Ekesote 31:3 - Tosi Tapu

³ Kua kau fakaapele a ia ki le Laumalie o le Atua, mo le poto, mo le atamai, ti mo le malama i gaoi fakatufuga kesekese fuli.

Ekesote 31:3 Iomraidhean Croise

Uluaki tosi o Sau 3:9

Koia ke ke soli ki lau tagata fakasausau se loto poto ke fakamaaui ai lou kakai, ke tio ai ki le nea leia e malie mo le nea leia e veli ! Talie ko ai e mafai ia loa ke fakamaaui ia lou kakai, le kakai api leinei ?

Uluaki tosi o Sau 7:13

Na aumai loa e le sau ko Salomone mei Tile a Ilame,

Uluaki tosi o Sau 7:14

vosa o se fafine lokonui mei le faasiga o Nefetali, ti mo se tagata Tile, leia na gaoi ki le sila. Na apele Ilame i le poto, mo le atamai, ti mo le iloa ke fai ia gaoi kesekese ki le sila. Na kaku mai loa a ia ki le sau ko Salomone, ti na fai loa e ia gaoi fuli ana.

Lua tosi o Koloniko 2:7

Koia ke ke kakau mai ai kiate au se tagata leia e poto i gaoiaga fuli o le aulo, mo le siliva, mo le sila, mo le ukamea, mo kie kula malama, mo kie kula fakapouli, mo kie usi, ti e toe poto foki i le togi o nea fakateuteu, o tupu ke gaoi fakatasi a ia mo kau tagata popoto ala e nonofo mo au i leinei, i Suta mo Selusalemi, latou ala na filifili e Tavite, loku tamana.

Ekesote 28:3

E ke masau loa kia latou fuli ala e poto, latou ala kua kau soli ki ai se laumalie leia kua apele i le poto ; ti e lotou fai loa a kofu o Alone ki lona fakanofo mo le fai o lana gaoi fakapelepitelo.

Ekesote 31:4

Kua kau fakaliliu a ia ke poto i le fakatupu o ni nea foou, ti mo le gaoi o le aulo, mo le siliva, ti mo le sila,

Ekesote 35:31

Ti kua fakaapele e ia Petesaleele ki le Laumalie o le Atua, mo le poto, mo le atamai, ti mo le poto i le fai o faasiga gaoi fuli.

Ekesote 35:35

Kua fakaapele e ia laua ki le atamai, ke la fai gaoi tuki mo gaoi fakatufuga fuli, ti ke la tui a nea fakateuteu mo nea lalaga ki kie usi, mo kula malie, mo kula fakapouli, mo tea, ti ke la fai a gaoi fuli mo nea foou fuli.

Taagapati 2:6

Talie e soli e le Eteleno le poto ; E au mei lona gutu le iloa mo le atamai ;

Esaia 28:26

Talie na ako e lona Atua kiate ia le saele leia e tonu ke mulimuli ai, Ti na tuku e ia kiate ia ana akonaki.

Esaia 28:6

Ko se laumalie o le faitotonu ki leia e ekeeke i le ekeekeaga o le faitotonu, Ti ko se makeke kia latou ala e kapu ia le fili i mua o matapa o le kolo.