Ekesote 30:17 - Tosi Tapu

¹⁷ Na masau loa le Eteleno kia Moisese, o pati :

Ekesote 30:17 Iomraidhean Croise

Uluaki tosi o Sau 7:23

Na fai loa e Ilame le tai ki le sila na saka ; na meta lima lona lau lasi, ti na meta lua vaelua lona taualuga, ti na meta kau agafulu tupu lima lona fuamoumou.

Uluaki tosi o Sau 7:38

Na toe fai loa e Ilame ni tanakiaga vai e kau agafulu ki le sila. Na liti afe kau lelau ono le tanakiaga vai e tasi, ti na meta lua lona taualuga, ti na teki a ia i le saliote e tasi.

Lua tosi o Koloniko 4:6

Na fai loa e ia ni pesini e kau agafulu, ti na tuku loa e ia a pesini e lima i le fetuu atamai, ti mo pesini e lima i le fetuu sema, o tupu ke fai ki ai a fakamea : na fufulu i ai a manu o failaulau. Na fakaaoga loa le vai o le tai ki le fakamea o le kau tagata faisakilifisio.

Ekesote 30:16

E ke tali loa mei fanau a Iselaele le paaga o lolatou totogi, ti e ke fakaaoga loa a ia ki le gaoi o le falela tapu ; ko se tausi alofa loa lena ki fanau a Iselaele, i mua o le Eteleno, ki le totogi o olatou laumalie.

Ekesote 30:18

E ke fai loa se tanoa sila, mo sona tuuaga sila, ki le fanofano. E ke fakatuu loa le tanoa i le vasa o le falela mo le aletale, ti e ke fakaapele loa a ia ki se vai,

Ekesote 38:1

Na fai loa e ia le aletale o failaulau ki le akasia ; ko lona loa ko meta e lua vaelua, ti ko lona laulasi ko meta e lua vaelua ; na tapa fa tatau, ti ko lona taualuga na meta tasi vaelua.

Ekesote 38:8

Na fai loa e ia le tanoa sila mo lona tuuaga sila, o fakaaoga ki ai a tiloata o fafine ala na fakatasi i le matapa o le falela tapu.