leaise maua ni tanuma i Esipito, pe na aoga ke aumai matou ke mamate i le toafa ? Kolea na ke fakamavae ai matou i Esipito ?

Ekesote 16:3

Na pati loa fanau a Iselaele kia laua : Kolea na leaise tamate ai matou e le lima o le Eteleno i le fenua o Esipito, i le temi leia na motou tonatona ai i tafa o kulo inati, i le temi leia na motou kai ai se pane o makona ? Kae na kolua taki mai matou ki le toafa leinei ke motou mamate fuli ai i le pakupaku.

Ekesote 20:23

Aua na kotou fai loa ni taulaatua siliva, pe ko ni taulaatua aulo ke kotou fakatatau mo au, o kotou tausi loa kia latou ; aua na kotou fai loa ni taulaatua.

Ekesote 24:12

Na pati loa le Eteleno kia Moisese : Pale mai kiate au i le mauga, ti ke nofo i ai ; e kau soli atu loa kiate koe ni laui fatu, le lao mo fakatotonu ala na kau tosi ke akoi ai latou.

Ekesote 24:18

Na ulu loa Moisese ki loto malie o le ao, o pale ki le mauga. Ti na nofo loa Moisese i le mauga i aso e kau fa mo po e kau fa.

Ekesote 32:11

Na tagi loa Moisese ki le Eteleno, lona Atua, o pati : Eteleno ! kolea e vilo ai loa lou sausau ki lou kakai, leia na ke fakamavae mei le fenua o Esipito ki lou makeke lasi mo lou lima makeke ?

Ekesote 32:22

Na tali loa Alone : Ke aua na ita loku aliki ! E ke iloa malie e koe totonu, e siga vave le kakai leinei ki le veli.

Ekesote 32:23

Na lotou pati mai kiate au : Fai mai kia matou se atua leia e saele i omatou mua ; talie ko Moisese, le tagata leia na fakamavae ia matou mei le fenua o Esipito, e leaise motou iloa lona anoaga.

Ekesote 32:7

Na pati loa le Eteleno kia Moisese : Ano, o ifo vave ki lalo, talie ko lou kakai leia na ke fakamavae mei le fenua o Esipito, kua fai ia ni nea fakalialia.

Ekesote 33:3

Pale ki le fenua lena leia e tafe ai le sua manu mo le meli. Kae e leaise kau pale loa i loto malie o ou, talie ke aua na kau fakapuli ia loa a koe i le ala, talie ko se kakai ua fefeka a koe.

Esekiele 20:8

Ti na lotou agatuu kiate au, ti na leaise lotou fia fakalogo kiate au. Na leaise tiaki e se tasi fua a nea fakalialia ala na pipiki ki ai ona mata, ti na leaise lotou tiaki fua a taulaatua o Esipito. Na kau maua loa le manatu ke liligi loku sausau kia latou, ke fakavilo kia latou loku sausau katoa, i loto malie o le fenua ko Esipito.

Oseo 12:13

Na sola loa Sakopo ki le fenua o Alame, Na fakasausau loa Iselaele ke mau sona avaga, Ti na taupau loa e ia a kau manu ke maua sona avaga.

Mikea 6:4

Talie na kau fakamavae a koe i le fenua o Esipito, Na kau saofaki a koe i le fale o le popula, Ti na kau kakau i ou mua Moisese, mo Alone mo Malia.

Numelo 14:22

Ko latou fuli ala na tio ki loku kololia mo fakamailoga ala na kau fai i Esipito mo le toafa, ala kua asiasii ia au o tua kau agafulu o kaku mai ki le aso nei, talie na leaise lotou fakalogo ki loku leo,

Mateo 24:43

Ke kotou iloa le nea lena, kapau na iloa e le pule o le kaiga le ola o le pouli leia e tonu ke au ai le tagata kaia, e alaala loa a ia ti e leaise tuku loa e ia ke ului lona fale.

Mateo 24:48

Kae kapau ko se tagata fakasausau agaveli a ia, leia e pati i lona loto : E tuvai mai loku pule,

Gaoi 17:29

Ti kapau ko tatou ko le lanu o le Atua, e leaise tonu ke tou manatu e tatau le natula fakaatua mo le aulo, mo le paaga, pe ko le fatu, ala na ta e le poto mo le fakakaukau a le tagata.

Gaoi 19:26

kae kua kotou tio ti kua kotou logo, i Efeso mo Asia katoa, kua fakalotoi mo toso e le Paulo lena se kakai toka api ai, o pati ko atua ala na fau e le lima o le tagata, e leaise ko ni atua latou.

Gaoi 7:40

ti na lotou pati loa kia Alone : Fau kia tatou ni taulaatua ke saele i mua o tatou ; talie ko le Moisese leinei na fakamavae ia tatou mei Esipito, e leaise tou iloa pe kolea le nea kua soko kiate ia.

Tetelonome 31:8

E saele loa le Eteleno i ou mua, e leaise mavae loa a ia meiate koe, e leaise tiaki loa e ia a koe : Ke aua na ke i ti ke aua na ke loto gaegae !

Tetelonome 9:1

Ke ke fakalogo, Iselaele ! E ke fakalaka loa i le aso nei i le Solotane, o ano loa o maua ni puleaga ala e lalasi ake mo makeke ake iate koe, mo ni kolo lalasi ala kua fakamakeke o kaku ki le lagi,

Tetelonome 9:9

I le aso lena na kau pale ai loa ki le mauga, o tali a laui fatu o le sai leia na fai e le Eteleno mo koutou. Na kau nofo loa i le mauga i aso e kau fa mo po e kau fa, ti na leaise kau kai fua se pane ti mo inu fua se vai ;

Sosue 7:13

Ke ke tuu ki aluga, ti ke ke fakamea le kakai. Ke ke pati loa : Ke kotou fakamea ki le aso apogipogi, talie ko leinei le folafola a le Eteleno, le Atua o Iselaele : E tuku ni nea kua fakatapui i loto malie o ou, Iselaele ! E leaise feala loa ke ke tuu i mua o ou fili mo kapau e leaise ke too a nea ana meiate koe.

Lua tosi a Petelo 3:4

E lotou pati loa : Kofea le fakapapau o lana toe liliu mai ? Ko leinei kua mamate foki otatou tamana, kae e tuu aifai a nea fuli ofaipe i le kamataaga o le fakatupu o le malama nei.