Ekesote 3:7 - Tosi Tapu

⁷ Na pati loa le Eteleno : Kua kau tio ki le mamae o loku kakai i Esipito, ti kua kau logo ki alatou tagi o tupu ko lolatou fakavelivelii e olatou pule ; ti e kau iloa olatou mamae.

Ekesote 3:7 Iomraidhean Croise

Senesi 16:11

Na pati loa le aselo o le Eteleno kiate ia : Ko leinei kua ke tinae, ti e ke fanaui loa se tama, ti e ke soli loa kiate ia le igoa ko Isemaele ; talie kua logo le Eteleno ki lau tagi i lou mamae.

Senesi 18:21

Koia e kau ifo loa, o tio totonu pe maoki kua latou fai a nea fuli o mulimuli ki le tagi leia kua kaku mai kiate au ; ti kapau e leaise maoki, ti e kau iloa loa a ia.

Senesi 21:17

Na logo loa le Atua ki le leo o le toe ; ti na kalaga loa le aselo o le Atua mei le lagi kia Akale, o pati : Kolea e ke mamae ai, Akale ? Aua na ke i, talie kua logo le Atua ki le leo o le toe i le ganea leia e nofo ai.

Senesi 29:32

Na tinae loa a Lea, ti na fanaui loa e ia se tama, o fakaigoa loa e ia ko Lupeni, talie na pati loa a ia : Kua tio le Eteleno ki loku fakataulaloi. I le aso nei e alofa loa loku avaga kiate au.

Senesi 31:12

Na pati loa a ia : Tio ou mata : E pulepule mo safesafe a ovi tagata fuli ana na ano ki ovi fafine ; talie na kau tio ki nea fuli ala na fai e Lapane kiate koe.

Senesi 31:42

Kanapau na leaise tokoi mai le Atua o loku tamana ko Apalaamo kiate au, le Atua leia e i ki ai loku tamana ko Isaake, na ke aga loa o kapu au mo oku lima ata. Kae na tio le Atua ki loku mamae mo le pakia o oku lima i le gaoi ; koia i le aso nanafi na fakasa e ia lona faitotonu kiate au.

Lua tosi a Samuele 22:28

E ke saofaki le kakai leia e fakamamae, Ti e tuku ki lalo e ou mata latou ala e fia nealasi.

Lua tosi o Sau 13:4

Na tagi loa Soakase ki le Eteleno. Ti na tali loa e le Eteleno lana kole, talie na tio a ia ki le fakapopulai o Iselaele e le sau o Silia,

Lua tosi o Sau 20:5

Toe liliu o pati kia Esekiasi, pule o loku kakai : Ko leinei le folafola a le Eteleno, le Atua o Tavite, lou tamana : Kua kau logo ki lau faikole, ti kua kau tio ki ou loimata. E kau soli loa kiate koe le malolo ; i le tolu o aso, e ke pale loa ki le fale o le Eteleno.

Neemia 9:9

Na ke tio loa ki le mamae o omatou tamana i Esipito, ti na ke logo loa ki alatou tagi i le tai kula.

Pesalemo 106:44

Na tio loa a ia ki lolatou mamae, I lana logo ki alatou tagi.

Pesalemo 12:6

Ko leinei e pati le Eteleno : e kau tuu ki aluga, O tupu ko le kau mativa leia e fakavelivelii, Mo le kau gaegae leia e fetagisi, Ti e kau aumai le fakamauli kia latou ala e tekei ki se tua lima.

Pesalemo 142:3

E kau liligi laku tagi i ona mua, E kau fakamatala loku mamae kiate ia.

Pesalemo 145:19

E fakasoko e ia a oli o latou ala e i kiate ia ; E logo a ia ki alatou tagi, ti e fakamauli e ia latou.

Pesalemo 22:24

Ko koutou ala e i ki le Eteleno, ke kotou vikiviki kiate ia ! Ko koutou fuli ko le sakoga o Sakopo, ke kotou fakakololia kiate ia ! Ke kotou lulu i ona mua, kotou fuli ko le sakoga o Iselaele !

Pesalemo 34:4

Ke kotou siki mo au le Eteleno ! Ke tou vikiviki fakatasi ki lona suafa !

Pesalemo 34:6

Ka fulusi otou mata kiate ia, e tou gigila loa i le fiafia, Ti e leaise apele loa otou mata i le luma.

Pesalemo 35:22

Eteleno, e ke tio ki ai ! aua na ke nofo fakalologo ! Aliki, aua na ke fakamamao iate au !

Pesalemo 9:14

Eteleno, alofa mai kiate au ! Tio ki loku mamae ia latou ala e vesia kiate au ! Too au i matapa o le mate,

Ekesote 1:11

Ti na fakanofo loa ni pule gaoi, o tupu ke lotou fakamamae latou ki ni kavega mamafa. Koia na fakatuu ai loa a kolo o Pitomi mo Lamisese, ke tanaki ai a koloa o Falaone.

Ekesote 1:8

Na malaga ake loa i Esipito se sau foou, leia na leaise iloa ia Sosefo.

Ekesote 22:23

Kapau e ke fai fakaveliveli loa laua, ti e la au loa kiate au, ti e kau logo loa ki ala tagi ;

Ekesote 33:13

I le temi nei, kapau kua kau maua lou alofa, fakasa mai kiate au ou ala ; ti e kau iloa maoki loa a koe, ti e kau toe maua loa lou alofa. Ke aua na galo kiate koe ko le kakai leinei ko lou kakai totonu.

Ekesote 5:10

Ti na ano loa le kau pule o le kakai mo le kau pule gaoi, o pati ki le kakai : Ko leinei le masau a Falaone : E leaise kau toe soli loa kia koutou se mutie malo ;

Ekesote 5:6

I le aso fai lena, na tuku loa e Falaone le fakatotonu leinei ki le kau pule o le kakai mo le kau pule gaoi :

Esaia 63:9

I olatou mamae fuli na leaise lotou sala tokoi, Ti ko le aselo leia e nofo i mua o le Eteleno na fakamauli ia latou ; Ko ia totonu leia na totogi ia latou, i lona alofa mo lona manava alofa, Ti na fakamakeke e ia latou ti na amo e ia latou i temi fuli, i aso afea.

Numelo 20:16

Na motou tagi loa ki le Eteleno, ti na logo loa a ia ki lomatou leo. Na kakau mai loa e ia se aselo, o fakamavae matou mei Esipito. Ti ko leinei, e motou nonofo i Katesi, kolo leia e tuu i le taupotu o lou fenua.

Gaoi 7:34

Kua kau tio ki le mamae o loku kakai i Esipito, kua kau logo ki alatou tagi, ti kua kau ifo mai o fakamauli latou. Ano i le lakaga nei, e kau kakau loa a koe ki Esipito.

Epelo 4:15

Talie e leaise tou maua ia se pule fai sakilifisio leia e leaise mafai ke manavaalofa ki otatou gaegaeia ; talie na fakasalai a ia ofaipe tatou i nea fuli, kae na leaise agasala fua a ia.

Uluaki tosi a Samuele 9:16

I apogipogi, i le ola leinei, e kau kakau atu loa kiate koe se tagata o Pesamino, ti e ke takai loa a ia ki le lolo ke fakanofo a ia ko le pule o loku kakai ko Iselaele. E saofaki loa e ia loku kakai i le lima o le kau Filisitini ; talie kua kau tio ki loku kakai, ti kua kaku mai lana tagi kiate au.