Ekesote 3:8 - Tosi Tapu

⁸ Kua kau ifo mai o fakamauli latou mei lima o le kau Esipito, mo fakamavae latou mei le fenua lena ki se fenua malie mo laulasi, ki se fenua leia e tafe ai le sua manu mo le meli, ki le fenua leia e nofo ai le kau Kanaane, mo le kau Eti, mo le kau Amole, mo le kau Felesi, ti mo le kau Sepusi.

Ekesote 3:8 Iomraidhean Croise

Senesi 11:5

Na ifo loa le Eteleno o tio ki le kolo mo le tule leia na fakatuu e vosa o tagata.

Senesi 11:7

Koia tou ifo o veuki ai lalatou masau, ke aua na lotou toe felogoi ia latou.

Senesi 15:13

Ti na pati loa le Eteleno kia Apalamo : Ke ke iloa papau e nofo matapule loa lou sakoga i se fenua kese. E lotou nofo popula loa i ai, ti e lotou fakavelivelii loa i ai i fetuu e kau lelau fa.

Senesi 15:14

Kae e kau fakamaaui loa le puleaga lena na lotou popula ki ai, ti e lotou mavae loa mei ai mo ni koloa lasi.

Senesi 18:21

Koia e kau ifo loa, o tio totonu pe maoki kua latou fai a nea fuli o mulimuli ki le tagi leia kua kaku mai kiate au ; ti kapau e leaise maoki, ti e kau iloa loa a ia.

Senesi 43:11

Na pati loa lolatou tamana ko Iselaele kia latou : Ko lena e maua ke felaaki, ke kotou fai loa le nea leinei : Kotou fafao loa ki akoutou taga ni fua malilie o le fenua, ke kotou fai ai se moliga ki le tagata lena : kotou too ni kaloni, mo se meli, mo ni nea fakamanogi, mo se mila, mo ni fuai pinati, ti mo ni fuai amatie.

Senesi 46:4

Ko au totonu, e kau ifo loa mo koe ki Esipito, ti ko au totonu, e kau toe aumai ia loa a koe ki leinei. I lou mate ko Sosefo leia e tapono ia loa ou mata.

Senesi 50:24

Na pati loa Sosefo ki ona fetaina : Kua tatae loku temi mate ; kae e fakatele maoki loa le Atua kia koutou, ti e fakamavae loa e ia koutou i le fenua leinei ki le fenua leia kua fakapapau e ia ke soli kia Apalaamo, mo Isaake, mo Sakopo.

Uluaki tosi o Koloniko 1:15

mo le kau Evi, mo le kau Aleki, mo le kau Sini,

Neemia 9:8

Na ke iloa loa lona loto na faitotonu i ou mua, na ke fai loa se sai mo ia, ti na ke fakapapau loa ke soli ki lona sakoga le fenua o le kau Kanaane, mo le kau Eti, mo le kau Amole, mo le kau Felesi, mo le kau Sepusi ti mo le kau Kilekasi, ti na ke taupau lau fakapapau, talie e ke faitotonu.

Pesalemo 12:5

Mo latou ala e pati : E motou makeke i omatou alelo, E motou popoto i le masau ; Ko ai e pule loa kia matou ?

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Pesalemo 34:8

E nofo le aselo o le Eteleno o takatakai latou ala e i kiate ia, Ti e taaki e ia latou i le tutamaki.

Pesalemo 91:15

E kalaga loa a ia kiate au, ti e kau tali loa kiate ia ; E kau nofo loa mo ia i le mamae ; E kau saofaki loa a ia, ti e kau fakakololia loa a ia.

Ekesote 12:41

I le katoa o fetuu ana e kau lelau fa kau tolu, i le aso fakaoki, na mavae loa a kau tau fuli a le Eteleno i le fenua o Esipito.

Ekesote 12:51

I le aso totonu lena, na fakamavae ai loa e le Eteleno i le fenua o Esipito a fanau a Iselaele, o mulimuli ki alatou kau tau.

Ekesote 13:5

Ka fakaulu loa a koe e le Eteleno ki le fenua o le kau Kanaane, mo le kau Eti, mo le kau Amole, mo le kau Evi, ti mo le kau Sepusi, fenua leia na fakapapau e ia ki ou tamana ke soli kiate koe, fenua leia e tafe ai le sua manu mo le meli, e ke fai loa ki le Eteleno le atolasio leinei i le masina totonu leinei.

Ekesote 3:17

ti kua kau pati : E kau fakamavae loa koutou mei Esipito, mei le ganea leia e kotou mamae ai, ti e kau ave loa koutou ki le fenua o le kau Kanaane, mo le kau Eti, mo le kau Amole, mo le kau Felesi, mo le kau Evi, mo le kau Sepusi, ki se fenua leia e tafe ai le sua manu mo le meli.

Ekesote 34:11

Tokaga ki le nea leia e kau fakatotonu kiate koe i le aso nei. Ko leinei, e kau kapu loa i ou mua le kau Amole, mo le kau Kanaane, mo le kau Eti, mo le kau Felesi, mo le kau Evi, mo le kau Sepusi.

Ekesote 5:23

E talu laku ano kia Falaone o masau i lou suafa, mo lana fakavelivelii le kakai leinei, ti na leaise ke saofaki fua lou kakai.

Esaia 36:17

O kaku ki le aso leia e kau au ai loa, o ave koutou ki se fenua leia e tatau mo lokoutou fenua, ki se fenua o le fulumeto mo le vino, ki se fenua o le pane mo le vite.

Esaia 64:1

Ofaipe se ula a se afi na tafu ki se fafie malo, Ofaipe se pula o se vai vela o masa ; E iloa loa e ou fili lou suafa, Ti e lulu loa a atu puleaga i ou mua.

Selemia 11:5

Ti e kau fakasoko loa le fakapapau leia na kau fai ki okoutou tamana, Ke soli kia latou se fenua leia e tafe ai le sua u mo le meli, Ofaipe le nea leia e kotou tio ki ai i le aso nei. Ti na kau tali loa : Amene, Eteleno !

Selemia 2:7

Na kau aumai koutou ki se fenua e faipe se faisaga laakau fua, Ke kotou kai a fua o laakau ti mo fua malilie o le kele. Kae na kotou au, ti na kotou fakakelekele loku fenua, Ti na kotou fakaliliu loku tofiga ko se nea fakalialia.

Selemia 32:22

Na ke soli kia latou le fenua leinei, Leia na ke fakapapau ki olatou tamana ke soli kia latou, Fenua leia e sali ai le sua u mo le meli.

Esekiele 20:6

I le aso lena, na kau siki loku lima kia latou, o fakamavae latou i le fenua ko Esipito ki se fenua leia na kau aga o afa kia latou, fenua e tafe ai le sua manu mo le meli, fenua fulumalie kese i fenua fuli.

Levitiko 20:24

Kua kau pati atu kia koutou : ko koutou ala e maua ia loa lolatou fenua ; e kau soli loa a ia kia koutou ke kotou pule ki ai : ko se fenua a ia leia e tafe ai le sua manu mo le sua meli. Ko au ko le Eteleno, ko lokoutou Atua, leia kua filifili ia koutou i atu puleaga.

Amosi 2:10

Kae na kau aumai koutou mei le fenua o Esipito, Ti na kau taki koutou i fetuu e kau fa i le toafa, Ke kotou maua le fenua o le kau Amole.

Numelo 13:18

Kotou sivisivi loa le agaaga o le fenua, mo le kakai leia e nofo i ai, pe makeke pe gagae, pe toka api pe toka teiki ;

Numelo 13:19

pe feaki le fenua leia e lotou nonofo ai, pe malie pe veli ; pe feaki a kolo ala e lotou nofo ai, mo nofolaga, mo kolo tau.

Numelo 13:27

Ko leinei le nea leia na lotou fakamatala loa kia Moisese : Na motou ano ki le fenua leia na ke kakau matou ki ai. E maoki ai ko se fenua a ia e apele i le sua manu mo le sua meli, ti ko nei ona fuai laakau.

Soane 3:13

E leikiaise pale se tagata ki le lagi, kae gato fuai ki leia na ifo mei le lagi, le Vosa o le tagata leia e nofo i le lagi.

Soane 6:38

talie na leaise kau ifo mei lagi o fai loku finegalo, kae le finegalo o leia na kakau ia mai au.

Tetelonome 1:25

Na lotou too loa i olatou lima ni fuai laakau o le fenua, o aumai kia tatou. Na lotou fai loa kia tatou se fakamatala, o pati : Ko se fenua malie leia e soli mai kia tatou e le Eteleno, lotatou Atua.

Tetelonome 1:7

Kotou maliu, o ano ; kotou ano ki le mauga o le kau Amole, mo fenua ala e ofi ki ai, i le fenua laumalie, i le fenua o mauga liliki, i le fenua o le Solotane, i le fenua saute, i le fenua o le mata tai, i le fenua o le kau Kanaane mo le Lipane, o kaku ki le vaitafe lasi ko le Eufalate.

Tetelonome 27:3

E ke tosi loa i fatu ana a folafola fuli o le lao leinei, mo ka ke ulu loa ki le fenua leia e soli atu loa kiate koe e le Eteleno, lou Atua, fenua leia e sali ai le sua manu mo le meli, o fai ki le pati atu kiate koe e le Eteleno, le Atua o ou tamana.

Tetelonome 28:11

E fakaapele loa a koe e le Eteleno ki nea malilie, o fakaliuliuga a fua o lou manava, mo fua o au kau manu, mo fua o lou kele, i le fenua leia na fakapapau e le Eteleno ki ou tamana ke soli atu kiate koe.

Tetelonome 6:3

Koia ke ke fakalogo loa kia latou, Iselaele, ti ke ke fai loa latou, o tupu ke ke manuia ti mo ke liuliuga o api, ofaipe lona fakasa e le Eteleno, le Atua o ou tamana, o fakapapau atu kiate koe se fenua leia e sali ai le sua manu mo le sua meli.

Tetelonome 7:1

Ka fakaulu loa a koe e le Eteleno, lou Atua, ki le fenua leia ka ke maua tofiga loa, ti ka kapu loa e ia i ou mua ni puleaga api : le kau Iti, mo le kau Kilikasi, mo le kau Amole, mo le kau Kanaane, mo le kau Pelesi, mo le kau Evi, mo le kau Sepusi, ko puleaga e fitu ala e lalasi ake mo makeke ake iate koe,

Sosue 5:6

Talie na saele a fanau a Iselaele i le toafa i le fetuu e kau fa o kaku ki le maumaui o le puleaga katoa o tagata tau ala na mavae mei Esipito ti na leaise fakalogo ki le leo o le Eteleno ; na fakapapau loa e le Eteleno kia latou ke aua na fakatio latou ki le fenua leia na fakapapau e ia ki olatou tamana ke soli kia tatou, fenua leia e tafe ai le sua manu mo le sua meli.

Sosue 9:1

I le logo ki nea ana, ko sau fuli ala na nonofo i le fetuu esite o le Solotane, mo le mauga, mo le potu taulalo, mo fenua fuli o le mata tai o le tai lasi, o kaku ki Lipane, le kau Eti, mo le kau Amole, mo le kau Kanaane, mo le kau Pelesi, mo le kau Evi, ti mo le kau Sepusi,

Sosue 9:7

Kae na tali loa a tagata o Iselaele ki le kau Evi : E lagi kotou nonofo loa i loto malie o matou, ti e feaki loa ke motou fai se sai mo koutou ?