Ekesote 30:1 - Tosi Tapu

¹ E ke fai loa se aletale ke tutu ai a kaloni, e ke fai loa a ia ki le akasia.

Ekesote 30:1 Iomraidhean Croise

Uluaki tosi o Sau 6:20

Na meta kau agafulu le loa o le sagatualio, ti na meta kau agafulu lona lau lasi, ti meta kau agafulu lona taualuga. Na kofu loa e Salomone le kogafale lena ki le aulo mea. Na fakatuu loa e ia i mua o le sagatualio se aletale sete ti na kofu loa e ia a ia ki le aulo.

Uluaki tosi o Sau 6:22

Na kofu loa e ia a loto o le fale katoa ki le aulo, ti na kofu foki e ia ki le aulo le aletale leia na fakatuu i mua o le sagatualio.

Uluaki tosi o Sau 7:48

Na toe fai foki e Salomone a la ake gaoiaga fuli ki le fale o le Eteleno : le aletale aulo ; mo le laupapa aulo leia na teki ai a pane fakatapu ; na lotou aulo mea fuli.

Uluaki tosi o Koloniko 28:18

ti mo le paaki o le aletale aulo o kaloni, mo lona aulo ke fai ai. Na toe soli foki e ia kiate ia le paaki o vae o le tanoa, mo selupino aulo ala e folasi ola kapakau ke uufi ai le aleka o le sai a le Eteleno.

Uluaki tosi o Koloniko 6:49

Na momoli e Alone mo ona vosa ni failaulau ti mo le iseso i le aletale o kaloni, na lotou fai a gaoi fuli i le ganea taputapu, ti na lotou fai le fakamalie o tupu ko Iselaele katoa, o mulimuli ki nea fuli ala na fakatotonu e Moisese, tagata fakasausau a le Atua.

Lua tosi o Koloniko 26:16

Kae i le temi leia na kaku ai loa a ia o makeke, na malaga loa lona loto o tupu ai lona vilo. Na ulu loa a ia ki le fale o le Eteleno o tutu ni kaloni i le aletale o kaloni.

Ekesote 30:10

E tua tasi i le fetuu, e fai loa e Alone le fakamalie i tala o le aletale ki le toto o le failaulau fakamalie o le agasala ; e fai tua tasi loa e ia i le fetuu ni fakamalie ki le agasala i le aletale, i okoutou tautupu fuli. Ko se nea maokioki lasi a ia ki le Eteleno.

Ekesote 30:2

Ko lona loa ko le kau lima satimeta, ko lona laulasi ko le kau lima satimeta ; e tapa fa tatau loa a ia, ti e meta tasi loa lona taualuga. E ke fai loa ni tala ala e ulu mai mei le aletale.

Ekesote 31:8

mo le laupapa mo ona nea gaoi, mo le malama aulo mea mo ona nea gaoi fuli,

Ekesote 35:15

le aletale o kaloni mo ona amo, mo le lolo tapu ti mo le kaloni fakamanogi, mo le lito o le matapa ulu ki le tapenakulo ;

Ekesote 39:38

mo le aletale aulo, mo le lolo tapu, mo le kaloni fakamanogi, ti mo le lito o le uluaga o le falela ;

Ekesote 40:5

E ke fakatuu loa le aletale aulo o kaloni i mua o le aleka o le fakapapau, ti e ke fakapiki loa le lito ki le matapa o le tapenakulo.

Esekiele 41:22

Ti na fai le aletale lena ki le laakau, ti ko lona taualuga ko le meta e tasi vaelua, ti ko lona loa ko le meta e tasi. Ti na toe fai foki ki le laakau ona tifi, mo ona vae, mo ona fetuu. Ti na pati mai loa le tagata kiate au : Ko leinei le laupapa leia e tuu i mua o le Eteleno.

Levitiko 4:18

Ti e pooi loa e ia ki le toto a tala o le aletale leia e tuu i mua o le Eteleno i loto o le falela tapu ; ti e liligi loa e ia le toto fuli ki le vae o le aletale o failaulau, leia e tuu i le uluaga o le falela tapu.

Levitiko 4:7

E pani loa e le tagata faisakilifisio ki le toto a tala o le aletale o kaloni fakamanogi, leia e tuu i mua o le Eteleno i le falela tapu ; ti e liligi loa e ia le toto katoa o le pipi tagata ki le vae o le aletale o failaulau leia e tuu i le matapa o le falela tapu.

Numelo 3:31

Na tokaga loa le kau Keati ki le aleka tapu, mo le laupapa tapu, mo le tuuaga malaga, mo aletale, mo nea gaoi o le sagatualio, ti mo le lito tapono o le potu taputapu. Na lotou tokaga loa ki le tausi o nea fuli ana.

Numelo 4:11

E lotou folasi loa se tasi a kie usi ki aluga o le aletale aulo, ti e lotou kofu loa a ia ki se tasi a kie kilii kakaututuu ; ti e lotou fakapipiki loa ona laakau amo.

Epelo 9:4

Na tuu i ai le aletale aulo ki kaloni, ti mo le aleka o le sai leia na kofu katoa ki le aulo. Na tuku i loto o le aleka se ipu aulo leia na tuku ai le mane, mo le tokotoko o Alone, leia na se, ti mo laui fatu o le sai.

Apokalipisi 8:3

Ti na au loa se tasi ake aselo, o tuu i aluga o le aletale mo se tulipulo aulo ; ti na soli loa kiate ia ni kaloni mauke, o tupu ke momoli fakatasi e ia latou mo faikole a le kau sagato fuli, i aluga o le aletale aulo leia e tuu i mua o le ekeekeaga fakasau.